1 Yɔn 4:16 - Ȧŋlemrȧnɛ Ȧfu

¹⁶ Saŋ sə po tȧrȧ, ka sə lanɛ mabɔthər ama Kuru ɔ ba ta ȧtȧ su. Kuru ɔ yi məbɔthər; kɔnɔ ɔwe mə tiyȧ ka mabɔthər ɔ tiyȧ ka Kuru, ɔwa Kuru ɔ tiyȧ ro ŋɔŋ.

1 Yɔn 4:16 Iomraidhean Croise

Yɔn 6:69

Ɔwa sə po lanɛ ɔwa sə tȧrȧ kəpa munɔŋ mə yi ɔSəm ka Kuru.

Yɔn 9:3

Ka Yisɔsȧŋ ɔ pa ro ŋaŋ, Ɔwuni ɔwe ɔ yɔ hɛ ahakɛ, thalɔm aŋa kom kɔ: kɛrɛ a kom kɔ ufith kȧmȧ mȧyɔs ma Kuru mə tɔrinɛ ro ŋɔŋ.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

1 Yɔn 3:1

Kəla, ko məbɔthər məbana ɔKas ɔ ba ta ȧtȧ su, kəpa a tela su awuth ŋa Kuru; ɔwa ya sə yi mən. Tȧsom ȧdȧru rə te su tȧrȧ, pəkasifɛ rə tɛ hɛ kɔ.

1 Yɔn 3:16

Ka ȧte sə tȧrȧ mabɔthər, kəpa kɔnɔ ɔ sɔnd aŋesəm ŋɔŋ ta ȧtȧ su: ɔwa saŋ sə yi tə kəsɔndnɛ ta aŋwɔnt.

1 Yɔn 3:24

Ɔwe mə wop ɛyamari yɔŋ ɔ tiyȧ ka Kuru, yi Kuru ɔ tiyȧ ro ŋɔŋ. Ka ȧte sə tȧrȧ ɔ tiyȧ ro su, ka ɔYina ɔwe ɔ po sɔŋ su.

1 Yɔn 4:7

Ambɔthər a mi, maŋ bɔthərȧnɛ nu: kotȧy-e məbɔthər mə yi ka Kuru; ɔwa wuni o wuni ɔwe mə bɔthər a po kom kɔ ka Kuru, ɔwa ɔ tȧrȧ Kuru.