1 Yɔn 5:1 - Ȧŋlemrȧnɛ Ȧfu

¹ Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.

1 Yɔn 5:1 Iomraidhean Croise

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Luk 7:5

pəkasifɛ ɔ bɔthər ȧŋbona a su, ɔwa kɔn kɔnɔnɛ ɔ po təmər su aseth agbanɛ.

Yɔn 1:3

Kɔnɔ bɛmpa ɛyɛt bɛ; ɔwa rəka o rəka rə yi hɛ ara a bɛmpa thambe kɔnɔ bɛmpa ri.

Yɔn 15:23

Wuni ɔwe gbɛŋa mi ɔ gbɛŋa sɔ ɔKas kȧmi.

Yɔn 3:3

Yisɔs ɔ wosa, ɔ pa ro ŋɔŋ, I kanɛ mu tɛntɛnɛ, wuni ɔ gbəli hɛ nənk rȧbȧy ra Kuru, thambe a kȧl kom kɔ ɔfu.

Yɔn 6:69

Ɔwa sə po lanɛ ɔwa sə tȧrȧ kəpa munɔŋ mə yi ɔSəm ka Kuru.

Yɔn 8:42

Yisɔsȧŋ ɔ pa ro ŋaŋ, Bepi Kurɔŋ ɔ yi ɔKas ka nu-e, nə tə bɔthər mi: ȧtesoma-e, i wur kəwur ka Kuru; i der hɛ ka ȧŋmerȧ a mi gbeŋ, kɛrɛ kɔnɔ som mi.

Mȧyɔs ma aŋsom 8:36

Ɔwa mɔ mə aŋ kɔnɛ ro roŋ-e, aŋ bəp mȧnt məlɔm, ka ɔlaŋgba ugbai ɔ pa, Kəla, mȧnt mi ame, ko mə bɛnt kəbaptais mi-e?

Mȧyɔs ma aŋsom 8:37

Ka Filipȧŋ ɔ pa, Bepi mə lanɛ yi ȧŋmerȧ a mu bɛ-e, mə gbəli. Kɔ wosa, ɔ pa, I lanɛ kəpa Yisɔs Krayst ɔ yi ɔWan ka Kuru.

Yeməs 1:18

Ka mȧselɔ mɔŋ gbeŋ ɔ kom su ka ȧrim ra tȧteŋ, kȧmȧ sə yi mȧkomi mətɔtɔkɔ ma mabɛmpa mɔŋ.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

1 Yɔn 2:10

Ɔwe mə bɔthər ɔwɔnt kɔŋ ɔ tiyȧ ka ȧŋmothȧ, ɔwa ɔ ba hɛ asabu ŋa kəpənthbəla.

1 Yɔn 2:29

Bepi nə tȧrȧ kəpa ɔ yi ulompi, tȧrȧ nu sɔ kəpa wuni o wuni ɔwe mə yɔ ɔlompi kɔnɔ kom kɔ.

1 Yɔn 3:14

Saŋ sə tȧrȧ kəpa sə po wur ka rəfi sə po wɔŋ ka aŋesəm, pəkasifɛ sə bɔthər aŋwɔnt. Ɔwe mə te bɔthər ɔwɔnt kɔŋ ɔ tiyȧ ka rəfi.

1 Yɔn 3:17

Kɛrɛ bepi wuni o wuni ɔ nənk ɔwɔnt kɔŋ ɔ paŋi ɔwa ɔ bȧksər ȧŋmerȧ ŋɔŋ, ɔ sɔŋ hɛ kɔ, kədarəŋ ka kɔnɔ ɔ ba ɛyɛt ya ȧdȧru are, to mabɔthər ma Kuru mə tiyȧ ro ŋɔŋ-e?

1 Yɔn 3:9

Wuni o wuni ɔwe Kuru ɔ po kom ɔ yɔ hɛ ahakɛ; kotȧy-e mayi ma Kuru mə yi ro ŋɔŋ ɔwa ɔ gbəli hɛ yɔ ahakɛ pəkasifɛ Kurɔŋ kɔnɔ kom kɔ.

1 Yɔn 4:2

Ka ȧte sə tȧrȧ ɔYina ka Kuru: ayina o yina aŋa mə gbithanɛ kəpa Yisɔs Krayst ɔ po der ka madɛr aŋ yi ka Kuru:

1 Yɔn 4:20

Bepi wuni o wuni ɔ pa ɔ bɔthər Kuru, kɛrɛ ɔ gbɛŋa ɔwɔnt kɔŋ-e, ɔ yi uyem; kotȧy-e ɔwe te bɔthər ɔwɔnt kɔŋ ɔwe ɔ po nənk, to mɔ gbəli bɔthər Kuru ɔwe ɔ te tha nəŋk-e?

1 Yɔn 4:7

Ambɔthər a mi, maŋ bɔthərȧnɛ nu: kotȧy-e məbɔthər mə yi ka Kuru; ɔwa wuni o wuni ɔwe mə bɔthər a po kom kɔ ka Kuru, ɔwa ɔ tȧrȧ Kuru.

1 Yɔn 5:18

Sə tȧrȧ kəpa wuni o wuni ɔwe a po kom ka Kuru ɔ yɔ hɛ ahakɛ; kɛrɛ ɔwe a po kom ka Kuru ɔ bumərnɛ, ɔwa Sethani ɔ gboŋ hɛ kɔ.

1 Yɔn 5:4

kotȧy-e wuni o wuni ɔwe a po kom ka Kuru ɔ tham ȧdȧru: ɔwa katham ȧke mə tham ȧdȧru ki ake, kə yi kȧlanɛ kȧsu.

1 Yɔn 5:5

Kanɛ mə tham ȧdȧru, thambe kɔnɔ ɔwe mə lanɛ kəpa Yisɔs ɔ yi ɔWan ka Kuru-e?