2 Timɔthi 4:8 - Ȧŋlemrȧnɛ Ȧfu

⁸ Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

2 Timɔthi 4:8 Iomraidhean Croise

Mathiu 24:36

Kɛrɛ ta ȧŋrey ŋati yi ȧŋlɔkɔ ŋati wuni o wuni ɔ tɛ hɛ, hali aŋmȧleka ŋa ro riyana, thalɔm ɔWan. ƆKas kȧmi son kɔnɔ tȧrȧ.

Mathiu 7:22

Agbȧthi aŋ tǝ pa ro rɔmi ka ȧŋrey ŋati, Pa, Pa, saŋ-e, sǝ la hɛ nȧbi ka ȧŋes a mu-i? Sǝ la hɛ wurɔ akǝrǝfi-i, sǝ la hɛ yɔ mǝyɔs mǝkabanɛ mǝgbathi ka ȧŋes a mu-i?

Luk 10:12

I kanɛ nu, Pə tə yi ɔfisa ta Sɔdɔm ka ȧŋrey ŋati pəthasi kȧpet kati.

AŋRomans 2:5

Kɛrɛ kətaŋ ka kabak ka mu rəfɔr yi kate thupi ka mu-e, mə bȧr gbo rəbaŋ ka ȧŋrey ŋa rəbaŋ, ma kathoŋkas kəlompi ka Kuru kə tɔrinɛ;

AŋRomans 8:23

Ka pə yi hɛ gbo yaŋ-e, kɛrɛ saŋ sɔ gbeŋ aŋa ba mȧkomi mətɔtɔkɔ ma ɔYina-e, hali saŋ sə laŋ rə ȧmerȧ, ma sə kar ȧŋlɔkɔ ma a ba kəsəki su mɔ awuth, pə yi mɔ-e kabani ka mȧdɛr ma su.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

1 AŋKɔrenth 3:13

mapanth ma wuni o wuni mə tə tɔrinɛ, kotȧy-e ȧŋrey ŋa Krayst aŋ tə ŋaibi ma, dɛ yi anant sɔ. Ɔwa anant nə tə mɛm ko mapanth ma wuni o wuni mȧ mə yi.

1 AŋKɔrenth 9:25

Ulaŋgba o langba ɔwe mə gbakanɛ ka ɛwol ya kasɔnka ɔ yi ugbɛt rə koko bɛ. Ɔwa ŋaŋ aŋa yɔ ti tə kəsɔthɔ ȧniyɔ ŋa ɛbɔpər məthey; kɛrɛ saŋ sə yɔ ti tə kəsɔthɔ ȧniyɔ aŋa mə te ləsər thȧnkȧŋ.

2 AŋKɔrenth 5:2

Ȧtesoma-e ka-ake sə laŋ tə tɛntɛnɛ, sə bosinɛ tə kəlopra yi madɛr ma su ama mə wur ro riyana;

AŋFilipai 3:11

Tə kəyi, bepi pə yi ɔfɔy tay-e, i gbəli sɔthɔ kəkal yokanɛ kəwur ka rafi.

AŋKɔlɔsi 1:5

asabu ŋa kagbak ȧmerȧ ȧke a bɛnɛ ta ȧtȧ nu ro riyana, ȧke nə po təl kətȧŋȧnɛ ka ȧrim ra tȧteŋ ta ȧkɛra kəfinɔ ka Kuru.

1 AŋThɛsȧlonika 1:10

dɛ yi tə kəkar ɔWan kɔŋ kəwur ro riana-e, ɔwe ɔ po yokas ka rafi, pə yi mɔ-e Yisɔs ɔwe po kisis su ka rabaŋ ara ba kəder.

1 AŋThɛsȧlonika 5:4

Kɛrɛ awɔnt, nə yi hɛ ka asum, kȧmȧ ȧŋrey ŋati aŋ bəp nu naŋ mɔ ukei.

2 AŋThɛsȧlonika 2:8

Ka ȧŋlɔkɔ ŋati ɔwuni thanthonɛ ɔwe ɔ tə wur gbafəth, ɔwe ɔMarki ɔ tə dif yi kaŋesəm ka kȧsəŋ kɔŋ, ɔwa ɔ tə kȧl ləsər kɔ kətȧŋȧnɛ ka kȧbəprȧnɛ kɔŋ kəninis ka kȧder kɔŋ.

1 Timɔthi 6:19

Kama aŋ bɛnɛnɛ ɔtəmər ɔfinɔ ta ȧŋlɔkɔ aŋa mə derȧŋ, kȧmȧ aŋ wopnɛ aŋesəm thəbana.

2 Timɔthi 1:10

kɛrɛ ka-ake kə poŋ ŋaibɛ ka katɔrinɛ ka ɔKisis kȧsu Yisɔs Kraystȧŋ, ɔwe po tham rȧfi, kɔ wurɔ gbafəth aŋesəm yi kȧte fi kətaŋ ka ȧkɛra kəfinɔ ka Kuru.

2 Timɔthi 1:12

Ɔwa ta ȧte sɔ i sɔmpanɛ mȧtȧy ame; kɛrɛ i lap hɛ, pəkasifɛ i tȧrȧ ɔwe i po lanɛ, ɔwa i lanɛ kəpa tɛntɛnɛ ɔ gbəli bɛnɛ ara i po maŋkər kɔ haŋ ka ȧŋrey ŋati.

2 Timɔthi 1:18

Kaŋka ɔ sɔthɔ ȧney ka ɔMarki ka ȧŋrey ŋati. Ɔwa munɔ mə tȧrȧ finɔ kamar ȧke ɔ yɔna mi ro Ɛfisɔs.

2 Timɔthi 2:5

Ɔwa bepi wuni o wuni ɔ gbakanɛ kȧsɔnka-e, ɔ sɔthɔ hɛ ȧrȧm, thambe ɔ wop ȧŋthɔ ŋa aŋgbakanɛ.

2 Timɔthi 4:1

Tiyȧŋ i maŋ mu ka kȧbəprȧnɛ ka Kuru, yi ka ɔMarki Yisɔs Krayst ɔwe yi tə kəthoŋkas aŋkəli yi aŋfi ka kȧder kɔŋ yi rȧbȧy rɔŋ.

Taytɔs 2:13

ma sə kar ta kagbak ȧmerȧ ka aruba, pə yi mɔ-e katɔrinɛ ka aŋyiki ŋa ɔKuru ubana yi ɔKisis kȧsu Yisɔs Kraystȧŋ;

AŋHibru 12:11

Ka ɔgbut wuni mɔ sɔthɔ asiraŋ pə bɔnɛ hɛ kɔ, kɛrɛ ɔ baŋ kɔ; halisa ka ɔgbanthir ŋaŋ aŋa sɔthɔ karusəm kati-e, aŋ tə wurɔ mȧkomi məthɔfəl ma məlompi.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

1 Pitar 1:4

dɛ yi tə kəsɔthɔ kɛŋ kəthəbana, kəgbəraŋ ȧke mə te gbəŋkɛ, ȧke a bɛnɛ ro riyana ta ȧtȧ nu,

1 Pitar 5:4

Ɔwa ma ɔTɔl ubana mɔ tɔrinɛ-e, nə tə sɔthɔ ȧniyɔ ŋa ayiki aŋa te ba kəferər.

Kȧŋȧibinɛ 1:7

Kəla, kɔnɔ mə derȧŋ yi turu təfera, ɔwa rəfɔr o rəfɔr rə tə nənk kɔ, dɛ yi ŋa sɔ aŋa raf kɔ; ɔwa tȧbona bɛ ta ȧdȧru tə tə bok ta atɔŋ. Ta pə yi ti yaŋ, Amina.

Kȧŋȧibinɛ 19:11

Ka i nənk kȧriyana kə kanthɛ, ɔwa kəlo, ȧsoy ȧferȧ ɔ wur, ka a tela ɔwe rensa kɔ-e, ƆBɔthi lanɛ dɛ yi utǝteŋ, ɔwa kɔnɔ mə thonkas, ɔ kȧl tim ka məlompi.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 22:20

Kɔn ɔwe sɔŋ məseri ta mȧtȧy ame, ɔ pa, Tə tɛntɛnɛ i ti der lɛmp. Yao, der ɔMarki Yisɔs.

Kȧŋȧibinɛ 4:10

aŋbȧki kəgba ŋanlɛ aŋ fumpɔ rodi ka kɔn ɔwe yirȧ ka kawaŋ ka rabȧy-e, ɔwa aŋ thɔkəs kɔn ɔwe yi thȧnkȧŋ thəbana, kaŋ fitha ɛniɔ yaŋ rodi ka kawaŋ-e, kaŋ pa,

Kȧŋȧibinɛ 4:4

Ɔwa təwaŋ kəgba tanlɛ tə gbətɔ kawaŋ ka rȧbȧy, ka i nənk abȧki kəgba ŋanlɛ aŋ yirȧ ri-e, aŋ lopra suma təfera, kaŋ sara ɛniɔ ya məbɔŋɔ.