1 Timɔthi 3:16 - Ȧŋlemrȧnɛ Ȧfu

¹⁶ Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

1 Timɔthi 3:16 Iomraidhean Croise

Mathiu 1:23

Kǝla, ufanɛ ɔ tǝ gbasi kor, Ɔ tǝ kom wath uruni, Ɔwa a tǝ bont kɔ ŋes, Imanuɛl, (aŋa a tepa kǝpa Kuruȧŋ ɔ yi dɛ yi saŋ).

Mathiu 13:11

kɔ lasi ɔ pa ro ŋaŋ, Ro rɔnu a sɔŋ kȧtȧrȧ ka ɛgbundu ya rȧbȧy ra ro riyana, kɛrɛ ro rɔŋaŋ a sɔŋ hɛ ki.

Mathiu 28:2

Ɔwa ȧŋthɔf aŋ yɛr kǝyɛr kǝbana kotȧy-e umaleka ka Kuru ɔ thor kǝyɛfǝ ro riyana, ɔ der ɔ bǝnkli aŋsar kǝwur ka kadare, kɔ yirǝr ŋi.

Mathiu 3:16

Ma a po baftays Yisɔs-e, ɔlɛmp wati ɔ wur ro mȧnt; ka ȧkȧriyana kǝ kanthɛ, kɔ nənk ɔYina ka Kuru ɔ thor mɔ kǝpǝrǝm ɔ thorǝr kɔ,

Mathiu 4:11

Ka Sethaniȧŋ ɔ ter kɔ, ka aŋmȧleka aŋ der aŋ yɔna kɔ.

Mark 1:13

kɔ yi ro wula mərey təgba tərəŋ, ka Sethani ɔ gbɔns kɔ. Ɔ yi kətɔŋ ka ɛsɛm ya ro kanth, kɛrɛ aŋmȧleka aŋ yɔna kɔ.

Mark 16:19

Ɔwa kədarəŋ ka ɔMarki Yisɔsȧŋ ɔ po fɔfȧnɛ ŋa-e, a ŋata kɔ rokɔm ro riyana, kɔ yirȧ ka kȧta kədiɔ ka Kuru.

Mark 16:5

Maŋ wɔŋ ka kaboma-e, aŋ nənk ulaŋgba ɔ yirȧ ka ȧŋgbȧp ȧdiyɔ, ɔ wɔŋ ruma rəfera rəbɔli, kaŋ nesa.

Luk 2:32

Amotha tə kəmotha tȧbona təlɔm Yi aŋyiki ŋa aŋfəm a mu Isrɛl.

Luk 20:44

Debidȧŋ ɔ bont kɔ Mariki. Ɔwa to mɔ kȧl yi ɔwan kɔŋ-e?

Luk 22:43

Ɔwa wurɔ kəwur ro riyana ɔ der ro rɔŋɔŋ, ɔ bȧkəs kɔ mədɛr.

Luk 24:4

Ka pə re yi-e, ma pə sɔkanɛ ŋa ta ti-e, kəla afəm aruni ŋarəŋ aŋ təmȧ rayɛr ka ŋaŋ rə suma təgbɛntha.

Luk 24:51

Ka pə re yi-e, ma ɔ yi ka karuba ŋa-e, ɔ tey ŋa, a ŋata kɔ rokɔm ro riyana.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 13:3

Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;

Yɔn 15:26

Kɛrɛ ma ɔBɛfəth ɔ der-e, ɔwe i ti somra nu kəwur ka ɔKas, ɔYina ka tȧteŋ, ɔwe wur ka ɔKas-e, ɔ tə gbaki ta ȧtȧ mi:

Yɔn 16:28

I wur ka ɔKas, ka i der nɔru: ɔwa i kȧl tey ȧdȧru, ka i kɔnɛ ka ɔKas.

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

Yɔn 20:12

kɔ nənk amaleka ŋarəŋ aŋ wɔŋ yɛt ɛlopra ɛfera aŋ yirȧ, ukin ka rȧbomp, ɔwa ukin ka ȧtȧtək, ro kabel ka Yisɔs kə la fənthȧ.

Yɔn 6:62

To mə pə yi bepi nə nənk ɔWan ka wuni ɔ ŋat ka ɔdɛr ro ɔ la yi thəpaŋ-e?

Mȧyɔs ma aŋsom 1:19

Ka aŋfəm bɛ aŋa yi ro Yerusalɛm aŋ tȧrȧ ti haŋ a bont ɔdɛr wati ka akənt ka ŋaŋ, Ro Akɛldama, ŋə yi kəpa, Akɔr ka Mətir).

Mȧyɔs ma aŋsom 10:34

Ka Pitaŋ ɔ təp tə kəfɔfanɛ ŋa, ɔ pa, Ka tȧteŋ i nənk kəpa Kurɔŋ, ɔ ba hɛ agbȧy,

Mȧyɔs ma aŋsom 14:27

Ɔwa maŋ bek-e, aŋ thoŋkla aŋchɔch dɛr rɔkin, aŋ lɔma ŋa mȧtȧy bɛ ama Kuru ɔ yɔ ka mȧta maŋ, yi to ɔ po kanthi karare ka kȧlanɛ ka tȧbona təlɔm.

Mȧyɔs ma aŋsom 20:28

Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

AŋRomans 10:12

Ȧtesoma-e ɔgbaskɛ ɔ yi hɛ kətɔŋ ka uYuda yi uKrik; kotȧy-e ɔMarki kati gbeŋ kɔnɔ yi ɔMarki ka bɛ-e, ɔwa ɔ yi uyola ta salata afəm bɛ aŋa mə tela kɔ.

AŋRomans 10:18

Ɔwa i yif, aŋ tha la hɛ təl ras-i? Yao, tɛntɛnɛ kotȧy-e, Tafɔf ta aŋsom tə po gbanthɛnɛ ka ȧdȧru bɛ, Yi ȧsim taŋ haŋ ka ɔgbanthir wa ȧdȧru.

AŋRomans 16:25

Ka-ake kɔn ɔwe gbəli bȧksər nu kətȧŋȧnɛ ka mapa məfinɔ ma Kuru ama a maŋkər mi, dɛ yi aŋkanɛ salata Yisɔs Kraystȧŋ, mɔlɔ ma kaŋaybi ka aŋgbundu aŋa a maŋk kȧbi ka ɔtəpɛ,

AŋRomans 16:26

(kɛrɛ ka-ake a tɔri ŋa gbafəth asabu ŋa mȧgbal ma Aŋnȧbi kətaŋ ka aŋyamari ŋa ɔKuru uthəbana, kȧmȧ pə re sɔk tȧbona bɛ tə kəwop kȧlanɛ),

AŋRomans 3:4

Saki ti; yao, ta Kuru ɔ yi təteŋ hali wuni o wuni ɔ yi uyem, mɔ mə a po gbal kəpa, Kama mə sɔthɔ məmari ka mapa ma mu, Dɛ yi mə ŋap ŋaŋ aŋa mə thonkas mu.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

AŋRomans 9:5

Ŋa ba aŋkas, ɔwa ŋa ba sɔ ɔKrayst kətȧŋȧnɛ ka rawuni kəpet, ɔwe yi rokɔm ka bɛ, uruba wɔŋ ka Kuru thəbana. Amina.

1 AŋKɔrenth 15:47

Ɔwuni utɔtɔkɔ ɔ wur ka ȧŋthɔf, wuni ka kəbof wɔŋ; kɛrɛ ɔwe bekȧ ŋarəŋ ɔ yi ɔMarki ɔwe wur ro riyana.

1 AŋKɔrenth 2:7

Kɛrɛ sə fɔf gbo kȧtemp ka aŋgbundu ŋa Kuru, pə yi mɔ kȧtemp kəmȧnknɛ ȧke Kuru ɔ botəs thəpaŋ yeŋka ȧdȧru rə təpɛ, ta salata aŋyiki a su.

2 AŋKɔrenth 1:19

kotȧy-e ɔWan ka Kuru Yisɔs Kraystȧŋ, ɔwe sə taməs kətɔŋ ka nu, minɛŋ-o, Silfenɔs-o, yi Timɔthi-o, ɔ yi hɛ Yao yi Sako, kɛrɛ do rɔŋɔŋ rə yi gbo Yapi.

AŋKȧletia 2:8

(ȧtesoma-e kɔn ɔwe yɔ məpanth kətȧŋȧnɛ ka Pita tə kəyi ɔsom ka ȧŋbirons, kɔnɔ ɔ yɔna sɔ kətaŋ do rɔmi ta ante birons),

AŋKȧletia 4:4

kɛrɛ ma ɔlasər wa ȧŋlɔkɔ aŋ poŋ bek-e, Kuru ɔ som ɔWan kɔŋ ɔwe wuni bom ɔ kom-e, ɔwa a kȧl kom kɔ ka ȧŋthɔ ratha-e,

AŋƐfisɔs 1:9

ma ɔ poŋ tɔri su aŋgbundu ŋa mȧselɔ mɔŋ, mɔ mə mȧselɔ mɔŋ məfinɔ mə yi ama ɔ ba ka aŋyɛthɛ ŋɔŋ.

AŋƐfisɔs 6:19

Dɛ yi ta ȧtȧ mi sɔ, kȧmȧ a sɔŋ mi sim dɛ yi kəmintha kȧmȧ i gbəli tɔri aŋgbundu ŋa ȧkɛra kəfinɔ ka Kuru Məsaba kəte ba rənes.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:27

Pə bɔnɛs Kuru sɔ tə kətɔri ŋa rayola ra aŋyiki ŋa aŋgbundu aŋe kətɔŋ ka tȧbona təlɔm; aŋa mə yi Krayst rokor ka nu, kagbak ȧmerȧ ka ayiki.

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

AŋKɔlɔsi 2:2

Kama ɛmerȧ yaŋ ɛ gbəli ba kəbɛfəth, maŋ yi asekəranɛ yi məbɔthər, tə kətara rayola ra kasɔthnɛ aŋgbundu ŋa Kuru, hali Kraystȧŋ,

2 AŋThɛsȧlonika 1:10

Ka ȧŋlɔkɔ ma ɔ der tə kəsɔthɔ ayiki ka aŋsəm ŋɔŋ, yi kȧmȧ ŋa bɛ aŋa lanɛ aŋ kabanɛ ta atɔŋ-e, ka ȧŋrey ŋati, (pəkasifɛ nə po malanɛ maseri ma su do rɔnu).

2 AŋThɛsȧlonika 2:7

kotȧy-e ka-ake thɔŋ, aŋfɔsɔ ȧmȧnknɛ ŋa məkənə aŋ yɔ məpanth sɔy; kɛrɛ kɔn ɔwe mə wopər ŋi ka-ake, ɔ tə yɔ yi haŋ a tɔŋa kɔ.

1 Timɔthi 3:9

kaŋ yi tə kəwop aŋgbundu ŋa kȧlanɛ rə ȧmerȧ ȧferȧ.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 7:7

Ɔwa wuni ɔ gbəli hɛ pɛnsa kəpa ɔbana ɔ tə ruba ɔlɔl.

AŋHibru 8:1

Ɔwa aŋkolo ŋa mȧtȧy ama sə po fɔfȧnɛ, ŋi aŋe; sə ba ufode ubana ɔwe po yirȧ ka kȧdiyɔ ka kawaŋ ka rȧbȧy ra ɔKuru ka ayiki ro riyana.

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.

1 Yɔn 1:2

a tɔri aŋesəm, ɔwa saŋ sə po nəŋka ŋi rəfɔr, ɔwa sə seri ta ŋi, ka sə tɔri nu aŋesəm thəbana aŋa yi ka ɔKas, yi aŋa a po tɔri su;

1 Yɔn 3:5

Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

Kȧŋȧibinɛ 17:5

Ɔwa a po gbal ŋes ka ȧŋbuŋ ŋɔŋ aŋa yi, MURARI, pə yi mɔ-e, KȦBABILƆN KƏBANA ƆKARA KA AŊBƐRA ARƏPI YI MȦPULKƐ MA ȦDȦRU.

Kȧŋȧibinɛ 17:7

ka ɔmaleka ɔ pa do rɔmi, To pə som mə kabanɛ-e? ti tɔri mu ȧŋmurari ŋa ɔwuni bom ɔwe-e, dɛ yi ŋa ɔsɛm ubaŋ ɔwe ɔ rensa, ɔwe ba təbomp tȧmthədɛrəŋ dɛ yi ɛlɛn tɔfɔt.

Kȧŋȧibinɛ 7:9

Kədarəŋ kati, i nənk runiya rəbana ara wuni ɔ gbəli hɛ lɔm kəwur ka təbona bɛ, yi ka ɛbɔnsɔŋ bɛ, yi ka afəm o afəm, dɛ yi kənt o kənt, aŋ təmȧ rodi ka kawaŋ ka rȧbȧy, dɛ yi rodi ka kaLɔmɛ kəfɛth, kaŋ lopra suma təfera, kaŋ wop ɛrɔŋkɔ ka mȧta maŋ.