1 Yɔn 4:12 - Ȧŋlemrȧnɛ Ȧfu

¹² Wuni o wuni ɔ tha nənk hɛ Kuru hali. Bepi sə bɔthərȧnɛ, Kuru ɔ tiyȧ ro su, yi mabɔthər mɔŋ mə gbenthis ro su.

1 Yɔn 4:12 Iomraidhean Croise

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

1 AŋKɔrenth 13:13

Ɔwa kȧlanɛ-o, kȧgbak amera-o, dɛ yi mȧbɔthər-o, mȧtȧy məsas ame maa yi; kɛrɛ mȧbɔthər miȧ tha bondȧ.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

1 Timɔthi 6:16

ɔwe pə yi kɔn son ɔ ba aŋesəm thəbana ka aŋyɛthɛ ŋɔŋ, rə kəyira ka ȧŋmothȧ aŋa wuni o wuni ɔ gbəli hɛ fatər; ɔwe wuni o wuni ɔ te tha nənk, ta a pa ras ɔ gbəli hɛ nənk; ɔwe ba yiki yi afɔsɔ thȧnkȧŋ thəbana, Amina.

AŋHibru 11:27

Rə kəlanɛ ɔ wur ro Iyipt, ɔ nesa hɛ rabaŋ ra ɔbȧy, kotȧy-e ɔ muyu mɔ nənk ro ȧmerȧ ɔwe sə te nəŋka rəfɔr.

1 Yɔn 2:5

Kɛrɛ ɔwe mə wop ȧrim rɔŋ-e, tɛntɛnɛ mabɔthər ma Kuru mə po gbenthis ro ŋɔŋ: ka ȧte sə tȧrȧ kəpa sə yi ro ŋɔŋ.

1 Yɔn 3:24

Ɔwe mə wop ɛyamari yɔŋ ɔ tiyȧ ka Kuru, yi Kuru ɔ tiyȧ ro ŋɔŋ. Ka ȧte sə tȧrȧ ɔ tiyȧ ro su, ka ɔYina ɔwe ɔ po sɔŋ su.

1 Yɔn 4:16

Saŋ sə po tȧrȧ, ka sə lanɛ mabɔthər ama Kuru ɔ ba ta ȧtȧ su. Kuru ɔ yi məbɔthər; kɔnɔ ɔwe mə tiyȧ ka mabɔthər ɔ tiyȧ ka Kuru, ɔwa Kuru ɔ tiyȧ ro ŋɔŋ.

1 Yɔn 4:20

Bepi wuni o wuni ɔ pa ɔ bɔthər Kuru, kɛrɛ ɔ gbɛŋa ɔwɔnt kɔŋ-e, ɔ yi uyem; kotȧy-e ɔwe te bɔthər ɔwɔnt kɔŋ ɔwe ɔ po nənk, to mɔ gbəli bɔthər Kuru ɔwe ɔ te tha nəŋk-e?

1 Yɔn 4:6

Saŋ sə yi ta Kuru: ɔwe tȧrȧ kɔ ɔ təlȧ su; kɛrɛ kɔn ɔwe te yi ta Kuru ɔ təlȧ hɛ su. Ka ȧte sə tȧrȧ ɔgbaskɛ wa aŋyina ka təteŋ, yi aŋyina ŋa rəyem.