AŋHibru 9:11 - Ȧŋlemrȧnɛ Ȧfu

¹¹ Kɛrɛ ma Krayst ɔ ŋaibinɛ mɔ ufode ubana ka mȧtȧy məfinɔ ama mə der-e, ka ȧŋlɔkɔ ŋati kətȧŋȧnɛ ka ȧŋseth ŋa akotha abana afisa, (aŋa a te bɛmpa rɛ məta mɔ rəka ra ȧdȧru are),

AŋHibru 9:11 Iomraidhean Croise

Mathiu 11:3

kaŋ pa ro ŋɔŋ, Munɔ yi kɔn ɔwe ba kǝder-i, thalɔm sǝ ba tǝ kǝkǝli ta ulɔm-i?

Mathiu 2:6

Munɔ Bɛthlihɛm, ka ȧŋthɔf ŋa Yuda, Mǝ yi hɛ ulɔl pǝthas aŋkərbomp ŋa aŋ Yuda; kotȧy-e ugbǝkȧ ɔ tǝwur ro mu Ɔwe mǝ yi ɔbumǝr ka aŋfǝm a mi aŋIsrɛl.

Mark 14:58

aŋ pa, Sə təlȧ kɔ ɔ pa, I ti sakthi ȧŋseth ŋa Kuru aŋe aŋa a bɛmpanɛ məta, ɔwa ka mərey məsas i ti kȧl təmər alɔm aŋa a te bɛmpanɛ məta.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 4:25

Ɔbɛra ɔ pa ro ŋɔŋ, I tȧrȧ kəpa Mɛsayaŋ ɔ tə der, ɔwe a bont Krayst; bepi ɔ po der ɔ tə kanɛ su mȧtȧy bɛ.

Mȧyɔs ma aŋsom 7:48

halisa ɔBɔli rəkɔm bɛ ɔ yirȧ hɛ rə aseth aŋa mə a bɛmpa rə məta; mɔ mə ɔnȧbi ɔ pa,

2 AŋKɔrenth 4:18

pəkasifɛ sə kəli hɛ ka mȧtȧy ama a nəŋka rəfɔr-e, kɛrɛ ka mȧtȧy ama a te nəŋka rəfɔr. Ȧtesoma-e mȧtȧy ama a nənk mə yi gbo ta alɔkɔ agbut; kɛrɛ mȧtȧy ama a te nənk mə yi ta thȧnkȧŋ thəbana.

2 AŋKɔrenth 5:1

kotȧy-e sə tȧrȧ kəpa bepi ȧŋseth ŋa madɛr ma su aŋ yɛksɛ-e, sə ba alɔm kəwur ka Kuru Məsaba-e, aseth aŋa mə a te bɛmpa yi məta thȧnkȧŋ thəbana ro riyana.

AŋKɔlɔsi 2:11

A birons nu do rɔŋɔŋ sɔ yi kabirons ȧke te yi rə məta, ma nə bus mayi mələs ma madɛr ka kabirons ka Krayst.

AŋHibru 10:1

Te ba ti kȧbi ȧŋthɔ aŋ ba gbo ȧŋmumpəl ŋa mȧtȧy məfinɔ ama ba kəder-e, beta aŋ ba mȧtȧy mati məgbenthis-e, aŋ gbəli hɛ yɔ kȧmȧ thȧnkȧŋ asathka ȧtȧ a sɔŋ kəren o kəren tə gbenthis ŋaŋ aŋa fatər.

AŋHibru 12:27

Ɔwa ȧrim are kəpa, Win gbo ras, rə tɔri kəpa a tə tɔŋa ɛyɛt ɛyɛ a gbəli yiŋktha, mɔ ɛyɛt ɛbɛmpa, kȧmȧ ɛyɛt ɛyɛ a te gbəli yiŋktha ɛ tə tiyȧ.

AŋHibru 13:14

Pəkasifɛ anɔ sə ba hɛ kəpet kəthəbana, kɛrɛ sə thɛns kȧpet ȧke yi tə kəder.

AŋHibru 2:17

Tiyȧŋ pə yi ɔlompi kȧmȧ a yɔ kɔ mɔ aŋwɔnt ŋɔŋ rə koko bɛ, kȧmȧ ɔ gbəli yi ufode ɔwe ba ȧney, ubɔthi lanɛ ka mȧtȧy ma Kuru, kȧmȧ ɔ gbəli nɛmthɛnɛ ta ɛhakɛ ya aŋfəm.

AŋHibru 3:1

Te ba ti, awɔnt asəm, ayeranɛ ka katela ka ro riana-e, kala ȧmerȧ ka Yisɔs Krayst, ɔwe yi mɔ ɔSom dɛ yi ɔFode ubana ka kȧlanɛ kȧsu.

AŋHibru 4:15

pəkasifɛ sə ba hɛ ufode ubana ɔwe te gbəli təlnɛ mȧrȧnt ma su; kɛrɛ a la mɛmər kɔ yi ɛgbɔns rə roŋ o roŋ mɔlɔ min mɔ saŋ, kɛrɛ ɔ tha yɔ hɛ ahakɛ bɛ.

AŋHibru 7:1

kotȧy-e, ɔMɛlkisidɛk ɔwe, ɔwe yi mɔ-e ɔbȧy ka ro Salem dɛ yi ɔfode ka Kuru Məsaba-e, ɔ gbanɛ Ebraham ma ɔ wur kəwur ka kədifəth aŋbȧy, kɔ ruba kɔ,

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

2 Yɔn 1:7

kotȧy-e afəm ayaŋfa agbȧthi aŋ po wɔŋ ka ȧdȧru, hali ŋaŋ aŋa te gbithanɛ kəpa Yisɔs Krayst ɔ po der ka madɛr. Ɔwe ɔ yi uyaŋfa yi ukraist uyem.