1 Timɔthi 2:8 - Ȧŋlemrȧnɛ Ȧfu

⁸ Tiyȧŋ i yema kȧmȧ afəm aruni dɛr o dɛr aŋ ramnɛ, kȧmȧ aŋ ŋata məta məsəm ka Kuru, kəte ba rəbaŋ thalɔm asikɛ.

1 Timɔthi 2:8 Iomraidhean Croise

Mathiu 21:21

Ka Yisɔsȧŋ ɔ wosa, ɔ pa ro ŋaŋ, Tɛntɛnɛ i pa ro nu, Bepi nǝ ba kǝlanɛ-e, ɔwa nǝ sikɛ hɛ-e, nǝ ba hɛ gbo kǝyɔ ȧte i yɔ aŋǝnt ŋa aŋgbɔnɔ-e, kɛrɛ hali nǝ pa ka kateŋ ake, Yokanɛ mǝ fithanɛ ro baŋ, pǝ tǝ yɔnɛ.

Mathiu 5:44

Kɛrɛ minɛȧŋ i pa ro nu, Bɔthǝr aŋtheranɛ a nu, ɔwa ramnɛ nu ta ȧtȧ ŋaŋ aŋa sɔmpa nu,

Mathiu 6:12

Tera su mȧtȧy ma su mǝlǝs, mɔ saŋ mǝ sǝ tera ŋaŋ aŋa yɔ su ɔlǝs.

Luk 23:34

Ka Yisɔsȧŋ ɔ pa, ƆKas kȧmi, tera ŋa ȧtesoma-e aŋ tɛ hɛ ȧte mə aŋ yɔ. Kaŋ fak məthəŋ ta ȧsuma tɔŋ.

Luk 24:50

Ɔwa Yisɔsȧŋ ɔ kera ŋa haŋ aŋ lomanɛ ro Bɛthani, kɔ ŋata mȧta mɔŋ, ɔ ruba ŋa.

Yɔn 4:21

Yisɔsȧŋ ɔ pa ro ŋɔŋ, Bithaŋ, lanɛ mi, ȧŋlɔkɔ aŋ tə der, ka aŋa mə nə te bȧtho ɔKas ka kateŋ ake, thalɔm ro Yerusalɛm.

Mȧyɔs ma aŋsom 10:2

Wuni bȧtho Kuru wɔŋ ɔwe nesa Kuru yi kabɔr kɔŋ bɛ, ɔ sɔŋ ɛboya ɛgbathi ka aŋfəm, ɔwa ɔ ramnɛ Kuru lɔkɔ o lɔkɔ.

Mȧyɔs ma aŋsom 10:31

kɔ pa, Kɔrniliɔs, a təlȧ karamnɛ ka mu, ɔwa Kurɔŋ ɔ nanɛ ɛboya ɛ mu.

Mȧyɔs ma aŋsom 10:4

Ɔwa kɔnɔŋ, ma ɔ kəli kɔ təŋ-e, ɔ nesa ɔ pa, Pa, ko rəka-e? kɔ pa ro ŋɔŋ, Taramnɛ ta mu yi ɛboya ɛ mu ɛ po bek ka Kuru ta ananɛ ta ȧtȧ mu.

Mȧyɔs ma aŋsom 21:5

Ɔwa ma aŋkori a su aŋ poŋ-e, sə kɔnɛ ȧŋbiyas a su, ka ŋa bɛ yi aŋrani ŋaŋ yi aŋwuth ŋaŋ aŋ paya su ro roŋ haŋ sə wur ro pet. Ka sə sɔ təwu ro baŋ dayɛr, sə ramnɛ.

Mȧyɔs ma aŋsom 7:60

kɔ sɔ təwu, ɔ wurɔ rim rəbɔli rəkɔm, ɔ pa, Mariki, te botȧ ŋa aŋhakɛ aŋe. Ma ɔ pa ȧte-e ɔ kɔ rə mərey.

1 AŋKɔrenth 1:2

ka aŋfəm ŋa Kuru aŋa yi ro Kɔrinth, aŋa a səməs rokor ka Yisɔs Krayst, aŋa a muti tə kəyi asəm dɛ yi ŋaŋ bɛ dɛr o dɛr aŋa mə tela ka ȧŋes ŋa ɔMarki kȧsu Yisɔs Krayst, ɔwe yi ɔMarki ka ŋaŋ, dɛ yi ɔka su sɔ.

1 AŋKɔrenth 7:7

I yema naŋ kȧmȧ afəm bɛ aŋ yi mɔ mə minɛ i yi; kɛrɛ wuni o wuni ɔ ba ara Kuru ɔ boya kɔ, ukin mɔ ȧte, ulɔm mɔ ȧtȧŋ.

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

AŋFilipai 1:12

Kɛrɛ awɔnt, i yema kȧmȧ nə tȧrȧ kəpa mȧtȧy ama po sɔmpa mi mə po səkɛ kəmar kȧmȧ ȧkɛra kəfinɔ ka Kuru kə bȧsər kɔ rodi,

1 AŋThɛsȧlonika 1:8

kotȧy-e pə yi hɛ gbo ro Masidonia yi ro Akaya nə taməs ȧrim ra ɔMarki, kɛrɛ kȧlanɛ ka nu ka Kuru kə poŋ gbanthanɛ dɛr o dɛr; tiyȧŋ sə ba hɛ sɔ kəfɔf koko.

1 Timɔthi 5:14

Tiyȧŋ i yema kȧmȧ ȧŋbora afɛth aŋ balȧ, aŋ kom awuth, aŋ bɛnɛ ȧŋseth kȧmȧ aŋ te sɔŋ ɔtheranɛ məmari tə kəthɛkɛ,

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

AŋHibru 10:22

maŋ fatər kɔ nu gbɛpti yi ȧmerȧ atəteŋ ka ɔlasər wa kȧlanɛ-e, rə kəba ɛmerȧ ɛ su ɛyak kəwur ka ɛnanɛ ɛləs, dɛ yi madɛr ma su məfethər rɛ mȧnt məgbəraŋ.

Yeməs 4:8

Fȧtər Kuru, ɔwa ɔ tə fatər nu, gbərans mȧta ma nu naŋ afəm ŋa ahakɛ; fethər ɛmerȧ ɛ nu naŋ aŋa ba ɛmerȧ ɛfəlɛ fəlɛ.

1 Pitar 3:7

Ɔwa naŋ awos, ka ȧŋgbȧp a nu, yiranɛ yi aŋrani a nu rə kətaranɛ kəfinɔ, mɔ ŋa yi arȧnt athasi nu. Ɔwa sɔŋ ŋa ayiki ma nə yi akos ka kəsɔthɔ ȧŋboŋa ŋa aŋesəm. Yɔ nu ȧte kȧmȧ a te bɛnt taramnɛ ta nu.