1 Yɔn 4:9 - Ȧŋlemrȧnɛ Ȧfu

⁹ Ka ȧte mabɔthər ma Kuru mə tɔrinɛ ro rɔsu, ma ɔ somra ɔWan kɔŋ ɔ kom gbo son ka ȧdȧru, kȧmȧ sə ŋesəm ro ŋɔŋ.

1 Yɔn 4:9 Iomraidhean Croise

Mark 12:6

Halisa, ɔ ba ras ɔwan kɔŋ uruni ukin ubɔthər. Kɔnɔ ɔ ləpsɔ som ro ŋaŋ, ɔ pa, Aŋ tə tȧrȧ ɔwan kȧmi rəka.

Luk 4:18

ƆYina ka ɔMarki ɔ rensa mi, Pəkasifɛ ɔ po səməs mi tə kətɔri ȧkɛra kəfinɔ ka Kuru ka ȧŋmɔnɛ. Ɔ som mi tə kətaməs kasəli ka atɛndɛbira, Yi kakal kəli ka aŋfith, Tə kəsɔŋ rȧwankom ka aŋa a thiŋkər rə afɔsɔ rəkɔm.

Yɔn 10:10

Ukey ɔ der gbo kȧmȧ ɔ keya, ɔ fai, ɔwa ɔ dim talɔmɛ: minɛ i der kȧmȧ aŋ ba aŋesəm, ɔwa kȧmȧ aŋ ba ŋi ɔlay.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 3:18

Ɔwe mə lanɛ kɔ-e ɔ sɔthɔ hɛ mətheri, kɛrɛ ɔwe te lanɛ kɔ-e, a po kɔ sɔŋ mətheri, pəkasifɛ ɔ tha lanɛ hɛ ka ȧŋes ŋa ɔWan ka Kuru ɔ kom gbo son.

Yɔn 5:23

kȧmȧ afəm bɛ aŋ yikis ɔWan mɔ mə aŋ yikis ɔKas. Kɔnɔ ɔwe mə te yikis ɔWan, ɔ yikis hɛ ɔKas ɔwe som kɔ.

Yɔn 6:29

Yisɔsȧŋ ɔ pa ro ŋaŋ, Ȧŋpanth ŋa Kuru ŋi aŋe, kȧmȧ nə lanɛ kɔ ɔwe ɔ po som.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

Yɔn 6:57

Mɔ mə ɔKas ukəli ɔ som mi, ɔwa i ŋesəm salata ɔKas, ya pə yi sɔ kɔn ɔwe mə di mi, kɔnɔ sɔ ɔ tə ŋesəm salata mi.

Yɔn 8:29

Ɔwa ɔwe som mi ɔ yi yi minɛŋ: ɔKas ɔ tey hɛ mi min son; ȧtesoma-e i yɔ mȧtȧy ama mə bɔnɛs kɔ alɔkɔ bɛ.

Yɔn 8:42

Yisɔsȧŋ ɔ pa ro ŋaŋ, Bepi Kurɔŋ ɔ yi ɔKas ka nu-e, nə tə bɔthər mi: ȧtesoma-e, i wur kəwur ka Kuru; i der hɛ ka ȧŋmerȧ a mi gbeŋ, kɛrɛ kɔnɔ som mi.

Yɔn 9:3

Ka Yisɔsȧŋ ɔ pa ro ŋaŋ, Ɔwuni ɔwe ɔ yɔ hɛ ahakɛ, thalɔm aŋa kom kɔ: kɛrɛ a kom kɔ ufith kȧmȧ mȧyɔs ma Kuru mə tɔrinɛ ro ŋɔŋ.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

AŋHibru 1:5

kotȧy-e ka wurɔ ureke Kuru ɔ fɔf thȧnkȧŋ sim təwunɔŋ kəpa, Munɔ mə yi ɔWan kȧmi, thonɔŋ i po kom mu-e? Thalɔm, I ti yi ro rɔŋɔŋ uKas, ɔwa kɔnɔ ɔ tə yi ɔWan ka mi-e?

1 Yɔn 3:16

Ka ȧte sə tȧrȧ mabɔthər, kəpa kɔnɔ ɔ sɔnd aŋesəm ŋɔŋ ta ȧtȧ su: ɔwa saŋ sə yi tə kəsɔndnɛ ta aŋwɔnt.

1 Yɔn 4:10

Mabɔthər mi ame, pə yi hɛ kəpa saŋ sə po bɔthər Kuru, kɛrɛ kɔnɔ ɔ po bɔthər su, kɔ somra ɔWan kɔŋ tə kəyi asathka ta kənɛmthɛnɛ ta ɛhakɛ ɛ su.

1 Yɔn 4:16

Saŋ sə po tȧrȧ, ka sə lanɛ mabɔthər ama Kuru ɔ ba ta ȧtȧ su. Kuru ɔ yi məbɔthər; kɔnɔ ɔwe mə tiyȧ ka mabɔthər ɔ tiyȧ ka Kuru, ɔwa Kuru ɔ tiyȧ ro ŋɔŋ.

1 Yɔn 5:11

Maseri meme, kəpa Kuru ɔ po sɔŋ su aŋesəm thəbana, ɔwa aŋesəm aŋe aŋ yi ka ɔWan kɔŋ.

1 Yɔn 5:13

Mȧtȧy ame i po gbalər nu na alanɛ ka ȧŋes ŋa ɔWan ka Kuru kȧmȧ nə tȧrȧ kəpa nə ba aŋesəm thəbana.