2 Timɔthi 2:24 - Ȧŋlemrȧnɛ Ȧfu

²⁴ Ɔwa ȧŋbɔy ŋa ɔMarki ɔ yi hɛ tə kətim, kɛrɛ ɔ yi tə kəyi uthɔfəl bɛm yi afəm bɛ, ukarmɔkɔ utara tȧy, umuyu;

2 Timɔthi 2:24 Iomraidhean Croise

Mathiu 12:19

Ɔ ba hɛ kǝgbȧl, thalɔm kǝŋȧtȧ ȧrim rɔŋ, Ɔwa wuni o wuni ɔ ba hɛ kǝtǝl ȧrim rɔŋ ka asoŋ tǝbana.

Yɔn 6:52

Tiyȧŋ aŋYuda aŋ gbal kətɔŋ ka ŋaŋ, aŋ pa, To ɔwuni ɔwe ɔ gbəli sɔŋ su aŋdɛr ŋɔŋ tə kədi-e?

Mȧyɔs ma aŋsom 15:2

Ɔwa ma Pɔlȧŋ yi Banabasȧŋ aŋ ba məputhanɛ məbana yi kəthoŋka dɛ yi aŋfəm aŋe-e, a botəs kəpa, Pɔl yi Barnabas dɛ yi ŋaŋ alɔm, aŋ yi tə kəkɔ ro Yerusalɛm ka aŋsom yi aŋbȧki ta ȧŋpa aŋe.

Mȧyɔs ma aŋsom 23:9

Ka ɛsɔnkɔ ɛbana ɛ yokanɛ. Aŋkarmɔkɔ ka ȧŋgbȧp ŋa aŋFarisi aŋ yokanɛ, aŋ gbal aŋ pa, Sə ba hɛ tȧy tələs ka ɔwuni ɔwe. Bepi sɔthlɔm ayina, thalɔm wurɔ ɔ po fɔfȧnɛ kɔ-e, tə ba tai-i?

Mȧyɔs ma aŋsom 7:26

Ɔwa ka ȧŋrey alɔm ɔ kɔ kori ŋa kɔ bəp ŋa aŋ tə gbal, kɔ maŋ ŋa kȧmȧ aŋ kȧl manɛ, ɔ pa, Afəm a mi, na yi rəwɔnt, kɔyɛŋ mə nə yɔnanɛ ɔləs-e?

2 AŋKɔrenth 10:1

Ɔwa minɛ Pɔl, i nɛmthɛnɛ nu ka kathoranɛ yi mathɔfəl ma Krayst, minɛ ɔwe yi uthoranɛ ka kȧbəprȧnɛ ka nu, kɛrɛ ma i te bəpər i fɔfȧnɛ nu rə kəmintha.

2 AŋKɔrenth 10:4

ȧtesoma-e ɛyɛt ɛtima ya katim kȧsu ɛ yi hɛ ɛya mȧdɛr, kɛrɛ ɛ ba afɔsɔ aninis kətȧŋȧnɛ ka Kuru tə kəyɛksi ɛbənkȧ.

2 AŋKɔrenth 6:4

kɛrɛ ka mɔtai bɛ mɔ ɛbɔy ya Kuru sə mɛm tə kəkolonɛ ka kəmuyu kəbɔli, ka ɛsɔmpanɛ, ka amɔnɛ, ka kəkɛthanɛ,

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋƐfisɔs 4:2

rə ɛmerȧ ɛthoranɛ dɛ yi məthɔfəl bɛ, yi kəmuyu tȧy, ɔwa sɔ-e, muyusanɛ nu rə məbɔthər.

AŋFilipai 2:14

Yɔ nu tȧy o tȧy yi kəte fɔfəthanɛ dɛ yi kəte pɛnsanɛ;

AŋFilipai 2:3

Te yɔ koko rə kəkolonɛ, kɛrɛ rə ȧmerȧ athoranɛ, yɔ nu kȧmȧ ukin ɔ nanɛ ulɔm tə kəyi ufisa pəthas kɔn kɔnɔnɛ.

AŋKɔlɔsi 3:13

Muyusanɛ nu, ɔwa bepi wuni o wuni ɔ ba apa yi ulɔm, tera kɔ nu, mɔ mə Krayst ɔ po tera nu.

1 AŋThɛsȧlonika 2:7

Kɛrɛ sə yi athɔfəl bɛm kətɔŋ ka nu, mɔ ukomra mɔ kəlianɛ aŋwuth ŋɔŋ.

1 Timɔthi 6:11

Kɛrɛ munɔ, mun wuni ka Kuru-e, gbukɛ mȧtȧy ame; tȧŋ məlompi dɛ yi məsəm ama yi təteŋ rodi ka Kurɔŋ, yi kəlanɛ, yi məbɔthər, yi kəmuyu, yi kəthoranɛ.

Taytɔs 1:1

Pɔl ȧbɔy ŋa Kuru, dɛ yi usom ka Yisɔs Kraystȧŋ tə kəbaksər kȧlanɛ ka anthith ŋa Kuru, dɛ yi tə kətɔri tȧteŋ ȧtȧ yi ka ranes ra Kuru.

Taytɔs 1:7

kotȧy-e ugbəka ka aŋchɔch-e, ta ɔ yi upaŋi tȧy mɔ ȧŋbɔy ŋa Kuru, ɔwa ɔ yi hɛ tə kəyi ubaki rəbomp thalɔm ulɛmp rə rəbaŋ-e, ta ɔ te bɔthər məber, thalɔm kətim thalɔm məfela məbaŋ ta akala.

Taytɔs 1:9

Ta ɔ wop ɔbaksər ȧsim təbɔthi lanɛ ȧtȧ a po thəksa kɔ, kama-e, kətȧŋȧnɛ ka ȧkɛra ka təteŋ-e, ɔ gbəli maŋ tə kəbaksər alɔm dɛ yi tə kəgbakia aŋfəm aŋa ba ɛpɛnsa.

Taytɔs 3:2

Ta aŋ te fofiya wuni o wuni, ta aŋ te gbal, ta aŋ yi athɔfəl, dɛ yi ta aŋ yi athoranɛ ka wuni o wuni,

Yeməs 1:1

Yeməs ȧbɔy ŋa Kuru yi ka ɔMarki Yisɔs Krayst ka ɛbɔnsɔŋ tɔfɔt yɛrəŋ aŋa po sakanɛ ka ȧdȧru bɛ; i kori nu sɛŋk.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

Yeməs 4:2

Nə fela ɛyɛt, ɔwa nə sɔthɔ hɛ; nə dif, nə fela ɔbaŋ, kɛrɛ nə gbəli hɛ sɔthɔ ȧtȧ nə yema; nə gbal, nə tim, kɛrɛ nə ba hɛ, pəkasifɛ nə yif hɛ.

1 Pitar 3:8

Tiyȧŋ ba nu ȧmerȧ ŋin, ba nu ȧney, bɔthərȧnɛ nu mɔ awɔnt, tɔri ȧmerȧ athoranɛ.

Yud 1:3

Ambɔthər a mi, ma i bot ȧŋmerȧ a mi tə kəgbalər nu ta kakisi kȧsu bɛ, ȧŋmerȧ a mi aŋ yagba mi tə kəgbalər nu yi kəmaŋ nu kȧmȧ nə bumər ɔfinɔ kȧlanɛ ȧke a po lȧnki win haŋ thəbana ka aŋfəm asəm.