2 Timɔthi 1:7 - Ȧŋlemrȧnɛ Ȧfu

⁷ Ȧtesoma-e Kuru ɔ sɔŋ hɛ su ȧŋmerȧ ŋa rənes, kɛrɛ ȧŋmerȧ ŋa afɔsɔ, yi ŋa məbɔthər, yi ŋa ȧmerȧ ayenki.

2 Timɔthi 1:7 Iomraidhean Croise

Luk 10:19

Ɔwa i po sɔŋ nu afɔsɔ tə kənas ɛbok yi atulis, dɛ yi kətham rokɔm ka aŋfɔsɔ bɛ ŋa ɔtheranɛ; ɔwa koko bɛ rə gbəli hɛ yɔ nu ɔbaŋ.

Luk 15:17

Ma ɔ kȧl sɔthɔ amera-e, ɔ pa, To ɛbɔy ɛyamɔ ya ɔkas kȧmi aŋ yi kəgbath bɛ, aŋ ba təbo təbeki haŋ tə kətiyanɛ, ɔwa minɛŋ i dinɛ nɔ yi dorȧŋ!

Luk 24:49

Ɔwa kəla, i som ro rɔnu aŋlahiri ŋa ɔKas kȧmi, kɛrɛ te nu bɔnɛ ro pet haŋ a lonsər nu afɔsɔ kəwur rokɔm.

Luk 8:35

Ɔwa aŋfəm aŋ wur kȧmȧ aŋ nənk ȧtȧ po yɔnɛ, ka aŋ der ka Yisɔsȧŋ, aŋ bəp ɔlaŋgba ɔwe aŋkərəfi aŋ po wur-e, ulopra, utempi, ɔ yirȧ ka ȧtȧtək ta Yisɔs. Kaŋ nesa.

Yɔn 14:27

Məthɔfəl i tiyȧ nu, mathɔfəl ma mi i sɔŋ nu: i sɔŋ hɛ nu mɔ mə ȧdȧru rə sɔŋ nu. Ta ɛmerȧ ɛ nu ɛ te nu sɔmpa, thalɔm ɛ te nesa.

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 10:38

Rə tɔri kəpa Kurɔŋ ɔ reŋ Yisɔsȧŋ ɔwe ro Nasarɛth ɔYina məsəm yi afɔsɔ; ɔ kɔth kɔth dɛr o dɛr kəyɔ ɔfinɔ, ɔ yenkəs aŋfəm bɛ aŋa Sethani mɔ sɔmpa, kotȧy-e Kurɔŋ ɔ yi yi kɔn.

Mȧyɔs ma aŋsom 20:24

Kɛrɛ mȧtȧy ame mə yɔ hɛ i borȧnɛ, ɔwa i gbasi hɛ aŋesəm a mi mɔ rəka rəbaki mɔlɔ ta ȧtȧ mi, kaŋka gbo i gbəli gbanthi ȧŋbara a mi yi məbɔnɛ, dɛ yi mapanth ama ɔMarki Yisɔs ɔ sɔŋ mi, tə kəseri ȧkɛra kəfinɔ ka ȧŋboŋa ŋa Kuru.

Mȧyɔs ma aŋsom 21:13

Ka Pɔlȧŋ ɔ pa, kɔyɛŋ mə nə bok-e, ɔwa nə rantəs ȧŋmerȧ a mi-e? Min bɛnɛnɛ thɔŋ, pə yi hɛ gbo kȧmȧ a sek mi, kɛrɛ tə kəfi sɔ ro Yerusalɛm ta ȧŋes ŋa ɔMarki Yisɔs.

Mȧyɔs ma aŋsom 26:11

I thalər ŋa ɛlɔkɔ ɛgbathi ka ɛseth ɛgbanɛ, ka i mɛm tə kəyɔ ŋa aŋ ŋanmɛ Kurɔŋ. Ɔwa ma i yi ubaŋ hali ta ȧtȧ ŋaŋ-e, i sɔmpa ŋa haŋ ka təpet tətel.

Mȧyɔs ma aŋsom 26:25

Kɛrɛ Pɔl ɔ pa, I yi hɛ wuni pəŋk, Fɛstɔs ubana, i fɔf gbo sim ta təteŋ yi kətemp.

Mȧyɔs ma aŋsom 6:8

Ka Stifɛnȧŋ ɔ la aboŋa yi afɔsɔ, ɔ yɔ mȧtȧy məkabanɛ yi ɛmisali kətɔŋ ka aŋfəm.

Mȧyɔs ma aŋsom 9:22

Kɛrɛ Sɔl-əŋ ɔ bȧr sɔthɔ afɔsɔ, kɔ fikthanɛ aŋYuda aŋa yirȧ ro Damaskɔs ma ɔ tɔri kəpa ɔwe-əŋ ɔ yi ɔKrayst.

AŋRomans 5:5

Ɔwa kȧgbak ȧmerȧ kə tɔns hɛ su pəkasifɛ mabɔthər ma Kuru mə lasər tabuth ta su kətȧŋȧnɛ ka ɔYina məsəm ɔwe ɔ sɔŋ su.

AŋRomans 8:15

kotȧy-e nə sɔthɔ hɛ sɔ ɛmerȧ ya rətar tə kəkal nesa; kɛrɛ nə sɔthɔ ɛmerȧ ya rəwaŋkom, ɔwa di kati sə pa, Aba, Pa.

1 AŋKɔrenth 2:4

Kafɔf kȧmi ras dɛ yi kakawandi kȧmi kə yi hɛ rə sim təthɔnthɔ rə kətemp ka rəwuni kəpet-e, kɛrɛ rə katɔrinɛ ka ɔYina məsəm yi rə afɔsɔ,

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKɔlɔsi 1:8

Ɔwa ɔ po tɔri su mabɔthər ma nu rə ɔYina məsəm.

AŋHibru 2:15

Ɔwa sɔ-e, kȧmȧ ɔ bani ŋaŋ aŋa yi atar ka marey maŋ bɛ asabu ŋa ranes ra rəfi.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Yɔn 4:18

Məbɔthər mə ba hɛ rənes; kɛrɛ mabɔthər məgbenthis mə tə bȧl rənes; pəkasifɛ rənes rə ba athalər. Kɔn ɔwe ba rənes ɔ ba hɛ məbɔthər məgbenthis.