AŋHibru 8:10 - Ȧŋlemrȧnɛ Ȧfu

¹⁰ Kɛrɛ aŋlemranɛ ŋi aŋe aŋa mɛ re sek yi rȧkomra ra Isrɛl, Kədarəŋ ka marey mati, ɔMarki ɔ pa. I ti bot ɛthɔ ɛ mi ka ɛnanɛ yaŋ, I ti gbal yi ka ɛmerȧ yaŋ. Ɔwa i ti yi ɔKuru ka ŋaŋ, ɔwa ŋaŋ aŋ tə yi aŋfəm a mi.

AŋHibru 8:10 Iomraidhean Croise

Mathiu 22:32

Minɛ yi ɔKuru ka Ebraham, ɔKuru ka Aysak yi ɔKuru ka Yekɔb-i? Kuruȧŋ ɔ yi hɛ ɔKuru ka aŋfi kɛrɛ ɔka aŋkǝli.

AŋRomans 11:27

Ɔwa aŋlemranɛ a mi do rɔŋaŋ, ŋi aŋe, Ka ȧŋlɔkɔ ma i nɔy ɛhakɛ yaŋ.

1 AŋKɔrenth 6:16

Nə tɛ hɛ kəpa ɔwe mə kulunɛ ka ubɛra urəpi ɔ səkɛ adɛr ŋin yi kɔn-i? Ȧtesoma-e ɔMarki ɔ pa, Ŋa ŋarəŋȧŋ aŋ səkɛ adɛr ŋin.

2 AŋKɔrenth 3:3

kotȧy-e a tɔri ti gbafəth kəpa nə yi ȧŋreka ŋa Kraystȧŋ aŋa a po maŋkər su, aŋa a te gbal rə aruba, kɛrɛ rə ɔYina ka ɔKuru ukəli; pə yi hɛ ɛwalka ɛ məsar, kɛrɛ ɛwalka ya ɛmerȧ ya afəm a kəpet.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 11:16

Kɛrɛ ka-ake aŋ fela athɔf afisa aŋa yi mɔ ro riyana; tiyȧŋ Kuru ɔ lap hɛ maŋ tela kɔ ɔKuru ka ŋaŋ, pəkasifɛ ɔ po bɛnɛnɛ kəpet ta ȧtȧ ŋaŋ.

Yeməs 1:18

Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.

Yeməs 1:21

Tiyȧŋ gbapɛ nu mȧnɔkɔ yi məthasərnɛ ma mələs bɛ, ɔwa rə ȧmerȧ athoranɛ malanɛ nu ȧrim ara a tɛpər nu-e, ara gbəli kisis rafəm ra nu.

1 Pitar 1:23

ma pə yi ti-e a kom nu ɔfu, pə yi hɛ ka mater ama ba kəthey, kɛrɛ ka mater ama te ba kəthey thȧnkȧŋ, salata ȧrim ra Kuru ara ba kəyi haŋ thȧnkȧŋ thəbana.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.