1 Timɔthi 5:14 - Ȧŋlemrȧnɛ Ȧfu

¹⁴ Tiyȧŋ i yema kȧmȧ ȧŋbora afɛth aŋ balȧ, aŋ kom awuth, aŋ bɛnɛ ȧŋseth kȧmȧ aŋ te sɔŋ ɔtheranɛ məmari tə kəthɛkɛ,

1 Timɔthi 5:14 Iomraidhean Croise

AŋRomans 14:13

Tiyȧŋ maŋ te nu thoŋkasanɛ, kɛrɛ maŋ botnɛ ti rə ȧmerȧ kȧmȧ wuni o wuni ɔ te bot da rəpəth ka aroŋ da ɔwɔnt kɔŋ thalɔm tȧy ȧtȧ mə yɔ ɔ pənthbəla.

2 AŋKɔrenth 11:12

Kɛrɛ i ti bȧsər ka mayɔ ame kȧmȧ i bɛs roratha ka ŋaŋ aŋa yema aŋfɛrɛ tə kəkolonɛ, kəpa aŋ kiyanɛ kayɔna ka ŋaŋ mɔlɔ min mɔ saŋ.

1 Timɔthi 2:8

Tiyȧŋ i yema kȧmȧ afəm aruni dɛr o dɛr aŋ ramnɛ, kȧmȧ aŋ ŋata məta məsəm ka Kuru, kəte ba rəbaŋ thalɔm asikɛ.

1 Timɔthi 4:3

Aŋ gbinda afəm tə kənantȧ, kaŋ kithinɛ afəm tə kətey ɛdi ɛlɔm ɛyɛ Kuru ɔ bɛmpa kȧmȧ aŋlanɛ aŋa mə tȧrȧ tȧteŋ aŋ di yi rə kəmuti mɔmɔ.

1 Timɔthi 5:11

Kɛrɛ pɛnsa ȧŋbora afɛth, kotȧy-e maŋ təp tə kəba ɛfela kəŋamnɛ Kraystȧŋ-e aŋ tə kȧl balȧ.

1 Timɔthi 6:1

Ta ŋa bɛ aŋa yi ka rȧtar aŋ yikis aŋmarki ka ŋaŋ kȧmȧ aŋ te fɔf ȧŋes ŋa Kuru yi ɛpa yɔŋ ɔləs.

Taytɔs 2:5

tə kəyi afəm asobinɛ, athɔth rə ȧmerȧ, tə kəbɛnɛ ɛseth yaŋ nəknək, athɔfəl, dɛ yi tə kəsanɛ ka aŋwos ŋaŋ kȧmȧ a te gbəli fɔf kəŋamnɛ ȧrim ra Kuru.

Taytɔs 2:8

dɛ yi sim təbeki lanɛ ȧtȧ wuni o wuni ɔ gbəli hɛ thɛkɛ; kȧmȧ kɔn ɔwe təmȧ kəŋamnɛ-e, ɔ tə lap mɔ mɔ te ba tȧy tələs tə kəfofiya mu.

AŋHibru 13:4

Wop kȧnantȧ rə ayiki kətɔŋ ka nu bɛ, ɔwa yɔ nu kȧmȧ a te yifas kəfənt kati; kotȧy-e Kuru ɔ tə thonkas aŋrəpi bɛ.