1 Yɔn 3:8 - Ȧŋlemrȧnɛ Ȧfu

⁸ Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

1 Yɔn 3:8 Iomraidhean Croise

Mathiu 12:28

Kɛrɛ bepi i wurɔ akǝrǝfi ka aŋfɔsɔ ŋa ɔYina ka Kuru Mǝsaba-e, rȧbȧy ra Kuru rǝ derǝr nu.

Mathiu 13:38

Ɔwa akɔr-e, kǝ yi ȧdȧru. Mater mǝfinɔ mǝ yi aŋwuth ŋa rȧbȧy, kɛrɛ kapika kǝ yi aŋwuth ŋa ɔwuni lǝs.

Mathiu 4:3

Ka ɔgbɔns ɔ bek-e, ɔ pa ro ŋɔŋ, Bepi munɔ yi ɔWan ka Kuru-e, yamari kȧmȧ masar ame mǝ sǝkɛ tǝbo.

Mark 1:24

Ɔ woŋa, ɔ pa, Tey su, ko sə ba yi munɔŋ-a, munɔ Yisɔs ɔwe ro Nasarɛth-e? Mə der tə kədim su-i? I tȧrȧ ɔwe mə yi-e, ɔSəm ka Kuru.

Luk 10:18

kɔ pa ro ŋaŋ, I nənk Sethani ɔ fumpɔ mɔ ɔnakthinɛ kəwur ka ȧkuru.

Yɔn 12:31

Ka-ake ka pə yi kathoŋkas ka ȧdȧru are; ka-ake a tə wurɔ ɔwe yi rȧbomp ka ȧdȧru are.

Yɔn 16:11

ta kəthoŋkas ɛpa, pəkasifɛ a po thonkas ɔwe yi rȧbomp ra ȧdȧru are.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

AŋRomans 16:20

Kaŋka ɔKuru ka məthɔfəl ɔ tə gbəmər Sethani ka tatək ta nu ratha thani. Ta ȧŋboŋa ŋa ɔMarki kȧsu Yisɔs Krayst aŋ yi yi naŋ.

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋKɔlɔsi 2:15

kɔ ləsər aŋfɔsɔ ŋa agbəka dɛ yi abȧy bɛ, ɔwa ɔ tɔri gbafəth kəpa ɔ po tham ŋa ka akənt kɔŋ kəpəŋkinɛ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

2 Pitar 2:4

kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

1 Yɔn 1:2

a tɔri aŋesəm, ɔwa saŋ sə po nəŋka ŋi rəfɔr, ɔwa sə seri ta ŋi, ka sə tɔri nu aŋesəm thəbana aŋa yi ka ɔKas, yi aŋa a po tɔri su;

1 Yɔn 3:10

Ka ȧte sə gbəli tȧrȧ awuth ŋa Kuru, yi awuth ŋa Sethani: wuni o wuni ɔwe te yɔ ɔlompi ɔ yi hɛ ka Kuru, thalɔm ɔwe te bɔthər ɔwɔnt kɔŋ.

1 Yɔn 3:5

Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

Yud 1:6

Ɔwa aŋmȧleka aŋa te bɛnɛ mayi maŋ thəpaŋ, kɛrɛ aŋ tey mayira maŋ məlompi, ɔ bɛnɛ ŋa rə tɔrɛntha ka ȧŋsum abana haŋ ka kathoŋkas ka ȧŋrey abana.

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.