2 Timɔthi 3:6 - Ȧŋlemrȧnɛ Ȧfu

⁶ kotȧy-e awunɔŋ ŋa mə wɔŋ ka ɛseth sɔy, aŋ sapəranɛ ɛmerȧ ya afəm abom ŋa məfəŋf aŋa ba akothe kəlel ka ɛhakɛ yaŋ, aŋa yi atar ŋa mȧfela məgbanthɛ tətəp.

2 Timɔthi 3:6 Iomraidhean Croise

Mathiu 11:28

Der nu ro rɔmi, naŋ bɛ aŋa mǝ thɔrɔ dɛ yi aŋa ba tothe tǝlel, ɔwa i ti sɔŋ nu kǝfothanɛ.

Mathiu 23:13

Kɛrɛ mɔnɛ ro nu naŋ akarmɔkɔ yi aFaresi, amunafaki! Ȧtesoma-e nǝ kantha rȧbȧy ra ro riyana ka aŋfǝm. Kotȧy-e naŋ nǝ wɔŋ hɛ, ɔwa nǝ selɔ hɛ ŋaŋ aŋa yema tǝ kǝwɔŋ, aŋ wɔŋ.

Mathiu 23:14

Mɔnɛ ro nu naŋ akarmɔkɔ yi aFaresi, amunafaki! Ȧtesoma-e nǝ lǝsǝr ɛseth ya ȧŋbora, ɔwa rǝ kǝkɔnthɔsnɛ nǝ ramnɛ kǝramnɛ kǝbɔli. Tiyȧŋ na mǝ tha sɔthɔ mǝtheri mǝlel.

Mathiu 4:24

Ka ȧŋes ŋɔŋ aŋ gbanthɛnɛ ro Siria bɛ; kaŋ kȧrȧ ro ŋɔŋ aŋboma bɛ aŋa ba tǝtu yi ɛsɔmpanɛ ɛbaŋ ɛgbanthɛ tǝtǝp, ŋaŋ aŋa ba akǝrǝfi-o, tatuk-o, mȧthanthaŋ-o, ɔwa ɔ yeŋkǝs ŋa bɛ.

Mark 4:19

kɛrɛ ɛsoli ya ȧdȧru, yi matɔns ma rəyola, ɔwa mafela ma mȧtȧy məlɔm mə der-e, mə thiŋkanɛ ȧrim, ɔwa rə ba hɛ məkomi.

1 AŋKɔrenth 12:2

Fɔtha nə tȧrȧ kəpa nə la yi akafri, ɔwa a la yɛthəs nu yi ɛyɛt ɛpath ɛbobo, rə roŋ o roŋ a kera nu.

1 Timɔthi 5:6

kɛrɛ ubora ɔwe bɔthər mabɔnɛ ma raru-e ɔ yi ufi hali ma ɔ yi ras ukəli.

1 Timɔthi 6:9

Kɛrɛ afəm aŋa fela rəyola aŋ tə fumpɔ ka agbɔns yi məgbət, yi ka ɛfela ɛləs ɛgbathi ɛyɛ mə kera afəm ka kadinɛ.

Taytɔs 1:11

Mə yi tə kəyɔ ŋa aŋ tȧŋk, pəkasifɛ aŋ ləsər kȧlanɛ ka təkomra təlay, kaŋ thəksa ȧtȧ aŋ yi hɛ naŋ tə kəthəksa, salata akala.

Taytɔs 3:3

kotȧy-e alɔkɔ alɔm saŋ sɔ sə sa yi apənk, ȧthȧnthonɛ, atɔns, atar ŋa məfela o məfela mələs-e; sə sa yirȧ gbo ka mȧbaŋ dɛ yi kȧtut. Sə gbɛŋa afəm, ɔwa sə kȧl gbɛŋanɛ.

2 Pitar 2:18

kotȧy-e ka kafɔf kəkolonɛ ka ŋaŋ aŋ gbɔns ka mafela ma madɛr, yi ka maləs maŋ tə kəsapəranɛ ŋaŋ aŋa yema po wur ka aŋfɔsɔ ŋa afəm ayɛthȧ.

2 Pitar 3:17

Tiyȧŋ abɔthər, ma nə po tȧrȧ mȧtȧy ame, bumnɛ nu kȧmȧ nə te sapəra ka kayɛtha ka aŋfəm aləs, yi kȧmȧ nə te fumpɔ kəwur ka matəma ma nu məfinɔ.

Yud 1:16

Aŋe ŋə yi aŋfɔfəthanɛ, antompnɛ, aŋ kɔth ka mafela ma ɛmerȧ yaŋ: tasəŋ taŋ tə gbək ɛyoŋka, aŋ yikis afəm kȧmȧ aŋ ba kəsɔthɔ.

Yud 1:18

Maŋ po tɔri nu kəpa ka ȧŋlɔkɔ aləpsɔ afəm asel tȧy aŋ tə der, aŋa mə kɔth ka mafela mələs ma ɛmerȧ yaŋ.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.