AŋHibru 2:14 - Ȧŋlemrȧnɛ Ȧfu

¹⁴ Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

AŋHibru 2:14 Iomraidhean Croise

Mathiu 16:17

Ka Yisɔs ɔ pa ro ŋɔŋ, Munɔ mǝ ba aruba Saymɔn ɔwan ka Yona, pǝkasifɛ wuni kǝpet ɔ tɔri hɛ ti ro mu, kɛrɛ ɔKas kȧmi ɔwe yi ro riyana.

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 12:24

I kanɛ nu tɛntɛnɛ, Bepi ȧŋluka ŋa awit aŋ fumpɔ hɛ ka ȧŋthɔf rokor aŋ fi, aŋ tiyȧ ri son: kɛrɛ bepi aŋ fi ri, aŋ tə wur məkomi məgbathi.

AŋRomans 14:9

Tesoma Krayst ɔ fi, kɔ kȧl kəli, kȧmȧ ɔ gbəli yi ɔMarki ka aŋfi dɛ yi ka aŋkəli.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

1 AŋKɔrenth 1:28

kɔ thith mȧtȧy məyai ma ȧdȧru yi mȧtȧy məfarkɛ, yao, hali mȧtȧy ama te yi, Kuru ɔ po thith ma tə kədim mȧtȧy ama yi.

1 AŋKɔrenth 15:50

Ɔwa awɔnt, i kanɛ nu ȧte kəpa mədɛr yi mətir ɛ gbəli hɛ sɔthɔ rȧbȧy ra Kuru; ta a pa ras ara ba kəthey rə te gbəli sɔthɔ ara mə te thei thȧnkȧŋ.

AŋKȧletia 4:4

kɛrɛ ma ɔlasər wa ȧŋlɔkɔ aŋ poŋ bek-e, Kuru ɔ som ɔWan kɔŋ ɔwe wuni bom ɔ kom-e, ɔwa a kȧl kom kɔ ka ȧŋthɔ ratha-e,

AŋKɔlɔsi 2:15

kɔ ləsər aŋfɔsɔ ŋa agbəka dɛ yi abȧy bɛ, ɔwa ɔ tɔri gbafəth kəpa ɔ po tham ŋa ka akənt kɔŋ kəpəŋkinɛ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

2 Timɔthi 1:10

kɛrɛ ka-ake kə poŋ ŋaibɛ ka katɔrinɛ ka ɔKisis kȧsu Yisɔs Kraystȧŋ, ɔwe po tham rȧfi, kɔ wurɔ gbafəth aŋesəm yi kȧte fi kətaŋ ka ȧkɛra kəfinɔ ka Kuru.

AŋHibru 10:10

Ɔwa kətȧŋȧnɛ ka mȧselɔ mati a po səməs su asabu ŋa kasɔndnɛ ka ȧŋdɛr ŋa Yisɔs Krayst win haŋ thəbana.

AŋHibru 10:5

Tiyȧŋ ma ɔ der ka ȧdȧru, ɔ pa, Sathka dɛ yi aboya mə fela hɛ, Kɛrɛ mə bɛnɛnɛ adɛr ta ȧtȧ mi.

AŋHibru 2:17

Tiyȧŋ pə yi ɔlompi kȧmȧ a yɔ kɔ mɔ aŋwɔnt ŋɔŋ rə koko bɛ, kȧmȧ ɔ gbəli yi ufode ɔwe ba ȧney, ubɔthi lanɛ ka mȧtȧy ma Kuru, kȧmȧ ɔ gbəli nɛmthɛnɛ ta ɛhakɛ ya aŋfəm.

AŋHibru 2:18

kotȧy-e ma kɔn kɔnɔnɛ ɔ po nakasi rə ɛgbɔnsanɛ, ɔ gbəli sɔ mar ŋaŋ aŋa mə a gbɔns ka-ake.

AŋHibru 4:15

pəkasifɛ sə ba hɛ ufode ubana ɔwe te gbəli təlnɛ mȧrȧnt ma su; kɛrɛ a la mɛmər kɔ yi ɛgbɔns rə roŋ o roŋ mɔlɔ min mɔ saŋ, kɛrɛ ɔ tha yɔ hɛ ahakɛ bɛ.

AŋHibru 9:15

Te ba ti ɔ yi ukasa ka aŋlemranɛ afu, kȧbi ɔ po fi tə kəbani ɛhakɛ yaŋ aŋa la yi roratha ka aŋlemranɛ ȧtɔtɔkɔ, kȧmȧ ŋaŋ aŋa a po tela aŋ gbəli sɔthɔ aŋlahiri ŋa akɛŋ ka thəbana.

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 20:2

Ɔwa ɔ wop ȧŋninkinanka, ȧŋbok ubaki kati, ɔwe yi ɔkərəfi dɛ yi Sethani, kɔ tand kɔ ta təren awul ŋin.