2 Timɔthi 4:18 - Ȧŋlemrȧnɛ Ȧfu

¹⁸ ƆMarki kɔnɔŋ ɔ tə kisis mi ka mȧləs bɛ, ɔwa ɔ tə bɛnɛ mi ka rȧbȧy rɔŋ rəsəm. Ta kɔn yi ayiki haŋ thȧnkȧŋ thəbana. Amina.

2 Timɔthi 4:18 Iomraidhean Croise

Mathiu 13:43

Ka ȧŋlɔkɔ ŋati aŋlompi aŋ tǝ gbɛntha mɔ aret ka rȧbȧy ra ɔKas ka ŋaŋ. Ɔwe ba ɛlǝns ta ɔ tǝl.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Luk 11:4

ɔwa tera su maləs ma su kotȧy-e saŋ sɔ sə tera ŋaŋ bɛ aŋa yɔ su ɔləs. Te su wɔŋȧ rə tȧy ta məgbɔns, kɛrɛ wurɔ su ka mȧtȧy mələs.

Luk 12:32

Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy.

Luk 22:29

ɔwa i ti sɔŋ nu rȧbȧy mɔ mə ɔKas kȧmi ɔ sɔŋ mi,

Yɔn 17:15

I ramnɛ hɛ kȧmȧ mə wurɔ ŋa ka ȧdȧru, kɛrɛ kȧmȧ mə bumər ŋa ka maləs.

AŋRomans 11:36

kotȧy-e ɛyɛt bɛ ɛ yi kətȧŋȧnɛ dɛ yi kəwur do rɔŋɔŋ, ɔwa ɛ yi ta atɔŋ bɛ; ɔwa ta kɔnɔ yi ayiki ta thȧnkȧŋ thəbana. Amina.

AŋRomans 16:27

ta ayiki aŋ yi ka ɔKuru utempi son, salata Yisɔs Kraystȧŋ thȧnkȧŋ thəbana. Amina.

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 10:13

Agbɔns o gbɔns aŋ gbəli hɛ derər nu thambe ara mə der ka wuni o wuni kəpet; kɛrɛ Kuru ɔ yi ubɔthi lanɛ, ɔwa ɔ ba hɛ kəselɔ a gbɔns nu pəthas ȧtȧ nə gbəli, kɛrɛ ma aŋgbɔns aŋ bek-e, ɔ tə kanthi roŋ dəgbukɛ kȧmȧ nə gbəli muyu.

1 AŋKɔrenth 15:50

Ɔwa awɔnt, i kanɛ nu ȧte kəpa mədɛr yi mətir ɛ gbəli hɛ sɔthɔ rȧbȧy ra Kuru; ta a pa ras ara ba kəthey rə te gbəli sɔthɔ ara mə te thei thȧnkȧŋ.

2 AŋKɔrenth 1:10

Kɔnɔ yi ɔwe tafi su ka rafi rəbana rati, kɔ yi tə kətafi su sɔ; ka sə gbak ɛmerȧ ɛ su kəpa ɔ tə bȧsər tafi su.

AŋKȧletia 1:5

ɔwe ba ayiki thȧnkȧŋ thəbana. Amina.

1 AŋThɛsȧlonika 5:23

Kaŋka ɔKuru ka məthɔfəl gbeŋ ɔ səməs nu ɔlolok; aŋko, ɔ bɛnɛ ɛyina, yi ɛŋesəm, dɛ yi madɛr ma nu ɛgbenthis, kəte ba məthɛkɛ haŋ kȧder ka ɔMarki kȧsu Yisɔs Krayst.

2 AŋThɛsȧlonika 3:3

Kɛrɛ ɔMarki ɔ yi ubɔthi lanɛ, ɔ tə yɔ nu nə təmȧ kəŋkəŋ, ɔwa ɔ tə kȧl bumər nu sɔ ka mȧtȧy mələs.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

1 Timɔthi 6:16

ɔwe pə yi kɔn son ɔ ba aŋesəm thəbana ka aŋyɛthɛ ŋɔŋ, rə kəyira ka ȧŋmothȧ aŋa wuni o wuni ɔ gbəli hɛ fatər; ɔwe wuni o wuni ɔ te tha nənk, ta a pa ras ɔ gbəli hɛ nənk; ɔwe ba yiki yi afɔsɔ thȧnkȧŋ thəbana, Amina.

2 Timɔthi 1:12

Ɔwa ta ȧte sɔ i sɔmpanɛ mȧtȧy ame; kɛrɛ i lap hɛ, pəkasifɛ i tȧrȧ ɔwe i po lanɛ, ɔwa i lanɛ kəpa tɛntɛnɛ ɔ gbəli bɛnɛ ara i po maŋkər kɔ haŋ ka ȧŋrey ŋati.

2 Timɔthi 4:1

Tiyȧŋ i maŋ mu ka kȧbəprȧnɛ ka Kuru, yi ka ɔMarki Yisɔs Krayst ɔwe yi tə kəthoŋkas aŋkəli yi aŋfi ka kȧder kɔŋ yi rȧbȧy rɔŋ.

AŋHibru 11:16

Kɛrɛ ka-ake aŋ fela athɔf afisa aŋa yi mɔ ro riyana; tiyȧŋ Kuru ɔ lap hɛ maŋ tela kɔ ɔKuru ka ŋaŋ, pəkasifɛ ɔ po bɛnɛnɛ kəpet ta ȧtȧ ŋaŋ.

AŋHibru 12:22

Kɛrɛ naŋ nə po der ka kateŋ ka Sayɔn-e, kȧpet ka ɔKuru ukəli, yi ka Yerusalɛm ȧke yi rokɔm, dɛ yi ka akobali kəbana ka amaleka agbȧthi,

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 1:5

aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.

1 Pitar 5:11

Ta kɔnɔ ba ayiki, dɛ yi afɔsɔ ŋa rȧbȧy thȧnkȧŋ thəbana. Amina.

2 Pitar 1:11

Ɔwa nə tə sɔthɔ kədare kəgbenthis ka rȧbȧy rəthəbana ra ɔMarki ɔKisis kȧsu Yisɔs Kraystȧŋ.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.

Yud 1:1

Yud, ȧŋbɔy ŋa Yisɔs Krayst, yi ɔwɔnt ka Yeməs, ka ŋaŋ aŋa a muti, ȧŋbɔthər ŋa Kuru ɔKas, yi aŋa a bɛnɛ ta Yisɔs Krayst;