1 Timɔthi 6:12 - Ȧŋlemrȧnɛ Ȧfu

¹² Tim katim kəfinɔ ka kalanɛ, wopnɛ aŋesəm thəbana ta ȧtȧ a po tela mu, yi ta ȧtȧ mə po sɔŋ məseri məfinɔ rodi ka məseri məgbathi.

1 Timɔthi 6:12 Iomraidhean Croise

2 AŋKɔrenth 6:7

ka ȧrim ra təteŋ, ka aŋfɔsɔ ŋa Kuru, ka ɛyɛt ɛtima ya məlompi ka kȧdiyɔ yi ka kȧmɛrɔ,

2 AŋKɔrenth 9:13

Ɔwa ma a gbɛlɛŋ nu asabu ŋa kayerəs ake, aŋ yikis Kuru ta kawop aŋgbithanɛ ka nu ka ȧsim təfinɔ ta Kraystȧŋ, rɛ yi ta kȧfosiri ka nu ta ȧtȧ ŋaŋ, dɛ yi ta afəm bɛ.

AŋFilipai 1:30

Nə tə ba katim kin ȧke nə nəŋka mi, pə yi mɔ katim ȧke nə təl i ba haŋ ka-ake.

AŋKɔlɔsi 3:15

Yɔ nu kȧmȧ mathɔfəl ma Kuru mə gbəka ka ɛmerȧ ɛ nu, ta ama a po tela nu rokor ka ȧŋdɛr ŋɔŋ; ɔwa sɔŋ nu mɔmɔ.

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

2 AŋThɛsȧlonika 2:14

Tȧsom Kuru ɔ poŋ tela nu ka ȧkɛra kəfinɔ kȧsu, kȧmȧ nə sɔthɔ aŋyiki ŋa ɔMarki kȧsu Yisɔs Krayst.

1 Timɔthi 1:18

Aŋyamari aŋe i po maŋkər mu, Timɔthi ɔwan kȧmi, pə yi mɔ-e, dim din ȧtȧ Aŋnȧbi aŋ po thɔŋ tɔri mu; kȧmȧ mə gbəli tim kətim kəfinɔ salata ɛpa ɛye.

1 Timɔthi 1:19

bȧkər ka kȧlanɛ, yi asɔŋ agbəraŋ; ma alɔm aŋ gbapɛ aŋe-e, aŋ po ləsər kȧlanɛ ka ŋaŋ.

1 Timɔthi 4:14

Te pənɛ ȧŋboya aŋa yi mu, ama mə poŋ sɔthɔ salata maseri ma Aŋnȧbi, ma aŋbȧki ŋa aŋchɔch aŋ reŋ mu mȧta maŋ.

1 Timɔthi 6:13

I maŋ mu ka kȧbəprȧnɛ ka Kuru, ɔwe mə sɔŋ ŋesəm ka koko bɛ ara ɔ bɛmpa, dɛ yi rodi ka Yisɔs Kraystȧŋ, ɔwe po sɔŋ məseri məfinɔ rodi ka Pɔntiɔs Pailat-e.

1 Timɔthi 6:19

Kama aŋ bɛnɛnɛ ɔtəmər ɔfinɔ ta ȧŋlɔkɔ aŋa mə derȧŋ, kȧmȧ aŋ wopnɛ aŋesəm thəbana.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

2 Timɔthi 2:2

Mȧtȧy ama mə po təl kəwur ro rɔmi kətɔŋ ka məseri məlai, kȧl tɔri afəm abɔthi lanɛ kȧmȧ aŋ gbəli kȧl thəksa afəm alɔm sɔ.

2 Timɔthi 4:7

I po tim katim kəfinɔ, i po gbanthi ȧŋbara a mi, i po bɛnɛ kȧlanɛ.

AŋHibru 13:23

Tara ti nu kəpa a po ter Timɔthi, ɔwɔnt su-e, ɔwa bepi ɔ yeŋk der-e, minɛ i ti nənk nu dɛ yi kɔn.

AŋHibru 3:14

kotȧy-e saŋ sə yi ayeranɛ ka Krayst, bepi sə wop ɔbaksər kapələnɛ kȧsu kətɔtɔkɔ haŋ ka ɔləpsɔ.

AŋHibru 6:18

kȧmȧ ka mȧtay mȧrəŋ ama te gbəli siŋkar, ro pə yi ɔfɔy hɛ tȧy ta Kuru tə kəyema-e, saŋ aŋa po thɔŋ gbukɛ ka ɔdɛr ɔmaŋknɛ tə kəwop kagbak ȧmerȧ ȧke a bot rodi ka su-e, sə gbəli ba kəbȧkəs kəbuth kəfinɔ.

1 Pitar 3:9

Te nu kala ɔləs ta ɔləs, thalɔm kənal ta kənal; kɛrɛ kala aruba, pəkasifɛ nə tȧrȧ kəpa a po muti nu tə kəsɔthɔ aruba.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 2:25

Ɔwa aŋlahiri aŋa ɔ lahiri su ŋa yi aŋesəm thəbana.

Yud 1:3

Ambɔthər a mi, ma i bot ȧŋmerȧ a mi tə kəgbalər nu ta kakisi kȧsu bɛ, ȧŋmerȧ a mi aŋ yagba mi tə kəgbalər nu yi kəmaŋ nu kȧmȧ nə bumər ɔfinɔ kȧlanɛ ȧke a po lȧnki win haŋ thəbana ka aŋfəm asəm.

Kȧŋȧibinɛ 3:3

Tiyȧŋ nanɛ to mə po sɔthɔ dɛ yi to mə po təl. Ba ti ro mera, ɔwa thupi thɔŋ. Bepi mə bumnɛ hɛ-e, i ti der do rɔmu mɔ ukey, ɔwa mə gbəli hɛ tȧrȧ ȧŋlɔkɔ mə i der tə kəthoŋkas mu.