2 Timɔthi 2:19 - Ȧŋlemrȧnɛ Ȧfu

¹⁹ Halisa ɔtəmər wa Kuru ɔ təmȧ kəŋkəŋ, ɔwa ȧŋmȧthlɛ ŋati ŋi aŋe, kəpa, ƆMariki ɔ tȧrȧ aŋfəm ŋɔŋ gbeŋ. Ɔwa sɔ-e, Ta wuni o wuni ɔwe bont ȧŋes ŋa Kraystȧŋ ɔ gbapɛ mȧkənə.

2 Timɔthi 2:19 Iomraidhean Croise

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Mathiu 7:23

Ka ȧŋlɔkɔ ŋati i ti kanɛ ŋa gbafǝth kǝpa, Thȧnkȧŋ i tɛ hɛ nu. Wur nu ro rɔmi, naŋ aŋa yɔ mǝyɔs mǝlǝs.

Mathiu 7:25

Ka akɔm kǝ thuf, ɔwa ȧmȧnt mǝfɔl mǝ der, ka aŋfef aŋ sɔŋ aŋ sapǝth ȧŋseth ŋati; kɛrɛ aŋ fumpɔ hɛ, ȧtesoma-e a tǝmǝr ŋi ka aŋgbalaŋ rokɔm.

Mark 12:16

kaŋ kȧrȧ ŋi. Kɔ pa ro ŋaŋ, Kanɛ ba mȧbȧlȧnɛ ame yi mȧgbal ame-e? kaŋ pa ro ŋɔŋ, Sisar.

Mark 13:22

kotȧy-e aKrayst ayem yi anȧbi ayem aŋ tə yokanɛ, aŋ tə yɔ ɛmisali yi tȧy təkabanɛ, kȧmȧ bepi pə gbəli yi-e, aŋ tə yɛthəs aŋthith.

Luk 13:27

Kɛrɛ ɔ tə pa, I kanɛ nu, i tɛ hɛ ro nə wur; tɔnɛ mi raŋ, naŋ aŋyɔ məkənȧ.

Luk 6:48

Ɔ yi mɔ wuni ɔwe mə təmər aseth. Ɔ bɛs ɔbɔlɔŋ, ɔ raf ɔtəmər wa ȧŋseth rə agbalaŋ. Ma ȧmȧnt məfɔl mə der-e, mə sap ȧŋseth ŋati, kɛrɛ mə gbəli hɛ yiŋktha ŋi, ȧtesoma-e a po təmər ŋi ɔfinɔ.

Yɔn 10:14

Minɛ yi ɔtɔl talɔmɛ ufinɔ, i tȧrȧ talɔmɛ ta mi, ɔwa talɔmɛ ta mi aŋ tȧrȧ mi,

Yɔn 13:18

I fɔf hɛ ta ȧtȧ nu bɛ; i tȧrȧ ŋaŋ aŋa i po thith: kɛrɛ mȧtȧy ame mə yi kȧmȧ mȧgbal mə lasər, ama pa, Ɔwuni ɔwe mə di kabo ka mi-e ɔ ŋata rabəthka rɔŋ kəŋamnɛ mi.

Yɔn 3:33

Ɔwe mə wop maseri mɔŋ ɔ tɔri kəpa Kurɔŋ ɔ yi təteŋ.

Mȧyɔs ma aŋsom 11:26

Ɔwa ma ɔ po fir kɔ-e ɔ kȧrȧ kɔ ro Antiɔk. Ka pə re yi ka kəren kəlolok aŋ gbanɛ yi aŋchɔch, aŋ thəksa afəm agbȧthi. Ɔwa ro Antiɔk, rə a mɔtha bont aŋkarande aKristiɛn.

Mȧyɔs ma aŋsom 15:17

Kama aŋfəm aŋa tiyȧ aŋ thɛns ɔMarki, Yi tȧbona təlɔm bɛ ka aŋa a bont ȧŋes a mi,

Mȧyɔs ma aŋsom 9:14

Ɔwa hali anɔ ɔ ba afɔsɔ kəwur ka aŋkərbomp kətɔŋ ka aŋfode tə kəsek ŋa bɛ aŋa mə ramnɛ ka ȧŋes a mu.

AŋRomans 11:2

Kuru ɔ tha pɛnsa hɛ aŋfəm ŋɔŋ aŋa ɔ po thith thəpaŋ. Nə tɛ hɛ ȧte mȧgbal məsəm mə pa salata Ilayaŋ ma ɔ nɛmthɛnɛ Kuru kəŋamnɛ aŋIsrɛl-i?

AŋRomans 12:9

Ta mabɔthər ma nu mə yi təteŋ. Gbɛŋa tȧləs, gbapsa təfinɔ.

AŋRomans 15:20

Yao i ba afela abaŋ tə kətaməs mapa məfinɔ, pə yi hɛ ro a poŋ thɔŋ bont ȧŋes ŋa Kraystȧŋ, kȧmȧ pə te yi rokɔm ka ɔtəmər wa wuni lɔm;

AŋRomans 15:9

dɛ yi kȧmȧ tȧbona təlɔm aŋ gbəli yikis Kuru ta ȧŋney ŋɔŋ, mɔ a gbal kəpa, Tiyȧŋ i ti thɔkəs mu kətɔŋ ka tȧbona təlɔm, I ti lensir ȧŋes a mu.

AŋRomans 8:28

Ka sə tȧrȧ kəpa mȧtȧy bɛ mə tə yɔnɛ finɔ ta salata ŋaŋ aŋa bɔthər Kuru, pə yi mɔ ta ŋaŋ aŋa a muti kətȧŋȧnɛ ka mȧselɔ mɔŋ.

AŋRomans 9:11

hali ma a te tha kom aŋwuth ras-e, ɔwa maŋ te tha yɔ ɔfinɔ thalɔm ɔləs, kȧmȧ mȧselɔ ma Kuru asabu ŋa kathithəs kɔŋ mə gbəli təma-e, pə yi hɛ salata mȧyɔs maŋ, kɛrɛ salata katela kɔŋ;

1 AŋKɔrenth 1:2

ka aŋfəm ŋa Kuru aŋa yi ro Kɔrinth, aŋa a səməs rokor ka Yisɔs Krayst, aŋa a muti tə kəyi asəm dɛ yi ŋaŋ bɛ dɛr o dɛr aŋa mə tela ka ȧŋes ŋa ɔMarki kȧsu Yisɔs Krayst, ɔwe yi ɔMarki ka ŋaŋ, dɛ yi ɔka su sɔ.

1 AŋKɔrenth 8:3

Kɛrɛ bepi wuni ɔ bɔthər Kurɔŋ, kɔnɔ Kuru ɔ tȧrȧ.

2 AŋKɔrenth 7:1

Tiyȧŋ abɔthər, ma sə po ba ɛlahiri ɛye-e, maŋ gbəransnɛ nu kəwur ka məpulkɛ bɛ ma madɛr dɛ yi aŋyina, ɔwa sə gbenthis rəsəm ka ranes ra Kuru.

AŋKȧletia 4:9

kɛrɛ ka-ake ma nə po der kətara Kuru-e, (thalɔm pə tha gbethi Kuru ɔ tȧrȧ nu-e), to pə som nə kȧl fəlɛ ka matanɛ mərant məyai mɔlɔ ma nə fela sɔ kəsəkɛ atar ŋa matanɛ mati-e?

AŋƐfisɔs 2:20

Ka a təmər nu rokɔm ka ɔtəmər wa aŋsom dɛ yi Aŋnȧbi, ɔwa Yisɔs Krayst kɔn kɔnɔnɛ ɔ yi aŋsar ȧtɔtɔkɔ ŋa ȧŋkoŋ;

AŋƐfisɔs 3:15

ɔwa kəwur do rɔŋɔŋ ŋa sɛŋk ro riyana yi ka ȧdȧru aŋ sɔthɔ ŋes,

AŋƐfisɔs 4:30

Ɔwa te nu bansəs ɔYina məsəm ka Kuru, ma pə yi a mathlɛ nu do rɔŋɔŋ haŋ ȧŋrey ŋa kabani.

1 Timɔthi 3:15

Kɛrɛ bepi tȧy o tȧy tə kali kali mi-e, i yema kȧmȧ mə gbəli tȧrȧ to mə ba naŋ tə kəkɔth kətɔŋ ka kabɔr ka Kuru, pə yi mɔ-e, aŋchɔch ŋa ɔKuru ukəli aŋa yi mȧkər yi ɔtəmər wa tȧteŋ.

1 Timɔthi 6:19

Kama aŋ bɛnɛnɛ ɔtəmər ɔfinɔ ta ȧŋlɔkɔ aŋa mə derȧŋ, kȧmȧ aŋ wopnɛ aŋesəm thəbana.

AŋHibru 11:10

kotȧy-e ɔ kəlianɛ ta kȧpet ȧke ba mətəmər məbaksər, ȧke pə yi Kuru kɔnɔ yi ɔtəpi dɛ yi ɔbɛmpa.

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.

1 Yɔn 2:19

Ŋaŋ aŋ po wur ro su, kɛrɛ aŋ yi hɛ ta ȧtȧ su; kotȧy-e, bepi aŋ yi naŋ ta ȧtȧ su, aŋ tə tiyȧ naŋ ro su: kɛrɛ aŋ wur ro su, kȧmȧ pə tɔrinɛ kəpa ŋa bɛ, aŋ yi hɛ ta ȧtȧ su.

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 21:14

Ka anthatha ŋa kȧpet aŋ ba mətəmər tɔfɔt mȧrəŋ ro a gbal ames ma aŋsom tɔfɔt ŋarəŋ ŋa kaLɔmɛ kəfɛth ka Kuru.

Kȧŋȧibinɛ 22:4

Ɔwa aŋ tə nənk ader rɔŋ, dɛ yi ȧŋes ŋɔŋ aŋ tə yi ka mabuŋ maŋ.

Kȧŋȧibinɛ 3:8

I tȧrȧ mȧyɔs ma mu. Kəla i po təmər kədare kəkanthɛ rodi ka mu, ȧke wuni o wuni ɔ gbəli hɛ kantha; kotȧy-e mə ba afɔsɔ athȧn, ɔwa mə po thɔŋ wop ȧrim ra mi, mə pɛnsa hɛ ȧŋes a mi.