1 Timɔthi 3:2 - Ȧŋlemrȧnɛ Ȧfu

² Ugbəka ɔ yi tə kəyi wuni paŋitȧy ka mayi mɔŋ, ɔwos ka urani ukin, uyɔ kəthɛgbɛ, utempi, ɔwe ba asɔŋ afinɔ, ɔwe bɔthər kəfantha atik-e, yi ɔwe gbəli thəksa.

1 Timɔthi 3:2 Iomraidhean Croise

Luk 1:6

Ŋa ŋarəŋ aŋ yi alompi rodi ka Kuru, aŋ wop ɛthɔ yi magbək ma ɔMarki kəte ba məthɛkɛ.

Luk 2:36

Ɔwa Ana, unabi ubɛra ɔ yi ri, ɔwan bɛra ka Fanuɛl, ka ȧŋbɔnshɔ ŋa Asar; ɔ po bȧk kəbak kəbana, ɔ yirȧ ka ɔwos kɔŋ təren tȧmthədɛrəŋ ka kȧfanɛ kɔŋ.

AŋRomans 12:13

Bepi aŋfəm ŋa Kuru aŋ paŋ rəka-e, sɔŋ nu tə kəmar ŋa; bȧsər nu kəfantha atik.

AŋFilipai 2:15

kȧmȧ nə gbəli yi apaŋi tȧy, kəte ba məthɛkɛ, mɔ aŋwuth ŋa Kuru aŋa te ba apora kətɔŋ ka rəkomra rəgbərəfanɛ dɛ yi rəkənɛ-e, ɔwa nə yi tə kəgbɛntha kətɔŋ ka ŋaŋ mɔ ɛmothȧ nɔru.

1 Timɔthi 3:12

Ukȧlia ɔ tə yi ɔwos ka urani kin, ɔ yi tə kərusəm aŋwuth ŋɔŋ yi kabɔr kɔŋ finɔ.

1 Timɔthi 3:8

Akeliya sɔ aŋ yi tə kəyi atempi, aŋ yi hɛ tə kəba təmer tərəŋ, aŋ yi hɛ tə kəmun məber məgbathi, ɔwa aŋ yi hɛ tə kəba rədir ta akala ȧferȧ,

1 Timɔthi 4:3

Aŋ gbinda afəm tə kənantȧ, kaŋ kithinɛ afəm tə kətey ɛdi ɛlɔm ɛyɛ Kuru ɔ bɛmpa kȧmȧ aŋlanɛ aŋa mə tȧrȧ tȧteŋ aŋ di yi rə kəmuti mɔmɔ.

1 Timɔthi 5:10

ɔwe ba ŋes afinɔ ta mȧyɔs mɔŋ məfinɔ, bepi ɔ po rusəm awuth-e, bepi ɔ po fantha atik-e, bepi ɔ po yak ȧtȧtək ta aŋfəm ŋa Kuru-e, bepi ɔ po mar ȧŋmɔnɛ-e, bepi ɔ po pantnɛ rȧ məpanth o məpanth ama yi məfinɔ.

1 Timɔthi 5:22

Te yeŋk reŋ wuni məta tə kəyɔ kɔ ubaki ka aŋchɔch; ɔwa te kulunɛ ka maləs ma afəm alɔm. Bɛnɛ ȧŋmerȧ a mu ȧferȧ pər.

1 Timɔthi 5:9

Te selɔ tə kəwɔŋa ubora ɔwe te ba təren təgba təsas, ɔwe la yi ɔrani ka uwos ukin,

2 Timɔthi 2:24

Ɔwa ȧŋbɔy ŋa ɔMarki ɔ yi hɛ tə kətim, kɛrɛ ɔ yi tə kəyi uthɔfəl bɛm yi afəm bɛ, ukarmɔkɔ utara tȧy, umuyu;

Taytɔs 2:2

Yɔ kȧmȧ mȧthem aŋ yi agbɛt, atempi, akəthɛgbɛ rə ȧmerȧ, abȧki mədɛr ka kȧlanɛ yi ka mȧbɔthər dɛ yi ka kȧmuyu.

AŋHibru 13:2

Te nu pənɛ kəyiya atik, kotȧy-e di kati alɔm aŋ po yia amaleka kəte tȧrȧ ti.

AŋHibru 3:14

kotȧy-e saŋ sə yi ayeranɛ ka Krayst, bepi sə wop ɔbaksər kapələnɛ kȧsu kətɔtɔkɔ haŋ ka ɔləpsɔ.

1 Pitar 4:7

Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.

1 Pitar 4:9

Fantha nu aŋkos a nu, kəte ba ȧmerȧ aləs;

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.