AŋHibru 4:2 - Ȧŋlemrȧnɛ Ȧfu

² Ȧtesoma-e a tɔri su sɔ ȧkɛra kəfinɔ ka Kuru mɔlɔ min mɔ ŋaŋ; kɛrɛ ȧkɛra ȧke aŋ po təl kə mar hɛ ŋa, pəkasifɛ aŋ lanɛ hɛ maŋ təl ki.

AŋHibru 4:2 Iomraidhean Croise

Mȧyɔs ma aŋsom 13:46

Ka Pɔl yi Banabasȧŋ aŋ fɔf yi kəmintha, kaŋ pa, Pə ba kəyi kəpa a mɔtha tɔri nu ȧrim ra Kuru; kɛrɛ ma nə pɛnsa ri-e, nə gbək ti kəpa nə bek hɛ tə kəsɔthɔ aŋesəm thəbana-e, sə tə lafthɛ ka tȧbona təlɔm.

Mȧyɔs ma aŋsom 3:26

Ɔwa ma Kuru ɔ po yokas ɔWan kɔŋ Yisɔsȧŋ, ɔ mɔtha somra kɔ ro rɔnu tə kəruba nu, ka kalafthi nu-e, naŋ bɛ kəwur ka makənə ma nu.

AŋRomans 2:25

Ɔwa kəbirons kə mar tȧy bepi mə wop ȧŋthɔ, kɛrɛ bepi mə yi uləsər anthɔ-e, kabirons ka mu kə səkɛ mu kəte birons.

AŋRomans 3:3

To pə yi bepi alɔm aŋ yi hɛ abɔthi lanɛ-e? Kate lanɛ ka ŋaŋ kə tə gbəli yɔ kabɔthi lanɛ ka Kuru kə thamrɔ-i?

1 AŋKɔrenth 13:3

Ɔwa, hali i yer ɛyɛ i ba tə kəwɔnthər ȧŋmɔnɛ, hali i sɔŋ ȧŋdɛr a mi kȧmȧ a thɔy ŋi-e, bepi i ba hɛ məbɔthər-e, tə naŋfas hɛ mi koko.

AŋKȧletia 3:2

Atȧy tin ȧte gbo tȧ i yema tȧrȧ kəwur do rɔnu, Naŋ nə po sɔthɔ ɔYina ka mȧyɔs ma anthɔ-i, thalɔm ka aŋkanɛ ŋa kəlanɛ-i?

AŋKȧletia 3:8

Te ba ti ka mȧgbal məsəm, ma mə mɔtha nənk kəpa Kuru ɔ tə sɔŋ məmari ka tȧbona təlɔm asabu ŋa kəlanɛ, ɔ kawandi ȧkɛra kəfinɔ ka Kuru thəpaŋ ka Ebraham, kɔ pa, Kətaŋ do rɔmu təbona bɛ tə tə sɔthɔ aruba.

AŋKȧletia 4:13

Kɛrɛ nə tȧrȧ ka ɔtɔtɔkɔ i kawandi nu mapa məfinɔ ma Kuru rə asɔmpanɛ ka ȧŋdɛr a mi.

1 AŋThɛsȧlonika 1:5

kotȧy-e ȧkɛra kəfinɔ kȧsu kə derər hɛ nu rə sim gbo, kɛrɛ ka aŋfɔsɔ sɔ-e, dɛ yi ka ɔYina məsəm, kəte ba asikɛ bɛ. Fɔtha ma sə yi dɛ yi naŋ-e, nə tȧrȧ ko afəm sə yi ka ȧŋgbȧp a nu.

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

1 Timɔthi 4:8

kotȧy-e kȧthanthəsnɛ ka mədɛr kə naŋfas ɔthan gbo, kɛrɛ marusəmnɛ ame ka Kuru Məsaba-e mə mar rə tȧy o tȧy, ma pə yi mə ba alahiri ŋa aŋesəm ŋa ka-ake, dɛ yi ŋa aŋa mə der.

AŋHibru 11:6

Kɛrɛ rə kəte ba kəlanɛ sə gbəli hɛ bɔnɛs Kuru, kotȧy-e ɔwuni ɔwe fatər Kuru-e, thambe ɔ lanɛ kəpa Kuru ɔ yi-e, ɔwa sɔ-e, ɔ tə kȧl rȧm ŋaŋ aŋa thɛns kɔ tə tɛntɛnɛ.

AŋHibru 3:12

Bumnɛ nu finɔ, awɔnt, ta thani ȧmerȧ aləs ŋa kəte lanɛ aŋ tə yi kətɔŋ ka nu, ɔwa aŋ tə yɔ nu nə bȧrȧ kəmuth ka ɔKuru ukəli.

AŋHibru 4:6

Ma sə nənk kəpa alɔm aŋ tə wɔŋ ri-e, kɛrɛ ŋaŋ aŋa mɔtha təl ȧkɛra kəfinɔ aŋ wɔŋ hɛ ri salata kate ka ŋaŋ lanɛ-e,

Yeməs 1:21

Tiyȧŋ gbapɛ nu mȧnɔkɔ yi məthasərnɛ ma mələs bɛ, ɔwa rə ȧmerȧ athoranɛ malanɛ nu ȧrim ara a tɛpər nu-e, ara gbəli kisis rafəm ra nu.

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.