AŋHibru 8:3 - Ȧŋlemrȧnɛ Ȧfu

³ kotȧy-e a thith ufode o fode ubana tə kəsɔŋ ɛboya dɛ yi sathka; tiyȧŋ ɔfode ubana ɔwe, thambe kɔnɔ sɔ ɔ ba ara ɔ gbəli sɔŋ.

AŋHibru 8:3 Iomraidhean Croise

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

AŋRomans 4:25

Ɔwe a sɔnd salata ɛhakɛ ɛ su, ɔwa a yokas kɔ kətɔŋ ka aŋfi kȧmȧ sə gbəli sɔthɔ məmari.

AŋRomans 5:6

kotȧy-e ma sə te tha ba afɔsɔ-e, ka ȧŋlɔkɔ abeki Krayst ɔ fi ta salata aŋa te bɔthər Kuru.

AŋRomans 5:8

Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 2:17

Tiyȧŋ pə yi ɔlompi kȧmȧ a yɔ kɔ mɔ aŋwɔnt ŋɔŋ rə koko bɛ, kȧmȧ ɔ gbəli yi ufode ɔwe ba ȧney, ubɔthi lanɛ ka mȧtȧy ma Kuru, kȧmȧ ɔ gbəli nɛmthɛnɛ ta ɛhakɛ ya aŋfəm.

AŋHibru 3:1

Te ba ti, awɔnt asəm, ayeranɛ ka katela ka ro riana-e, kala ȧmerȧ ka Yisɔs Krayst, ɔwe yi mɔ ɔSom dɛ yi ɔFode ubana ka kȧlanɛ kȧsu.

AŋHibru 5:1

kotȧy-e ufode o fode bɛ ɔwe a thith kətɔŋ ka aŋfəm-e, a bot kɔ tə kətəma ta aŋfəm ka mȧtȧy ma Kuru, kȧmȧ ɔ sɔŋ ɛboya dɛ yi kȧmȧ ɔ wurɔ ɛsathka ta ɛhakɛ.

AŋHibru 7:27

Ɔwe tǝ ba kəwura sathka ȧrey o rei mɔ afode alɔm, ka ɔtɔtɔkɔ ta ɛhakɛ yɔŋ, ɔwa rodarəŋ kati ta ɛhakɛ ya aŋfəm. Kotȧy-e ɔ po yɔ ti win, ma ɔ sɔndnɛ.

AŋHibru 8:4

Bepi ɔ yi ras nɔru-e, ɔ gbəli hɛ yi naŋ ufode bɛ-e, pəkasifɛ afode alɔm aŋ yi aŋa sɔŋ ɛboya kətȧŋȧnɛ ka ȧŋthɔ;

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.