2 Timɔthi 3:3 - Ȧŋlemrȧnɛ Ȧfu

³ abȧki rəfɔr, aləsər alemranɛ, afəm Sethani, afəm arəpi, aŋ pɛnsa hɛ ɛfela yaŋ, aŋ yi afəm abaŋ, aŋa mə farki aŋlompi,

2 Timɔthi 3:3 Iomraidhean Croise

Mathiu 10:21

Ɔwɔnt ɔ tǝ lȧnki ɔwɔnt ka rǝfi, ɔwa ɔkas ɔ tǝ lȧnki ɔwan kɔŋ. Ɔwa awuth aŋ tǝ yokar aŋa kom ŋa kȧmȧ aŋ yɔ a dif ŋa.

Mathiu 4:1

Ȧŋlɔkɔ ŋati ɔYina ɔ kera Yisɔsȧŋ ro wula kȧmȧ Sethani ɔ gbɔns kɔ.

Luk 10:16

Ɔwe mə təlȧ nu ɔ təlȧ mi, ɔwa ɔwe mə pɛnsa nu ɔ pɛnsa mi sɔ. Ɔwa ɔwe mə pɛnsa mi ɔ pɛnsa kɔnɔ ɔwe som mi.

Luk 16:14

AŋFarisi sɔ aŋ təl mȧtȧy ame bɛ; ɔwa maŋ yi afəm aŋa bɔthər akala aŋ sel kɔ.

Yɔn 6:70

Yisɔsȧŋ ɔ pa ro ŋaŋ, Minɛŋ i thith hɛ nu tɔfɔt ŋarəŋ, ɔwa ukin ka nu ɔ ba Sethani-i?

AŋRomans 1:29

Ŋaŋ-e aŋ po la yi mələs tətəp tətəp, mȧkənȧ-o, kȧtut-o, ȧmerȧ aləs-o, amilɛ-o, kȧdif kəsias-o, kȧgbal dɛ yi kȧtɔns tȧy.

AŋRomans 1:31

apənk, abɔth hɛ lanɛ, aba məgbɛŋȧ dɛ yi abȧki rəfɔr.

1 AŋKɔrenth 7:5

Te pɛnsa ukin ka ɔlɔm, thambe sɔthlɔm na ŋarəŋ nə ba ti dim din ta alɔkɔ agbut, kȧmȧ nə gbəli ba aŋfɛrɛ tə kəwop asum yi kəramnɛ. Kədarəŋ kati ta nə kȧl pantnɛ rɔkin, kȧmȧ Sethani ɔ te gbɔns nu asabu ŋa kate gbəli muyu mafela ma nu.

1 AŋKɔrenth 7:9

Kɛrɛ bepi aŋ gbəli hɛ muyu-e, ta aŋ nȧntȧ rɛ aŋ balȧ-e; kotȧy-e pə yi ɔfisa tə kənantȧ pəthas kəba məfela məfey fey.

1 AŋThɛsȧlonika 4:8

Tiyȧŋ ɔwe mə farki ȧŋmȧŋ aŋe ɔ farki hɛ wuni kəpet, thambe Kurɔŋ ɔwe po sɔŋ nu ɔYina kɔŋ uməsəm.

1 Timɔthi 3:11

Arani ŋaŋ sɔ aŋ tə yi atempi, aŋa mə te ləsər ŋes ŋa wuni, aŋ bɔthər hɛ kəyɔ məgbati, ka aŋ yi abɔthi lanɛ ta tȧy o tȧy.

Taytɔs 1:8

Kɛrɛ ta ɔ yi wuni fantha afəm, ta ɔ bɔthər təfinɔ, ta ɔ yi utempi, ubotnɛ rə ȧmerȧ, ulompi, usəm dɛ yi ubeki gbɛt.

Taytɔs 2:3

Ya pəyi sɔ yi ŋaŋȧŋ, kȧmȧ mȧyɔs maŋ mə yi mɔ afəm asəm, kȧmȧ aŋ te yi afəm anafiki-e, ɔwa aŋ yi hɛ tə kəmun məber məgbathi, kɛrɛ ta aŋ thəksa mȧtȧy məfinɔ,

Yeməs 2:6

Kɛrɛ nə po say ɔmɔnɛ. Aŋyola tha mə thiŋkər nu-i, ŋa tha mə kera nu ro bare-i?

2 Pitar 2:14

Ɛfɔr yaŋ gbeŋ ɛ la kərəp, ɛyɛ te gbəli tey kəyɔ ɔləs, kaŋ pəŋis ŋaŋ aŋa ba ɛmerȧ ɛlȧfthɛ lȧfthɛ; a rusəm ɛmerȧ yaŋ ta salata ɛmilɛ. Ŋa awuth ŋa ȧranka ŋaŋ.

2 Pitar 2:19

Hali maŋ po lahiri ŋa rəwaŋkom-e, ŋaŋ gbeŋ aŋ yi atar ŋa mənɔkɔ; kotȧy-e ɔwuni ɔ yi utar ka ȧtȧ po tham kɔ.

2 Pitar 3:3

Kɛrɛ tȧrȧ nu ȧte, kəpa ye afəm asel tȧy aŋ tə der ka marey mələpsɔ aŋa mə kɔth gbo ka mafela mələs maŋ gbeŋ.

Yud 1:16

Aŋe ŋə yi aŋfɔfəthanɛ, antompnɛ, aŋ kɔth ka mafela ma ɛmerȧ yaŋ: tasəŋ taŋ tə gbək ɛyoŋka, aŋ yikis afəm kȧmȧ aŋ ba kəsɔthɔ.

Yud 1:18

Maŋ po tɔri nu kəpa ka ȧŋlɔkɔ aləpsɔ afəm asel tȧy aŋ tə der, aŋa mə kɔth ka mafela mələs ma ɛmerȧ yaŋ.

Kȧŋȧibinɛ 13:15

Ka a sɔŋ kɔ afɔsɔ tə kəsɔŋ aŋesəm ka mȧbȧlȧnɛ ma ɔsɛm kȧmȧ mȧbȧlȧnɛ ma ɔsɛm mə gbəli fɔf, ka a kȧl yɔ kȧmȧ a dif ŋaŋ aŋa kasi tə kəbatho mȧbȧlȧnɛ mati.

Kȧŋȧibinɛ 13:17

kȧmȧ wuni o wuni ɔ te gbəli way thalɔm thila thambe kɔn ɔwe ba aŋlomar, thalɔm ȧŋes ŋa ɔsɛm, thalɔm aŋyirka ŋa ȧŋes ŋɔŋ.

Kȧŋȧibinɛ 16:6

Ȧtesoma-e afəm aŋ po loŋ mȧtir ma aŋfəm asəm, dɛ yi Aŋnȧbi, ɔwa munɔ po sɔŋ ŋa mətir tə kəmun; kotȧy-e aŋ yi abeki ta ti.

Kȧŋȧibinɛ 17:6

Ɔwa i nənk ɔwuni bom ɔwe ɔ tis yi mȧtir ma aŋfəm ŋa Yisɔs dɛ yi mȧtir ma maseri ma Yisɔs. Ma i nənk kɔ i kabanɛ sɔbɛ,