AŋHibru 13:7 - Ȧŋlemrȧnɛ Ȧfu

⁷ Nanɛ nu ŋaŋ aŋa yi aŋkərbomp a nu aŋa po tɔri nu ȧsim ta Kuru; kala ȧmerȧ ka mayi maŋ, ɔwa tansanɛ kȧlanɛ ka naŋ.

AŋHibru 13:7 Iomraidhean Croise

Mathiu 24:45

Kanɛ yi thɔŋ ȧŋbɔy ubɔthi lanɛ yi atempi, ɔwe ɔmarki kɔŋ ɔ po bot kɔ rokɔm ka kabɔr kɔŋ, kȧmȧ ɔ sɔŋ ŋa yɛt ɛdi ka ȧŋlɔkɔ ŋati-e?

Luk 12:42

ƆMariki ɔ pa, Kanɛ yi thɔŋ ȧŋbɔy ubɔthi lanɛ ɔwa utempi-e, ɔwe ɔMarki kɔŋ ɔ tə bot rokɔm ka kabɔr kɔŋ-e, tə kəsɔŋ ŋa ɛyɛt yaŋ ɛdi ka ȧŋlɔkɔ alompi-e?

Luk 5:1

Ka pə re yi ma aŋfəm aŋ thiŋkanɛ kɔ tə kətəl ȧrim ra Kuru-e, ɔ bɔ təmȧ rayɛr ka ȧŋbonka ŋa Kɛnɛsarɛt.

Luk 8:11

Aŋlomɔ ŋi aŋe. Mater mə yi ȧrim ra Kuru.

Mȧyɔs ma aŋsom 13:46

Ka Pɔl yi Banabasȧŋ aŋ fɔf yi kəmintha, kaŋ pa, Pə ba kəyi kəpa a mɔtha tɔri nu ȧrim ra Kuru; kɛrɛ ma nə pɛnsa ri-e, nə gbək ti kəpa nə bek hɛ tə kəsɔthɔ aŋesəm thəbana-e, sə tə lafthɛ ka tȧbona təlɔm.

Mȧyɔs ma aŋsom 14:23

lƆwa maŋ po thithəsȧ ŋa abȧki rə ȧchɔch o chɔch-e, ɔwa maŋ po ramnɛ yi kəwop asum-e, aŋ maŋkər ŋa ka ɔMarki ka ɔwe aŋ po lanɛ.

Mȧyɔs ma aŋsom 4:31

Ɔwa maŋ po ramnɛ-e, ɔdɛr ro aŋ thoŋklanɛ dɛr rɔkin-e, pə yiŋkthanɛ ri, kaŋ la ɔYina məsəm, ɔwa aŋ fɔf ȧrim ra Kuru rə kəmintha.

AŋRomans 10:17

Tiyȧŋ kəlanɛ kə wur rə kətəl, yi kətəl rə ȧrim ra Krayst.

1 AŋKɔrenth 10:13

Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

1 AŋKɔrenth 11:1

Ɔwa yi nu ȧtȧnsȧnɛ mi mɔ mə minɛ mə i tansanɛ Kraystȧŋ.

1 AŋKɔrenth 4:16

Tiyȧŋ ɔmari nu, yi na ȧtȧnsȧnɛ mi.

AŋFilipai 3:17

Awɔnt, yi nu ȧtȧnsȧnɛ mi, ɔwa lomar ŋaŋ aŋa kɔth kətȧŋȧnɛ ka ȧŋmɔl aŋa sə sɔŋ nu.

1 AŋThɛsȧlonika 1:6

Ɔwa nə təp kəsanɛ su dɛ yi ɔMarki, ma nə po malanɛ ȧrim ra ȧkɛra rə asɔmpanɛ ȧbana, rɛ mabɔnɛ ma ɔYina məsəm;

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

2 AŋThɛsȧlonika 3:7

kotȧy-e naŋ nə tȧrȧ kəpa nə yi tə kətansanɛ su; pəkasifɛ sə kɔth hɛ ɔləs kətɔŋ ka nu.

2 AŋThɛsȧlonika 3:9

Pə yi hɛ kəpa sə ba hɛ mamari mati, kɛrɛ sə fela tə kəsɔŋ nu amɔl kȧmȧ nə tansanɛ su.

1 Timɔthi 3:5

kotȧy-e bepi wuni ɔ tɛ hɛ tə kəgbəka ȧŋseth ŋɔŋ gbeŋ-e, to mɔ gbəli kəlianɛ aŋchɔch ŋa Kuru Məsaba-e?

AŋHibru 13:17

Wop nu ȧrim ra aŋkərbomp, ɔwa sanɛ ka aŋbȧki rokɔm ka nu; kotȧy-e aŋ bumər ɛŋesəm ɛ nu mɔ afəm aŋa ba kəsɔŋ akanɛ, kȧmȧ aŋ gbəli sɔŋ ŋi yi məbɔnɛ, pə yi hɛ yi ɔnɔsinɛ, kotȧy-e ȧte tə gbəli hɛ mar nu.

AŋHibru 13:24

Kori ŋaŋ aŋa yi rokɔm ka nu, dɛ yi aŋsəm bɛ. Ŋaŋ ro Itali aŋ kori nu.

AŋHibru 6:12

Kama nə te yi ayay, kɛrɛ nə tansanɛ ŋaŋ aŋa sɔthɔ ɛlahiri asabu ŋa kȧlanɛ dɛ yi kamuyu ka ŋaŋ.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.

Kȧŋȧibinɛ 20:4

Ka i nənk təwaŋ ta rȧbȧy, ɔwa a sɔŋ ŋaŋ aŋa yirȧ ri afɔsɔ tə kəthoŋkas; ka i nənk ɛŋesəm ya ŋaŋ aŋa a la gbetha təbomp salata maseri ma Yisɔs yi ta ȧrim ra Kuru, pəkasifɛ aŋ la kasi tə kəbatho ɔsɛm utuy tȧy thalɔm mȧbȧlȧnɛ mɔŋ, kaŋ la pɛnsa sɔ aŋlomar ŋɔŋ ka mabuŋ maŋ, ɔwa aŋ kȧl yi akəli sɔ, kaŋ gbəka dɛ yi Kraystȧŋ təren awul ŋin.

Kȧŋȧibinɛ 6:9

Ma ɔ sim ȧŋmȧthlɛ aŋa bekȧ tamath-e, i nənk roratha ka ȧŋbɛsɛ ɛŋesəm ya ŋaŋ aŋa a po dif salata ȧrim ra Kuru, yi ta maseri ama aŋ po sɔŋ.