2 AŋKɔrenth 3:3 - Ȧŋlemrȧnɛ Ȧfu

³ kotȧy-e a tɔri ti gbafəth kəpa nə yi ȧŋreka ŋa Kraystȧŋ aŋa a po maŋkər su, aŋa a te gbal rə aruba, kɛrɛ rə ɔYina ka ɔKuru ukəli; pə yi hɛ ɛwalka ɛ məsar, kɛrɛ ɛwalka ya ɛmerȧ ya afəm a kəpet.

2 AŋKɔrenth 3:3 Iomraidhean Croise

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

1 AŋKɔrenth 3:5

Kanɛ yi Pɔl-əŋ-e? Ɔwa kanɛ yi Apɔlɔs-e? Aŋ yi gbo aŋsom ŋa Kuru kətaŋ ka aŋa nə lanɛ, mɔ mə ɔMarki ɔ sɔŋ afɔsɔ ka kin o kin.

2 AŋKɔrenth 3:6

kɔnɔ sɔ ɔ po yɔ su saŋ abeki tə kəyi ɛbɔy ya aŋlemranɛ afu; pə yi hɛ ka asikra, pə yi ka ɔYina; kotȧy-e asikra, ŋə mə dif, kɛrɛ ɔYina kɔnɔ mə sɔŋ ŋesəm.

2 AŋKɔrenth 3:7

Kɛrɛ bepi kabȧtho ka ȧŋsiraŋ ŋa rəfi ȧke a gbal ka məsar kə ba ayiki haŋ aŋwuth ŋa Isrɛl aŋ gbəli hɛ kəli ader ra Mosis tǝŋ, salata kagbɛntha ka ader rɔŋ, kəgbɛntha gbo ȧke mə thas;

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

1 AŋThɛsȧlonika 1:9

kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

AŋHibru 10:16

Aŋlemranɛ ŋi aŋe aŋa minɛ mɛ sek dɛ yi ŋaŋ Rodarəŋ ka marey mati, ɔMarki ɔ pa, I ti bot ɛthɔ ɛ mi ka ɛmerȧ yaŋ, Ɔwa i ti gbal yi ka ɛnanɛ yaŋ,

AŋHibru 8:10

Kɛrɛ aŋlemranɛ ŋi aŋe aŋa mɛ re sek yi rȧkomra ra Isrɛl, Kədarəŋ ka marey mati, ɔMarki ɔ pa. I ti bot ɛthɔ ɛ mi ka ɛnanɛ yaŋ, I ti gbal yi ka ɛmerȧ yaŋ. Ɔwa i ti yi ɔKuru ka ŋaŋ, ɔwa ŋaŋ aŋ tə yi aŋfəm a mi.

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

Kȧŋȧibinɛ 2:1

Gbal ka ɔkəlianɛ ka aŋchɔch ŋa ro Ɛfisɔs kəpa ye, Kɔn ɔwe wop atɔs tȧmthədɛrəŋ ka kȧta kɔŋ kədiyɔ, ɔwe kɔth kətɔŋ ka tamulɛ ta məbɔŋɔ tamthədɛrəŋ-e, ɔ pa hɔ,

Kȧŋȧibinɛ 2:12

Gbal ka ɔkəlianɛ ka aŋchɔch ŋa ro Pakamɔm kəpa ye, Kon ɔwe ba aŋgbathɔ awɔŋi aŋa ba ran narəŋ ɔ pa hɔ.

Kȧŋȧibinɛ 2:18

Gbal ka ɔkəlianɛ ka aŋchɔch ŋa ro Thayatira kəpa ye, Ȧsim ta ɔWan ka Kuru ɔwe ba ɛfɔr mɔ nȧnt nəmara, yi tatək mɔ akɛm akelkel, ti ȧte,

Kȧŋȧibinɛ 2:8

Gbal ka ɔkəlianɛ ka aŋchɔch ŋa ro Smayna kəpa ye, Ȧsim ta ɔTɔtɔkɔ yi ɔLəpsɔ-e, kɔn ɔwe po fi kɛrɛ ɔ kȧl po ba aŋesəm, ti ȧte.

Kȧŋȧibinɛ 3:1

Gbal ka ɔkəlianɛ ka aŋchɔch ŋa ro Sadis kəpa ye. Kɔn ɔwe ba ɛYina tȧmthədɛrəŋ ka Kuru dɛ yi atɔs tȧmthədɛrəŋ ɔ pa, I tȧrȧ mȧyɔs ma mu tə kəyi mə ba ŋes kəpa mə yi ukəli, kɛrɛ mə yi ufi.

Kȧŋȧibinɛ 3:14

Gbal ka ɔkəlianɛ ka aŋchɔch ŋa ro La-odishiya kəpa ye, Ȧsim ta ɔwe yi ɔSeri utəteŋ, ɔTəpi ka ɛyɛt ɛbɛmpa ya Kuru, ti ȧte.

Kȧŋȧibinɛ 3:22

Kɔn ɔwe ba ɛləns ta ɔ təl ȧtȧ ɔYina ɔ pa ka ɛchɔch.

Kȧŋȧibinɛ 3:7

Gbal ka ɔkəlianɛ ka aŋchɔch ŋa ro Filadɛlfiya kəpa ye, Ɔwe yi usəm yi utəteŋ, ɔwe ba masapɔ ma Debid, ɔwe mə kanthi, ɔwa wuni o wuni ɔ gbəli hɛ kantha, kɔ kȧl kantha, ɔwa wuni o wuni ɔ gbəli hɛ kanthi; ɔkati ɔ pa,