2 Timɔthi 2:15 - Ȧŋlemrȧnɛ Ȧfu

¹⁵ Thəkəs tə kəthesis Kuru mɔ ȧbɔy ɔwe te ba kəlap, ɔwe mə gbay ȧsim ta təteŋ ɔlompi.

2 Timɔthi 2:15 Iomraidhean Croise

Mathiu 13:52

Kɔ pa ro ŋaŋ, Tiyȧŋ ukarmɔkɔ o karmɔkɔ ɔwe a thǝksa ta rȧbȧy ra ro riyana ɔ bȧlȧnɛ mɔ ulaŋgba ɔwe ba aseth-e, ɔwe mǝ wur ka ɔbɛnɛnɛ wɔŋ yɛt ɛfu yi yɛt ɛkur.

Mark 4:33

Ɔwa ɔ fɔfȧnɛ ŋa ȧrim rə ɛlomɔ ɛgbathi ɛwunɔŋ, mɔ mə aŋ gbəli təl.

Luk 12:42

ƆMariki ɔ pa, Kanɛ yi thɔŋ ȧŋbɔy ubɔthi lanɛ ɔwa utempi-e, ɔwe ɔMarki kɔŋ ɔ tə bot rokɔm ka kabɔr kɔŋ-e, tə kəsɔŋ ŋa ɛyɛt yaŋ ɛdi ka ȧŋlɔkɔ alompi-e?

Mȧyɔs ma aŋsom 2:22

Naŋ aŋfəm ŋa ro Isrɛl, təl nu ȧsim ȧte. Yisɔs ɔwe ro Nasarɛth, wuni ɔwe Kuru ɔ po lomi kətɔŋ ka nu rə məyɔs ma afɔsɔ yi mȧtȧy məkabanɛ yi ɛmisali ɛyɛ Kuru ɔ yɔ ka kȧta kɔŋ kətɔŋ ka nu, mɔ naŋ gbeŋ nə po tȧrȧ.

Mȧyɔs ma aŋsom 20:27

kotȧy-e i la hɛ tey kətɔri nu tȧteŋ ta Kuru Məsaba bɛ.

AŋRomans 14:18

Pəkasifɛ kɔn ɔwe mə bȧtho Krayst yaŋ-e, ɔ thesis ȧŋmerȧ ŋa Kuru, dɛ yi afəm sɔ.

AŋRomans 16:10

Kori Apeles ɔwe yi ukristiɛn tə tɛntɛnɛ. Kori sɔ kabɔr ka Aristɔbulɔs.

AŋRomans 6:13

Te sɔnd malaŋktha ma madɛr ma nu ka ahakɛ mɔ ɛyɛt ɛtima ya mȧkənȧ, kɛrɛ sɔndnɛ ka Kuru mɔ afəm akəli aŋa po wur ka rəfi kəkɔ ka aŋesəm, yi malaŋktha ma madɛr ma nu mɔ ɛyɛt ɛtima ya məlompi salata Kuru.

1 AŋKɔrenth 2:6

Kɛrɛ halisa, bepi sə yi kətɔŋ ka ŋaŋ aŋa yi abȧki mədɛr ka kəlanɛ-e, sə tə fɔf kətemp; kɛrɛ kȧtemp ka ȧdȧru are thahɔ, thalɔm kȧtemp ka aŋgbəka ŋa ȧdȧru are, aŋa mə ba kəthas.

2 AŋKɔrenth 10:18

Ȧtesoma-e ɔwuni kolonɛ tha mə a malanɛ, kɛrɛ ɔwe ɔMarki ɔ kolo.

2 AŋKɔrenth 3:6

kɔnɔ sɔ ɔ po yɔ su saŋ abeki tə kəyi ɛbɔy ya aŋlemranɛ afu; pə yi hɛ ka asikra, pə yi ka ɔYina; kotȧy-e asikra, ŋə mə dif, kɛrɛ ɔYina kɔnɔ mə sɔŋ ŋesəm.

2 AŋKɔrenth 4:2

ka sə po ter mȧtȧy məmaŋknɛ ma məlap, sə kɔth hɛ rə məsɔth, sə kianɛ hɛ ȧrim ra Kuru rə kəpəŋis, kɛrɛ rə kətɔri tȧteŋ gbafəth-e, sə kolonɛ ka ȧŋmerȧ ŋa wuni o wuni rodi ka Kuru.

2 AŋKɔrenth 5:9

Tiyȧŋ sə timnɛ kȧmȧ pə yi hali sə bəpər thalɔm sə te bəpər, sə gbəli bɔnɛs kɔ.

AŋKȧletia 1:10

kotȧy-e minɛ i thɛns mamari ma afəm thalɔm Kuru-i? Thalɔm i mɛm tə kəbɔnɛs afəm-i? Bepi minɛ i thesanɛ gbo afəm-e, i yi hɛ ȧŋbɔy ŋa Krayst.

AŋƐfisɔs 1:13

Do rɔŋɔŋ nə bot ɛmerȧ ma nə poŋ təl ȧrim ra tȧteŋ, mapa məfinɔ ma Kuru ka kakisis ka nu. Ɔwa ma nə po lanɛ kɔ-e, a mathlɛ nu yi ɔYina məsəm ɔka aŋlahiri,

1 AŋThɛsȧlonika 2:4

kɛrɛ mɔ mə Kuru ɔ nənk su abɔthi lanɛ tə kətɔri ȧkɛra kəfinɔ kɔŋ, yaŋ mə sə fɔf; pə yi hɛ tə kəbɔnɛs wuni kəpet, kɛrɛ tə kəbɔnɛs Kuru ɔwe mɛm ɛmerȧ ɛ su.

1 AŋThɛsȧlonika 5:14

Sə nɛmthɛnɛ nu awɔnt, maŋ ŋaŋ aŋa yi ȧthȧnthonɛ, ɔwa thɔnthɔ nu aŋyay rə amera-e, mar ŋa nu aŋa te ba afɔsɔ-e, muyu nu afəm bɛ.

1 Timɔthi 4:6

Bepi mə tɔri mȧtȧy ame ka aŋwɔnt-e, mə tə yi ȧbɔy ŋa Yisɔs Krayst ubɔthi lanɛ, urusəm ka ȧsim ta kȧlanɛ yi ka mathəksa ma ȧkɛra kəfinɔ ȧke mə poŋ thɔŋ wop.

AŋHibru 4:11

Tiyȧŋ maŋ bȧsər nu kəwɔŋ ka ɔfothanɛ wati, kȧmȧ wuni o wuni ɔ te fumpɔ salata kate sanɛ kin kati.

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

Yeməs 1:18

Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.

2 Pitar 1:10

Tiyȧŋ, awɔnt, bȧsər nu tə kəyɔ kȧmȧ katela yi kathith ka nu kə yi tə tɛntɛnɛ. Kotȧy-e bepi nə yɔ mȧtȧy ame nə ba hɛ kəfumpɔ thȧnkȧŋ.

2 Pitar 1:15

Ɔwa i ti mɛm kȧmȧ pə yi ma i po thas-e, nə gbəli botərnɛ mȧtȧy ame rə ȧmerȧ.

2 Pitar 3:14

Tiyȧŋ abɔthər, ma pə yi nə kəlianɛ ta mȧtȧy ame-e, bȧsər nu kȧmȧ ɔ bəp nu ka məthɔfəl kəte ba apora thalɔm məthɛkɛ.