2 Timɔthi 2:12 - Ȧŋlemrȧnɛ Ȧfu

¹² Bepi sə sɔmpanɛ-e sə tə gbəka sɔ yi kɔn; bepi sə pɛnsa kɔ, kɔnɔ sɔ ɔ tə pɛnsa su.

2 Timɔthi 2:12 Iomraidhean Croise

Mathiu 10:33

Kɛrɛ wuni o wuni ɔwe mǝ pɛnsanɛ mi rodi ka aŋfǝm-e, minɛ sɔ i ti pɛnsanɛ kɔ rodi ka ɔKas kȧmi ɔwe yi ro riyana.

Mathiu 26:35

Ka Pitarȧŋ ɔ pa ro ŋɔŋ, Hali i ba kǝfi yi munɔŋ-e, i gbǝli hɛ pɛnsanɛ mu. Yaŋ aŋkarande sɔ bɛ aŋ pa.

Mathiu 26:75

Ka Pitarȧŋ ɔ kala ȧmerȧ ka tapa ȧte Yisɔsȧŋ ɔ pa, Yeŋka katǝpi ɔ tam-e, mǝ tǝ pɛnsanɛ mi mǝsas. Kɔ wur, ɔ bok ɔbaŋ.

Mark 10:33

ɔ pa, Kəli, sə kɔ ro Yerusalɛm, ɔwa ɔWan ka wuni, a tə lȧnki kɔ ka aŋfode abana yi aŋkarmɔkɔ; aŋ tə sɔŋ kɔ mətheri tə kəfi, ɔwa aŋ tə lȧnki kɔ ka tȧbona təlɔm.

Mark 8:38

Ȧtesoma-e wuni o wuni ɔwe mə lap mi yi ȧsim ta mi-e, ka rȧkomra rərəpi are yi ɛhakɛ ɛye-e; ɔWan ka wuni ɔ tə lap kɔ sɔ, ka ȧŋlɔkɔ ma ɔ der ka aŋyiki ŋa ɔKas kɔŋ yi aŋmȧleka asəm.

Luk 12:9

kɛrɛ ɔwe mə pɛnsa mi rodi ka aŋfəm, a tə pɛnsa kɔ rodi ka aŋmȧleka ŋa Kuru.

Luk 22:29

ɔwa i ti sɔŋ nu rȧbȧy mɔ mə ɔKas kȧmi ɔ sɔŋ mi,

Luk 22:30

kȧmȧ nə gbəli di, ɔwa nə mun ka aŋthebəl a mi ka rȧbȧy ra mi. Ɔwa nə tə yirȧ rə tawaŋ ta rəbȧy, nə tə thonkas ɛbɔnsɔŋ tɔfɔt yɛrəŋ ya Isrɛl.

Luk 9:26

Tiyȧŋ wuni o wuni ɔwe mə lap mi yi ȧsim ta mi-e, ɔWan ka wuni ɔ tə lap kɔ ma mɔ der ka aŋyiki ŋɔŋ, yi aŋa ɔKas kɔŋ, yi aŋa aŋmȧleka asəm.

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

AŋRomans 5:17

Pəkasifɛ bepi-e, salata aŋhakɛ ŋa wuni kin rəfi rə gbəka asabu ŋa ɔkin-e, pə tha gbethi ŋaŋ aŋa sɔthɔ ȧŋboŋa ȧbana ŋa Kuru dɛ yi ȧŋboya ŋa malompi aŋ tə gbəka ka aŋesəm, asabu ŋa ɔkin Yisɔs Kraystȧŋ.

AŋRomans 8:17

Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.

AŋFilipai 1:28

Te nesa antheranɛ a nu hali; kate ka nu nesa kə y amisali ma kadinɛ ka ŋaŋ, kɛrɛ do rɔnu kə yi amisali ma kakisi ka nu ka Kuru.

1 Timɔthi 5:8

Kɛrɛ bepi wuni ɔ thɛn hɛ ta aŋfəm ŋɔŋ aŋa kəlianɛ kɔ, pə tha gbethi ȧŋbɔnshɔ ŋɔŋ gbeŋ-e ɔ po pɛnsa kȧlanɛ ɔwa ɔ yi uləs pəthasi ŋaŋ aŋa te lanɛ.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.

Kȧŋȧibinɛ 1:6

ɔwe po səki su rəbȧy, pə yi mɔ-e, afode ŋa mapanth ma Kuru ɔKas kɔŋ. Ta ayiki dɛ yi afɔsɔ ɛ yi do rɔŋɔŋ thȧnkȧŋ thəbana. Amina.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 20:4

Ka i nənk təwaŋ ta rȧbȧy, ɔwa a sɔŋ ŋaŋ aŋa yirȧ ri afɔsɔ tə kəthoŋkas; ka i nənk ɛŋesəm ya ŋaŋ aŋa a la gbetha təbomp salata maseri ma Yisɔs yi ta ȧrim ra Kuru, pəkasifɛ aŋ la kasi tə kəbatho ɔsɛm utuy tȧy thalɔm mȧbȧlȧnɛ mɔŋ, kaŋ la pɛnsa sɔ aŋlomar ŋɔŋ ka mabuŋ maŋ, ɔwa aŋ kȧl yi akəli sɔ, kaŋ gbəka dɛ yi Kraystȧŋ təren awul ŋin.

Kȧŋȧibinɛ 20:6

Afəm aruba dɛ yi asəm ŋaŋ aŋa bəpər ka kȧyokanɛ ka aŋfi kətɔtɔkɔ; rafi ara bekȧ mȧrəŋ rə ba hɛ afɔsɔ rokɔm ka ŋaŋ, kɛrɛ aŋ tə yi afode ŋa Kuru dɛ yi Kraystȧŋ, ɔwa aŋ tə gbəka rɛ kɔn təren awul ŋin.

Kȧŋȧibinɛ 3:10

Kȧbi munɔ mə po bɛnɛ ȧrim ra mi-e, tȧsom minɛ sɔ i ti bɛnɛ mu ka ȧŋlɔkɔ ŋa kamɛmər aŋa mə der ka ȧdȧru bɛ tə kəmɛm aŋfəm nɔru.

Kȧŋȧibinɛ 3:21

Ɔwe mə tham i ti sɔŋ kɔ mamari tə kəyira yi minɛŋ ka kawaŋ ka rȧbȧy ra mi, mɔ mə minɛ sɔ i po tham, ka i yirȧ yi ɔKas kȧmi ka kawaŋ ka rȧbȧy rɔŋ.

Kȧŋȧibinɛ 3:8

I tȧrȧ mȧyɔs ma mu. Kəla i po təmər kədare kəkanthɛ rodi ka mu, ȧke wuni o wuni ɔ gbəli hɛ kantha; kotȧy-e mə ba afɔsɔ athȧn, ɔwa mə po thɔŋ wop ȧrim ra mi, mə pɛnsa hɛ ȧŋes a mi.

Kȧŋȧibinɛ 5:10

Mə po səki ŋa rəbȧy dɛ yi afode ka ɔKuru kȧsu; ɔwa aŋ tə gbəka ka ȧdȧru.