1 Timɔthi 5:8 - Ȧŋlemrȧnɛ Ȧfu

⁸ Kɛrɛ bepi wuni ɔ thɛn hɛ ta aŋfəm ŋɔŋ aŋa kəlianɛ kɔ, pə tha gbethi ȧŋbɔnshɔ ŋɔŋ gbeŋ-e ɔ po pɛnsa kȧlanɛ ɔwa ɔ yi uləs pəthasi ŋaŋ aŋa te lanɛ.

1 Timɔthi 5:8 Iomraidhean Croise

Mathiu 18:17

Ɔwa bepi ɔ kasi kǝsuwa ŋa ɛlǝns-e, kanɛ ti ka aŋchɔch. Bepi ɔ selɔ hɛ sua ɛlǝns ka aŋchɔch-e, ta ɔ yi ro mu mɔ wuni tel dɛ yi ugbasi ɛfȧk.

Mathiu 7:11

Bepi naŋ ma nǝ yi alǝs-e, nǝ tȧrȧ kǝsɔŋ ɛboya ɛfinɔ ka aŋwuth a nu-e, pǝ tha gbethi ɔKas ka nu ɔwe yi ro riyana mǝ ɔ sɔŋ hɛ ɛyɛt ɛfinɔ ka ŋaŋ aŋa mǝ tholir kɔ-i?

Yɔn 15:22

Bepi naŋ i de hɛ ɔwa i fɔfȧnɛ ŋa-e, aŋ ba hɛ naŋ ahakɛ: kɛrɛ ka-ake aŋ ba hɛ kəkat kɛrɛ ta ɛhakɛ yaŋ.

1 AŋKɔrenth 6:6

Kɛrɛ uwɔnt ɔ kera uwɔnt ro bare, ɔwa pə yi tɛn rodi ka ante lanɛ.

2 AŋKɔrenth 12:14

Kəla, ȧŋlɔkɔ aŋa bekȧ məsas ŋi aŋe i po pay tə kəder ro rɔnu; ɔwa i ba hɛ tə kəyi kothe ta ȧtȧ nu; ȧtesoma-e i thɛns hɛ ɛyɛt ɛ nu, kɛrɛ niaŋ mə i thɛns; kotȧy-e aŋwuth aŋ yi hɛ tə kəgbompanɛ ɛyɛt ta salata aŋkomra ŋaŋ, kɛrɛ aŋkomra ŋa yi tə kəgbompanɛ ɛyɛt ta aŋwuth.

2 AŋKɔrenth 6:15

Ama ko məmanɛ mə gbəli yi kətɔŋ ka Kraystȧŋ yi Beliɛl-e? Thalɔm ko ȧgbȧp ulanɛ ɔ ba yi ute lanɛ-e?

AŋKȧletia 6:10

Tiyȧŋ mɔ mȧ sə ba afɛrɛ-e, maŋ yɔ nu ɔfinɔ ta afəm bɛ, ɔwa pə tha gbethi salata ŋaŋ aŋa yi akos a su ka kȧlanɛ.

2 Timɔthi 2:12

Bepi sə sɔmpanɛ-e sə tə gbəka sɔ yi kɔn; bepi sə pɛnsa kɔ, kɔnɔ sɔ ɔ tə pɛnsa su.

2 Timɔthi 3:5

Aŋ yɔr mɔ mə aŋ bɔthər Kuru-e, kɛrɛ aŋ pɛnsa aŋfɔsɔ ŋati. Mə yi tə kəbȧr aŋfəm aŋe kəmuth.

Taytɔs 1:16

Aŋ tə pa aŋ tȧrȧ Kuru, kɛrɛ mȧyɔs maŋ mə pɛnsa kɔ, kȧbi aŋ yi afəm agbɛŋa, ȧthȧnthonɛ, aŋ mar hɛ yɔ məpanth o məpanth məfinɔ hali.

2 Pitar 2:1

Kɛrɛ mɔ mə anȧbi ayem aŋ la yi kətɔŋ ka aŋfəm, ya mə pə re yi sɔ-e, akarmɔkɔ ayem aŋ tə der kətɔŋ ka nu, ɔwa rə məsɔth aŋ tə tɔri nu kəthəksȧ kəyaŋfa, haŋ kəpɛnsanɛ ɔMarki ɔwe bani ŋa; ɔwa lɛmp aŋ tə karanɛ kəkasara.

Yud 1:4

kotȧy-e afəm alɔm aŋ po wɔŋ sɔy, aŋfəm aŋa a po gbəka matheri maŋ ɔwoni thɔŋ, afəm aŋa te tȧrȧ Kuru aŋa lȧfthi ȧŋboŋa ŋa ɔKuru kȧsu ka mafela maŋ maləs, ɔwa aŋ pɛnsanɛ Yisɔs Krayst ɔMarki kȧsu gbo son.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 3:8

I tȧrȧ mȧyɔs ma mu. Kəla i po təmər kədare kəkanthɛ rodi ka mu, ȧke wuni o wuni ɔ gbəli hɛ kantha; kotȧy-e mə ba afɔsɔ athȧn, ɔwa mə po thɔŋ wop ȧrim ra mi, mə pɛnsa hɛ ȧŋes a mi.