1 Timɔthi 4:12 - Ȧŋlemrȧnɛ Ȧfu

¹² Te yɔ kȧmȧ afəm aŋ farki rafɛth ra mu; kɛrɛ yi amɔl ta aŋlanɛ salata kȧfɔf, yi mȧyɔs, yi mȧbɔthər, yi kȧlanɛ, yi kȧba ȧmerȧ ȧferȧ.

1 Timɔthi 4:12 Iomraidhean Croise

Mathiu 18:10

Botnɛ nu kȧmȧ nǝ te sai ukin ka aŋlɔl aŋe, kotȧy-e, i kanɛ nu kǝpa ro riyana aŋmȧleka ŋaŋ aŋ kǝli lɔkɔ o lɔkɔ ȧder ra ɔKas kȧmi ɔwe yi ro riyana.

1 AŋKɔrenth 11:1

Ɔwa yi nu ȧtȧnsȧnɛ mi mɔ mə minɛ mə i tansanɛ Kraystȧŋ.

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

1 AŋThɛsȧlonika 1:6

Ɔwa nə təp kəsanɛ su dɛ yi ɔMarki, ma nə po malanɛ ȧrim ra ȧkɛra rə asɔmpanɛ ȧbana, rɛ mabɔnɛ ma ɔYina məsəm;

1 AŋThɛsȧlonika 2:10

Naŋ nə yi məseri, dɛ yi Kuru sɔ, to sə la kɔth rə məsəm, yi rə məlompi, dɛ yi rə kəte ba məthɛkɛ kətɔŋ ka naŋ aŋa lanɛ.

1 Timɔthi 1:14

Ɔwa ȧŋboŋa ŋa ɔMarki kȧsu aŋ yi abana athasər ta ȧtȧ mi, kaŋ sɔŋ mi kȧlanɛ yi mabɔthər ka Krayst Yisɔsȧŋ.

2 Timɔthi 2:15

Thəkəs tə kəthesis Kuru mɔ ȧbɔy ɔwe te ba kəlap, ɔwe mə gbay ȧsim ta təteŋ ɔlompi.

2 Timɔthi 2:22

Gbukɛ sɔ ɛfela ɛləs ya rȧfɛth, kɛrɛ tȧŋ məlompi, yi kəlanɛ, yi məbɔthər, yi məthɔfəl rɛ ŋaŋ aŋa tela ka ɔMarki rə ɛmerȧ ɛfera.

2 Timɔthi 2:7

Tȧmtȧmnɛ finɔ ta ȧtȧ i pa; ɔwa ɔMarki ɔ tə sɔŋ mu kətemp rə tȧy o tȧy.

Taytɔs 2:15

Tɔri mȧtȧy ame-e, ɔwa maŋ dɛ yi ŋal rə afɔsɔ bɛ. Te selɔ wuni o wuni ɔ farki mu.

Taytɔs 2:7

Rə tȧy o tȧy tɔri amɔl ŋa məyɔs məfinɔ; thəksa rə ȧmerȧ ȧferȧ yi rim rəsɔbɛ, dɛ yi tȧteŋ,

Yeməs 3:13

Kanɛ yi utempi yi utara tȧy kətɔŋ ka nu-e? Ta ɔ tɔri ti ka ŋesəm alompi, yi ka məyɔs mətempi rə ȧmerȧ athoranɛ.

Yeməs 3:17

Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.

1 Pitar 5:3

Te nu gbasi afɔsɔ rokɔm ka aŋa a kɔtɛ ro rɔnu, kɛrɛ yi nu ɛmɔl ta akuthi.