2 Timɔthi 4:2 - Ȧŋlemrȧnɛ Ȧfu

² Taməs ȧrim ra Kuru. Bȧsər tɔri ri lɔkɔ o lɔkɔ. Ŋal ɔwa maŋ, ɔwa bȧksər rə kəmuyu kəte thamrɔ,

2 Timɔthi 4:2 Iomraidhean Croise

Luk 7:23

Ɔwa wuni ka aruba wɔŋ ɔwe te fir asabu ŋa kəpənthbəla ro rɔmi.

Luk 7:4

Ɔwa maŋ bek ka Yisɔs-e, aŋ nɛmthɛnɛ kɔ tɛntɛnɛ, kaŋ pa, Kɔn ɔ yi ubeki kȧmȧ mə yɔna kɔ ȧte,

Luk 9:60

Yisɔsȧŋ ɔ pa ro ŋɔŋ, Tey aŋfi tə kəmȧnk ȧŋfi ŋaŋ, kɛrɛ munɔŋ, kɔnɛ mə kɔ taməs rȧbȧy ra Kuru.

Mȧyɔs ma aŋsom 13:5

Ɔwa, maŋ yi ro Salamis-e, aŋ taməs ȧrim ra Kuru ka ɛseth ɛgbanɛ ya aŋYuda; aŋ ba sɔ Yɔnȧŋ tə kəmar ŋa.

Mȧyɔs ma aŋsom 16:13

Ɔwa ka aŋsabath sə wur ro pet, sə kɔnɛ ro baŋ dayɛr ro sə nanɛ a gbanɛ tə kəramnɛ; rə sə yirȧ, sə fɔfȧnɛ aŋfəm abom aŋa gbanɛ ri.

Mȧyɔs ma aŋsom 20:7

Ka ȧŋrey ȧtɔtɔkɔ ŋa ȧŋyik, ma sə gbanɛ dɛr rɔkin tə kəsiməth kəbo-e, Pɔlȧŋ ɔ fɔfȧnɛ ŋa, kɔ botəs tə kəkɔnɛ ka ninaŋ, ɔ kȧl bȧsər fɔfȧnɛ ŋa haŋ kəren datɔŋ.

Mȧyɔs ma aŋsom 28:16

Ɔwa ma sə bek ro Rom-e, a ter Pɔlȧŋ kȧmȧ ɔ yirȧ thɔkɔŋ, ɔwa utim ukin ɔ bumər kɔ.

AŋRomans 10:15

Ɔwa to mə aŋ gbəli kawandi thambe a som ŋa-e? Mɔ mə a po gbal, Kəli ɔfinɔ wa ȧtȧtək ta ŋaŋ aŋa mə kȧrȧ sim ta məbɔnɛ ta mȧtȧy məfinɔ.

AŋRomans 12:12

Ba nu məbɔnɛ ka kəgbȧk ȧmerȧ; muyu nu ka kəsɔmpanɛ, bȧsər nu ka kəramnɛ alɔkɔ bɛ.

AŋKȧletia 6:6

Ɔwe ma thəksa ka ȧsim ta Kuru-e, ta ɔ yeranɛ ɛyɛt ɛfinɔ bɛ ka ɔwe mə thəksa kɔ.

AŋKɔlɔsi 1:25

Di kati a səki mi usom kətȧŋȧnɛ ka aŋgbɛthɛŋ aŋa Kuru ɔ maŋkər mi ta ȧtȧ nu, tə kətɔri ɔlasər wa ȧrim ra Kuru Məsaba;

AŋKɔlɔsi 4:3

Ramnɛ nu sɔ ta ȧtȧ su, kȧmȧ Kuru ɔ kanthɛ su roŋ ta ȧrim, kȧmȧ sə gbəli taməs aŋgbundu ŋa Kraystȧŋ, ta aŋa minɛ i yi ka tɔrɛntha.

1 AŋThɛsȧlonika 1:6

Ɔwa nə təp kəsanɛ su dɛ yi ɔMarki, ma nə po malanɛ ȧrim ra ȧkɛra rə asɔmpanɛ ȧbana, rɛ mabɔnɛ ma ɔYina məsəm;

1 AŋThɛsȧlonika 5:14

Sə nɛmthɛnɛ nu awɔnt, maŋ ŋaŋ aŋa yi ȧthȧnthonɛ, ɔwa thɔnthɔ nu aŋyay rə amera-e, mar ŋa nu aŋa te ba afɔsɔ-e, muyu nu afəm bɛ.

1 AŋThɛsȧlonika 5:20

Te nu farki ȧsim ta Aŋnȧbi.

1 Timɔthi 4:13

Sɔŋ ȧŋmerȧ a mu ɔbaksər tə kəkaraŋ, yi tə kəmaŋ, dɛ yi tə kəthəksa haŋ i der.

1 Timɔthi 5:20

Ŋal ŋaŋ aŋa mə yɔ ɛhakɛ ka kȧbəprȧnɛ ka aŋfəm, kȧmȧ aŋlɔm aŋ nesa.

2 Timɔthi 2:21

Tiyȧŋ bepi wuni ɔ wasərnɛ məyay-e, a tə kianɛ kɔ ta məpanth məkolo, rəka rəsəm, rəbeki ka mapanth ma ɔMarki, rəbɛnɛnɛ ta tȧy o tȧy təfinɔ.

2 Timɔthi 2:25

ɔ tə fɔf ɔthɔfəl ma ɔ mɛm tə kəlompəs ŋaŋ aŋa pɛnsa kɔ, ma pə yi-e, sɔthlɔm Kuru ɔ tə sɔŋ ŋa kəthupi kȧmȧ aŋ gbithanɛ tȧteŋ;

2 Timɔthi 3:10

Kɛrɛ munɔ mə po tȧrȧ finɔ mathəksa ma mi dɛ yi mayi, yi mabotəs, yi kȧlanɛ, yi kamuyu, yi mabɔthər, yi katəma kȧmi kəŋkəŋ,

Taytɔs 1:13

Maseri ame mə yi təteŋ. Tiyȧŋ ŋal ŋa finɔ kȧmȧ aŋ gbəli bȧkər ka kȧlanɛ,

Taytɔs 2:15

Tɔri mȧtȧy ame-e, ɔwa maŋ dɛ yi ŋal rə afɔsɔ bɛ. Te selɔ wuni o wuni ɔ farki mu.

AŋHibru 13:22

I nɛmthɛnɛ nu awɔnt, muyu nu ȧŋmȧŋ aŋe, ȧtesoma-e i po gbalər nu gbo areka agbut.

Kȧŋȧibinɛ 3:19

I ŋal ŋa bɛ aŋa i bɔthər, ɔwa i sirans ŋa sɔ; tiyȧŋ ta mə yi uyasyas, ɔwa thupi thɔŋ.