AŋHibru 13:5 - Ȧŋlemrȧnɛ Ȧfu

⁵ Yi nu kəyaŋkaŋ kǝwur ka mafela ma akala-e; ɔwa ta ara nə ba rə yi rəbeki nu; kotȧy-e Kuru kɔn kɔnɔnɛ ɔ po pa, I gbəli hɛ thȧnkȧŋ tey nu, thalɔm i gbapɛ nu.

AŋHibru 13:5 Iomraidhean Croise

Mathiu 6:19

Te nu thoŋklanɛ tɛŋ ka ȧdȧru ro amɔrka yi magbak mȧ mǝ sɔm ti, dɛ yi akey mǝ aŋ bɛs tǝ kǝkeya.

Mathiu 6:25

Tiyȧŋ i kanɛ nu, te nu ba asoli ta ɛŋesǝm ɛ nu, ta ara mǝ nǝ di-e, thalɔm ta ara mǝ nǝ mun-e, ta a pa ras ta aŋdɛr a nu ta ara mǝ nǝ wɔŋ. Aŋesǝm aŋ thas hɛ yɛt ɛdi-i, ɔwa aŋdɛr aŋ thas hɛ ɛloprȧ-i?

Mathiu 6:34

Tiyȧŋ te nu ba asoli ta ninaŋ, ȧtesoma-e rasɔk ra ninaŋ rǝ tǝ ba aŋsoli ŋati. Mȧlǝs ma ȧŋrey mǝ beki ta ȧŋrey ŋati.

Mark 7:22

tȧkey-o, afela ŋa yɛt ya wuni lɔm-o, məkar mələs-o, kȧtut-o, ɛyanfa-o, ɛfɔr ɛmara-o, tȧfɔf tələs-o, kȧbonɛ tȧy-o, yi ȧŋpənk-o;

Luk 3:14

Ka aŋtim sɔ aŋ yif kɔ, aŋ pa, Ɔwa saŋ-e, to mə sə yɔ-e? kɔ pa ro ŋaŋ, Te nu sɔmpa wuni o wuni, te nu yɔ wuni o wuni yaŋfa, ɔwa ta ȧŋrȧm a nu aŋ bek nu.

Luk 8:14

Ama fumpɔ rə tabaŋk ratɔŋ, mə yi ŋaŋ aŋa po təl. Ɔwa maŋ kɔnɛ ka asoŋ ta ŋaŋ-e, ɛsoli, yi rayola, yi mabɔthi ma ȧdȧru, ɛye bɛ ɛ thiŋkanɛ ŋa, ɔwa aŋ kom hɛ məkomi məgbenthis.

AŋRomans 1:29

Ŋaŋ-e aŋ po la yi mələs tətəp tətəp, mȧkənȧ-o, kȧtut-o, ȧmerȧ aləs-o, amilɛ-o, kȧdif kəsias-o, kȧgbal dɛ yi kȧtɔns tȧy.

1 AŋKɔrenth 5:11

Kɛrɛ i gbalər nu tə kəte kulunɛ ka wuni ɔwe a bont uwɔnt ka kȧlanɛ bepi ɔ yi wuni ɔwe mə yɔ kərəp, thalɔm ɔ ba ɛfɔr ɛmara, thalɔm ɔ ramnɛ ɛyɛt ɛbumərnɛ, ɔwa bepi ɔ nal-e, bepi ɔ tis-e, thalɔm bepi ɔ yɔ kansoŋ; nə yi hɛ ras tə kədi yi ɔwuni wunɔŋ.

1 AŋKɔrenth 6:10

thalɔm akey-o, thalɔm afəm aŋa ba ɛfɔr ɛmara-o, thalɔm atis-o, thalɔm aŋa nal-o, thalɔm aŋa ba aharamu-o; aŋe bɛ aŋ gbəli hɛ sɔthɔ rȧbȧy ra Kuru.

2 AŋKɔrenth 4:9

A bȧl su, kɛrɛ a tey hɛ su fu. A napəs su ro thɔf, kɛrɛ a dim hɛ su.

AŋƐfisɔs 5:3

Kɛrɛ kȧrəp-o, kȧtayanɛ bɛ-o, ta a pa ras ɛmilɛ-o, ta a te sɔ bont yi kətɔŋ ka nu, mɔ mȧ aŋsəm aŋ yi tə kəyɔ.

AŋƐfisɔs 5:5

kotȧy-e nə tȧrȧ ti tə tɛntɛnɛ kəpa wuni rəpi, thalɔm wuni nɔkɔ-e, thalɔm wuni ba ɛfɔr ɛyamari-e, ɔwe yi mɔ ubȧtho arɔŋ-e, ɔkati ɔ ba hɛ ani ka rȧbȧy ra Krayst yi Kurɔŋ.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

1 Timɔthi 3:3

Ta ɔ te yi wuni mun məber, thalɔm wuni sɔŋkɔ sɔŋkɔ, ta ɔ te ba rədir ta akala-e; kɛrɛ ta ɔ yi umuyu, uthɔfəl, ɔwe te fela rəka ra wuni lɔm;

2 Pitar 2:14

Ɛfɔr yaŋ gbeŋ ɛ la kərəp, ɛyɛ te gbəli tey kəyɔ ɔləs, kaŋ pəŋis ŋaŋ aŋa ba ɛmerȧ ɛlȧfthɛ lȧfthɛ; a rusəm ɛmerȧ yaŋ ta salata ɛmilɛ. Ŋa awuth ŋa ȧranka ŋaŋ.

2 Pitar 2:3

Ɔwa kətȧŋȧnɛ ka radir ra ŋaŋ aŋ tə pəŋis nu yi təyem salata akala: kɛrɛ kȧbi ka thəpaŋ kathoŋkas ka ŋaŋ kə linsa hɛ, mba, ȧŋranka ŋaŋ aŋ dirȧ dirȧ hɛ.

Yud 1:11

Mɔnɛ ro rɔŋaŋ! kotȧy-e aŋ po tȧŋ ka aroŋ ra Ken, ɔwa ta məkanya aŋ bȧrnɛ ka maləs ma Belam kaŋ dinɛ ka kȧthȧnthonɛ ka Kɔra.