AŋHibru 1:3 - Ȧŋlemrȧnɛ Ȧfu

³ ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 1:3 Iomraidhean Croise

Mathiu 22:24

Karmɔkɔ, Mosis ɔ pa, Bepi wuni ɔ fi ɔ ba hɛ awuth-e, ɔwɔnt kɔŋ uruni ɔ ba tǝ kǝnantǝ ɔrani kɔŋ kȧmȧ ɔ komǝs awuth ta ɔwɔnt kɔŋ.

Mark 16:19

Ɔwa kədarəŋ ka ɔMarki Yisɔsȧŋ ɔ po fɔfȧnɛ ŋa-e, a ŋata kɔ rokɔm ro riyana, kɔ yirȧ ka kȧta kədiɔ ka Kuru.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 1:4

Aŋesəm aŋ yi ro ŋɔŋ: ɔwa aŋesəm aŋ yi ȧŋmothȧ ŋa afəm.

Mȧyɔs ma aŋsom 2:33

Tiyȧŋ ma a po ŋata kɔ ka kȧta kədiɔ ka Kuru-e, ɔwa ma ɔ po sɔthɔ ka ɔKas aŋlahiri ŋa ɔYina məsəm-e, ɔ po kus ame, ama nə nənk, ɔwa ama nə təl.

Mȧyɔs ma aŋsom 7:56

kɔ pa, Kəla i nənk ȧkȧriyana kə kanthɛ, ɔwa ɔWan ka wuni ɔ təmȧ ka kȧta kədiɔ ka Kuru Məsaba.

AŋRomans 1:16

kotȧy-e i lap hɛ salata mapa məfinɔ ma Krayst, ȧtesoma-e mə yi aŋfɔsɔ ŋa Kuru tə kəkisis wuni o wuni ɔwe mə lanɛ; ka ɔtɔtɔkɔ ka aŋYuda, yi ka aŋKrik sɔ.

AŋRomans 8:34

Kanɛ yi tə kəsɔŋ ŋa mətheri-e? Pə yi Krayst Yisɔs ɔwe fi, aŋko, ɔwe kȧl yokanɛ ka rəfi, ɔwe yi thɔŋ ka kȧdiyɔ ka Kuru, ro mɔ nɛmthɛnɛ ta ȧtȧ su.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋKɔlɔsi 3:1

Tiyȧŋ bepi a po yokas nu yi Kraystȧŋ, thɛns mȧtȧy ama yi rokɔm, ro Krayst ɔ yirȧ ka kȧdiyɔ ka Kuru.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 1:13

Kɛrɛ ta umȧleka ureke ɔ la thȧnkȧŋ pa hɔ; Yirȧ ka kȧdiyɔ kȧmi, haŋ i bot antheranɛ a mu Ka ȧtȧtək ta mu roratha-e?

AŋHibru 10:12

Kɛrɛ ɔfode ɔwe-e, ma ɔ po sɔŋ sathka ta ɛhakɛ win haŋ thəbana, ɔ yirȧ ka kȧta kədiɔ ka Kuru.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 4:14

Ɔwa, ma sə ba ufode ubana ɔwe po gbəkinɛ ȧŋriyana gbeŋ, pə yi mɔ Yisɔsȧŋ, ɔWan ka Kuru-e, maŋ wop nu maseri ma su gbaŋ,

AŋHibru 7:27

Ɔwe tǝ ba kəwura sathka ȧrey o rei mɔ afode alɔm, ka ɔtɔtɔkɔ ta ɛhakɛ yɔŋ, ɔwa rodarəŋ kati ta ɛhakɛ ya aŋfəm. Kotȧy-e ɔ po yɔ ti win, ma ɔ sɔndnɛ.

AŋHibru 8:1

Ɔwa aŋkolo ŋa mȧtȧy ama sə po fɔfȧnɛ, ŋi aŋe; sə ba ufode ubana ɔwe po yirȧ ka kȧdiyɔ ka kawaŋ ka rȧbȧy ra ɔKuru ka ayiki ro riyana.

AŋHibru 9:16

kotȧy-e ro areka ŋa alemnɛ aŋ yi-e, rafi ra ɔwe bɛmpa ŋi rə ba kəyi sɔ.

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.

2 Pitar 1:16

kotȧy-e saŋ sə taŋanɛ hɛ mump mətempi ma sə po tɔri nu ka anfɔsɔ dɛ yi ka kȧder ka ɔMarki kȧsu Yisɔs Krayst, kɛrɛ saŋ sə seri ta aŋyiki ŋɔŋ ŋa rȧbȧy yi ɛfɔr ɛ su gbeŋ.

2 Pitar 1:17

kotȧy-e ɔ sɔthɔ afɔsɔ yi ayiki ka Kuru ɔKas, ma ȧrim rə derər kɔ kəwur ka aŋyiki ŋa ȧriyana, rə pa hɔ, Munɔ mə yi ɔWan kȧmi ubɔthər, ɔwe mə thesis ȧŋmerȧ a mi.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 3:5

Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

Yud 1:25

ta kɔnɔ ɔKuru son ɔKisis kȧsu ɔ sɔthɔ ayiki, kəthɔkəs, rȧbȧy yi ɛfɔsɔ kətȧŋȧnɛ ka Yisɔs Krayst ɔMarki kȧsu katəp yeŋka ɛlɔkɔ ɛ yi dɛ ka-ake dɛ haŋ thȧnkȧŋ thəbana. Amina.

Kȧŋȧibinɛ 3:21

Ɔwe mə tham i ti sɔŋ kɔ mamari tə kəyira yi minɛŋ ka kawaŋ ka rȧbȧy ra mi, mɔ mə minɛ sɔ i po tham, ka i yirȧ yi ɔKas kȧmi ka kawaŋ ka rȧbȧy rɔŋ.

Kȧŋȧibinɛ 4:11

Munɔ ɔMarki Kuru mə yi ubeki tə kəsɔthɔ ayiki, yi kəthɔkəs, dɛ yi afɔsɔ; kotȧy-e munɔ mə po bɛmpa ɛyɛt bɛ, ɔwa salata mabɔnɛ ma mu ɛyɛt bɛ ɛ yi, tȧsom a la bɛmpa yi.