2 Timɔthi 3:17 - Ȧŋlemrȧnɛ Ȧfu

¹⁷ kȧmȧ ɔwuni ka Kuru ɔ gbəli yi ulompi dɛ yi ubeki ta məpanth o məpanth.

2 Timɔthi 3:17 Iomraidhean Croise

Mȧyɔs ma aŋsom 9:36

Ukarande ulɔm ɔ yirȧ ro Yɔpa, ȧŋes ŋɔŋ ŋə yi Tabitha, aŋa a tepa kəpa Dɔkas; ɔya ɔwe ɔ la məyɔs məfinɔ yi kəboya kəbana.

2 AŋKɔrenth 9:8

Ɔwa Kurɔŋ ɔ gbəli yɔ kȧmȧ aboŋa bɛ aŋ fui do rɔnu, kȧmȧ naŋ nə ba ɔbeki lɔkɔ o lɔkɔ ka tȧy o tȧy, kȧmȧ nə bȧrnɛ rə məyɔs məfinɔ bɛ.

AŋƐfisɔs 2:10

kotȧy-e saŋ sə yi mapanth ma mȧta mɔŋ-e, kɔ bɛmpa su rokor ka Yisɔs Krayst ta məyɔs məfinɔ ama Kuru ɔ bot thəpaŋ kȧmȧ sə kɔth rə kəyɔ ma.

1 Timɔthi 6:11

Kɛrɛ munɔ, mun wuni ka Kuru-e, gbukɛ mȧtȧy ame; tȧŋ məlompi dɛ yi məsəm ama yi təteŋ rodi ka Kurɔŋ, yi kəlanɛ, yi məbɔthər, yi kəmuyu, yi kəthoranɛ.

2 Timɔthi 2:21

Tiyȧŋ bepi wuni ɔ wasərnɛ məyay-e, a tə kianɛ kɔ ta məpanth məkolo, rəka rəsəm, rəbeki ka mapanth ma ɔMarki, rəbɛnɛnɛ ta tȧy o tȧy təfinɔ.

Taytɔs 1:16

Aŋ tə pa aŋ tȧrȧ Kuru, kɛrɛ mȧyɔs maŋ mə pɛnsa kɔ, kȧbi aŋ yi afəm agbɛŋa, ȧthȧnthonɛ, aŋ mar hɛ yɔ məpanth o məpanth məfinɔ hali.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

Taytɔs 3:1

Yɔ kȧmȧ aŋfəm aŋ sanɛ ka aŋbȧy dɛ yi aŋgbəka rokɔm ka ŋaŋ, dɛ yi kȧmȧ aŋ yi abɛnɛnɛ ta məpanth o məpanth məfinɔ.

AŋHibru 10:24

Maŋ gbonkthasnɛ nu ukin dɛ yi ulɔm kəkɔ ka mȧbɔthər yi mȧyɔs məfinɔ.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.