1 Timɔthi 2:5 - Ȧŋlemrȧnɛ Ȧfu

⁵ kotȧy-e ɔKuru ukin ɔ yi, yi uKasa ukin kətɔŋ ka Kuru yi afəm. Ɔwuni ɔwe kɔn ɔ yi Yisɔs Krayst,

1 Timɔthi 2:5 Iomraidhean Croise

Mathiu 1:1

Ȧkȧfȧ ka rȧkom ra Yisɔs Krayst ɔWan ka Debid, ɔwan ka Ebraham, ki ake.

Mathiu 1:23

Kǝla, ufanɛ ɔ tǝ gbasi kor, Ɔ tǝ kom wath uruni, Ɔwa a tǝ bont kɔ ŋes, Imanuɛl, (aŋa a tepa kǝpa Kuruȧŋ ɔ yi dɛ yi saŋ).

Luk 14:22

Ka ȧŋbɔy ɔ pa, Pa a po yɔ ȧte mə yamari, kɛrɛ halisa dɛr ɔ yi ri ras.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Mȧyɔs ma aŋsom 4:12

Ɔwa kakisi kə yi hɛ ka wuni o wuni ulɔm, kotȧy-e, ŋes o ŋes alɔm aŋ yi hɛ ka ȧdȧru are aŋa a sɔŋ kətɔŋ ka aŋfəm ro sə gbəli sɔthɔ kakisi.

AŋRomans 1:3

salata ɔWan kɔŋ Yisɔs Krayst ɔMarki kȧsu, ɔwe yi ka rȧkomra ra Debid ka rawuni kəpet,

AŋRomans 10:12

Ȧtesoma-e ɔgbaskɛ ɔ yi hɛ kətɔŋ ka uYuda yi uKrik; kotȧy-e ɔMarki kati gbeŋ kɔnɔ yi ɔMarki ka bɛ-e, ɔwa ɔ yi uyola ta salata afəm bɛ aŋa mə tela kɔ.

1 AŋKɔrenth 8:4

Tiyȧŋ salata kȧdi ɛyɛt ɛfȧkȧ ɛrɔŋ-e, sə tȧrȧ kəpa ɛyɛt ɛpath ɛ yi hɛ koko ka ȧdȧru, ɔwa kuru ulɔm ɔ yi hɛ thambe ukin gbo.

1 AŋKɔrenth 8:6

kɛrɛ saŋ sə ba gbo ɔKuru ukin, pə yi mɔ ɔKas ɔwe təpi ɛyɛt bɛ, ɔwa saŋ sə ba aŋesəm kətȧŋȧnɛ kɔŋ. Dɛ yi ɔMarki kin gbo ɔ yi, Yisɔs Krayst kɔnɔŋ; ka asabu ŋɔŋ ɛyɛt bɛ ɛ yi, ɔwa ka ɔwe saŋ sɔ sə yi.

AŋKȧletia 3:20

Ɔwa, ukasa ɔ gbəli hɛ yi ukasa ka wuni kin gbo, kɛrɛ Kuru ɔ yi kin.

AŋƐfisɔs 4:6

ɔwa ɔKuru ukin sɔ, ɔKas ka bɛ ɔwe yi rokɔm ka koko bɛ, ɔwe lasər tȧy o tȧy, ɔwa ɔ kȧl yi rokor ka bɛ.

1 Timɔthi 6:13

I maŋ mu ka kȧbəprȧnɛ ka Kuru, ɔwe mə sɔŋ ŋesəm ka koko bɛ ara ɔ bɛmpa, dɛ yi rodi ka Yisɔs Kraystȧŋ, ɔwe po sɔŋ məseri məfinɔ rodi ka Pɔntiɔs Pailat-e.

AŋHibru 12:24

dɛ yi ka Yisɔsȧŋ, ɔKasa ka aŋlemranɛ afu, dɛ yi ka mȧtir ma kəwɔnsir ama tɔri kɛra kəfisa pəthas mȧtir ma Ebɛl.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

AŋHibru 8:6

Kɛrɛ ka-ake kayɔna ȧke Krayst ɔ po sɔthɔ kia tha yi kəfinɔ, kotȧy-e ɔ yi ukasa ka aŋlemranɛ afisa-e, aŋa təmȧ rokɔm ka ɛlahiri ɛfisa.

AŋHibru 9:15

Te ba ti ɔ yi ukasa ka aŋlemranɛ afu, kȧbi ɔ po fi tə kəbani ɛhakɛ yaŋ aŋa la yi roratha ka aŋlemranɛ ȧtɔtɔkɔ, kȧmȧ ŋaŋ aŋa a po tela aŋ gbəli sɔthɔ aŋlahiri ŋa akɛŋ ka thəbana.

1 Yɔn 2:1

Awuth a mi alɔl, i gbalər nu mȧtȧy ame kȧmȧ nə te yɔ ahakɛ. Kɛrɛ bepi wuni o wuni ɔ yɔ ahakɛ, sə ba ukasa yi ɔKas, ɔ yi Yisɔs Krayst ɔlompi:

Kȧŋȧibinɛ 1:13

ɔwa ukin ɔ yi kətɔŋ ka tamulɛ tȧmthədɛrəŋ ɔwe bȧlȧnɛ mɔ ɔWan ka wuni, kɔ lopra ruma rəbɔli ara bek ka ȧtȧtək tɔŋ, dɛ yi ɔ seknɛ ȧthɛbɛŋ ŋa mɔbɔŋɔ ka aŋkəpət ŋɔŋ.