AŋHibru 11:6 - Ȧŋlemrȧnɛ Ȧfu

⁶ Kɛrɛ rə kəte ba kəlanɛ sə gbəli hɛ bɔnɛs Kuru, kotȧy-e ɔwuni ɔwe fatər Kuru-e, thambe ɔ lanɛ kəpa Kuru ɔ yi-e, ɔwa sɔ-e, ɔ tə kȧl rȧm ŋaŋ aŋa thɛns kɔ tə tɛntɛnɛ.

AŋHibru 11:6 Iomraidhean Croise

Mathiu 11:26

Aŋko, ɔKas, ȧtesoma-e ya pǝ yi ɔfinɔ ka kakǝli ka mu.

Mathiu 5:12

Sel nu mǝbɔnɛ, ta pǝ bɔnɛ nu ɔthasǝr, kotȧy-e ȧŋram a nu aŋ yi ȧbana ro riyana; ȧtesoma-e ya a sɔmpa aŋnabi aŋa yi thǝpaŋ.

Mathiu 6:16

Ɔwa ma pǝ thas ri-e, bepi nǝ wop asum-e, te nu suma mɔ aŋyɔr; kotȧy-e aŋ lǝsǝr aser taŋ kȧmȧ aŋfǝm aŋ nənk kǝpa aŋ wop asum. Tǝ tɛntɛnɛ i kanɛ nu kǝpa aŋ po sɔthɔ ȧŋrȧm ŋaŋ.

Mathiu 6:33

Kɛrɛ mɔtha nu thɛns rȧbȧy ra Kuru, dɛ yi mȧlompi mɔŋ, ɔwa ɔ tǝ bȧrȧ nu ɛyɛt ɛye bɛ.

Mathiu 6:5

Ɔwa ma nǝ ramnɛ-e, te nu yi mɔ ȧŋmunafȧki, kotȧy-e aŋ bɔther kǝtǝma ka ɛseth ɛgbanɛ yi ka asoŋ tǝsakanɛ kȧmȧ aŋfǝm aŋ nənk ŋa. Tɛntɛnɛ i kanɛ nu, aŋ po sɔthɔ ȧŋrȧm ŋaŋ.

Mark 16:17

Ɔwa ɛmisali ɛye ɛ tə tȧŋ ŋa aŋa lanɛ; aŋ tə wurɔ akərəfi ka ȧŋes a mi; aŋ tə fɔf tənt təfu;

Luk 12:31

Kɛrɛ thɛns nu rȧbȧy ra Kuru, ɔwa a tə bȧrȧ nu ɛyɛt ɛye bɛ.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 8:24

Tiyȧŋ i pa ro nu, nə tə fi ka ɛhakɛ ɛ nu: kotȧy-e bepi nə lanɛ hɛ kəpa minɛ yi kɔn-e, nə tə fi ka ɛhakɛ ɛ nu

AŋRomans 10:14

Kɛrɛ to mə aŋ gbəli ramnɛ ka ɔwe mə aŋ te tha lanɛ-e? Ɔwa to mə aŋ gbəli lanɛ ka ɔwe mə aŋ te tha təla-e? Ɔwa to mə aŋ gbəli təl kəte ba ukawandi-e?

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋHibru 11:26

Ɔ nanɛ kəpa kənakasi salata Krayst kə yi rəyola pəthasi atɛŋ bɛ ta ro Iyipt, ȧtesoma-e ɔ kəlianɛ ta ȧŋrȧm aŋa yi ro kəri.

AŋHibru 3:12

Bumnɛ nu finɔ, awɔnt, ta thani ȧmerȧ aləs ŋa kəte lanɛ aŋ tə yi kətɔŋ ka nu, ɔwa aŋ tə yɔ nu nə bȧrȧ kəmuth ka ɔKuru ukəli.

AŋHibru 4:2

Ȧtesoma-e a tɔri su sɔ ȧkɛra kəfinɔ ka Kuru mɔlɔ min mɔ ŋaŋ; kɛrɛ ȧkɛra ȧke aŋ po təl kə mar hɛ ŋa, pəkasifɛ aŋ lanɛ hɛ maŋ təl ki.

AŋHibru 4:6

Ma sə nənk kəpa alɔm aŋ tə wɔŋ ri-e, kɛrɛ ŋaŋ aŋa mɔtha təl ȧkɛra kəfinɔ aŋ wɔŋ hɛ ri salata kate ka ŋaŋ lanɛ-e,

AŋHibru 7:19

(kotȧy-e ȧŋthɔ aŋ səki hɛ koko rəgbenthis). Kɛrɛ ka ȧŋgbȧp alɔm a sɔŋ su kəgbak ȧmerȧ kəfisa, ɔwa kətȧŋȧnɛ kati sə gbəli fatər Kuru.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

2 Pitar 1:10

Tiyȧŋ, awɔnt, bȧsər nu tə kəyɔ kȧmȧ katela yi kathith ka nu kə yi tə tɛntɛnɛ. Kotȧy-e bepi nə yɔ mȧtȧy ame nə ba hɛ kəfumpɔ thȧnkȧŋ.

2 Pitar 1:5

Ɔwa ma pə thas ȧte bɛ-e, bȧsər nu kȧmȧ nə bȧr ka kȧlanɛ ka nu, kəthɔth; dɛ yi ka kəthɔth-e, kətara tȧy;

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.