AŋHibru 12:4 - Ȧŋlemrȧnɛ Ȧfu

⁴ Nə tha tim hɛ ras haŋ a loŋ mətir, tə kəŋamnɛ ahakɛ.

AŋHibru 12:4 Iomraidhean Croise

Mathiu 24:9

Ka ȧŋlɔkɔ ŋati a tǝ lȧnki nu rǝ asɔmpanɛ, a tǝ dif nu, ɔwa tǝbona bɛ tǝ tǝ gbɛŋa nu salata ȧŋes a mi.

1 AŋKɔrenth 10:13

Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

AŋFilipai 2:8

ɔwa ma ɔ po wɔŋ ka mayi ma wuni kəpet-e, ɔ thoranɛ haŋ kəkɔ ka rȧfi, yao, hali rafi ra akənt kəpəŋkinɛ.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 13:13

Tiyȧŋ maŋ tȧŋ kɔ nu ka aŋkobe rokaŋ, kȧmȧ sə sara mȧlap mɔŋ.

Kȧŋȧibinɛ 12:11

Kɛrɛ aŋ tham kɔ ka mȧtir ma kaLɔmɛ kəfɛth, yi ka ȧrim ra maseri maŋ; ɔwa aŋ sɔnd ɛŋesəm yaŋ haŋ ka rəfi.

Kȧŋȧibinɛ 17:6

Ɔwa i nənk ɔwuni bom ɔwe ɔ tis yi mȧtir ma aŋfəm ŋa Yisɔs dɛ yi mȧtir ma maseri ma Yisɔs. Ma i nənk kɔ i kabanɛ sɔbɛ,

Kȧŋȧibinɛ 18:24

Ka a fir do rɔŋɔŋ mȧtir ma anȧbi-e, yi ȧma aŋfəm asəm, dɛ yi ŋa bɛ aŋa a po dif ka ȧdȧru.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.