1 Timɔthi 1:17 - Ȧŋlemrȧnɛ Ȧfu

¹⁷ Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

1 Timɔthi 1:17 Iomraidhean Croise

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 28:20

ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 5:44

To mə nə gbəli lanɛ-e, ma mə nə sɔthɔ ayiki wuni kin ka ulɔm-e, kɛrɛ nə thɛns hɛ aŋyiki aŋa wur ka Kuru son-e?

AŋRomans 1:20

kotȧy-e kȧbi ka ɔtəpɛ wa ȧdȧru mayi mɔŋ ama a te nəŋka rəfɔr ama yi mɔ aŋfɔsɔ ŋɔŋ athəbana dɛ yi rawuni ra kuru rɔŋ-e, a tɔri ma gbafəth salata mapanth ma mȧta mɔŋ. Tiyȧŋ aŋ ba hɛ sɔ ra maŋ aŋ kat kɛrɛ.

AŋRomans 1:23

kaŋ siŋkar aŋyiki ŋa Kuru ɔwe ba hɛ kəfi rə mȧbȧlȧnɛ ma wuni kəpet ɔwe ba tə kəfi, thalɔm rə ɛbȧmp, thalɔm ɛsɛm, thalɔm ɛyɛt ɛwɔrka.

AŋRomans 11:36

kotȧy-e ɛyɛt bɛ ɛ yi kətȧŋȧnɛ dɛ yi kəwur do rɔŋɔŋ, ɔwa ɛ yi ta atɔŋ bɛ; ɔwa ta kɔnɔ yi ayiki ta thȧnkȧŋ thəbana. Amina.

AŋRomans 16:27

ta ayiki aŋ yi ka ɔKuru utempi son, salata Yisɔs Kraystȧŋ thȧnkȧŋ thəbana. Amina.

AŋRomans 2:10

kɛrɛ ayiki, alambe yi məthɔfəl ka wuni o wuni ɔwe mə yɔ ɔlompi, ka ɔtɔtɔkɔ ka ɔYuda, yi ka ɔKrik sɔ.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

AŋKɔlɔsi 1:15

ɔwe yi mȧbȧlȧnɛ ma Kuru ɔwe sə te tha nəŋka rəfɔr, ɔWan utɔtɔkɔ ka ɛyɛt ɛtəpi bɛ.

AŋHibru 11:27

Rə kəlanɛ ɔ wur ro Iyipt, ɔ nesa hɛ rabaŋ ra ɔbȧy, kotȧy-e ɔ muyu mɔ nənk ro ȧmerȧ ɔwe sə te nəŋka rəfɔr.

AŋHibru 2:7

Munɔ mə po bɛmpa kɔ-e roratha ka aŋmȧleka ta alɔkɔ agbut, Mə po pɔlɔ kɔ yi ayiki dɛ yi alambe, Ɔwa mə təmər kɔ rokɔm ka mapanth ma mȧta ma mu bɛ.

1 Pitar 5:11

Ta kɔnɔ ba ayiki, dɛ yi afɔsɔ ŋa rȧbȧy thȧnkȧŋ thəbana. Amina.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.

1 Yɔn 4:12

Wuni o wuni ɔ tha nənk hɛ Kuru hali. Bepi sə bɔthərȧnɛ, Kuru ɔ tiyȧ ro su, yi mabɔthər mɔŋ mə gbenthis ro su.

Yud 1:25

ta kɔnɔ ɔKuru son ɔKisis kȧsu ɔ sɔthɔ ayiki, kəthɔkəs, rȧbȧy yi ɛfɔsɔ kətȧŋȧnɛ ka Yisɔs Krayst ɔMarki kȧsu katəp yeŋka ɛlɔkɔ ɛ yi dɛ ka-ake dɛ haŋ thȧnkȧŋ thəbana. Amina.

Kȧŋȧibinɛ 15:3

kaŋ leŋ aŋleŋ ŋa Mosis ȧŋbɔy ŋa Kuru, dɛ yi aŋleŋ ŋa kaLɔmɛ kəfɛth, kaŋ pa, Mayɔs ma mu mə yi məbana dɛ yi məkabanɛ ɔMarki Kuru ka afɔsɔ bɛ; asoŋ ta mu tə yi təlompi yi təteŋ, munɔ ɔBȧy ka ɛyamana.

Kȧŋȧibinɛ 17:14

Aŋ tə tim kaLɔmɛ kəfɛth, kɛrɛ kaLɔmɛ kəfɛth ɔ tə tham ŋa; kotȧy-e kɔnɔ yi ɔMarki ka amarki, dɛ yi ɔBȧy ka abȧy; ɔwa ŋaŋ sɔ aŋa tȧŋ kɔ, aŋ tə tham dɛ yi kɔn, ȧtesoma-e aŋ yi atela, yi athith, dɛ yi abɔthi lanɛ.

Kȧŋȧibinɛ 19:1

Kədarəŋ ka mȧtȧy ame-e, i təlȧ sim təbana ta afəm agbȧthi ro riyana, kaŋ pa, Aleluya; kəkisi, yi ayiki, dɛ yi afɔsɔ ɛ yi ka ɔMarki ɔKuru kȧsu;

Kȧŋȧibinɛ 19:16

Ɔwa ka ɛlopra yɔŋ dɛ yi ka aŋlənk ŋɔŋ a gbal ȧŋes aŋe, ƆBȦY KA AŊBȦY, YI ƆMARKI KA AŊMARKI.

Kȧŋȧibinɛ 19:6

Ka i təlȧ mɔ ȧsim ta runiya rəbana, dɛ yi mɔ katɔŋa ka kəthəntha, dɛ yi mɔ sɛŋ təbana, kaŋ pa, Aleluya; pəkasifɛ ɔMarki ɔKuru kȧsu ka afɔsɔ bɛ ɔ po sɔthɔ rȧbȧy.

Kȧŋȧibinɛ 7:12

Kaŋ pa, Amina; aruba, yi kəthɔkəs, yi kətemp, yi mɔmɔ, yi ayiki, yi afɔsɔ, yi kəgbəli tȧy ɛ yi ka ɔKuru kȧsu thȧnkȧŋ thəbana. Amina.