1 Yɔn 3:5 - Ȧŋlemrȧnɛ Ȧfu

⁵ Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

1 Yɔn 3:5 Iomraidhean Croise

Mathiu 1:21

Ɔ tǝ kom wath uruni. Ɔwa mǝ yi tǝ kǝbont kɔ ŋes Yisɔs, kotȧy-e kɔnɔ mǝ kisis aŋfǝm ŋɔŋ ka ɛhakɛ yaŋ.

Luk 23:41

Ɔwa pə yi ɔlompi tə kəthalər su ȧtesoma-e saŋ sə sɔthɔ ȧŋrȧm ŋa mȧyɔs ma su, kɛrɛ ɔlaŋgba ɔwe ɔ yɔ hɛ tȧy o tȧy tələs.

Luk 23:47

Ɔwa ma ɔkaptin ɔ nənk ȧte po yɔnɛ-e, ɔ thɔkəs Kuru, ɔ pa, Tɛntɛnɛ ɔwe-e, wuni lompi wɔŋ.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 1:31

Ɔwa i tɛ hɛ kɔ: kɛrɛ kȧmȧ ɔ wur gbafəth ka aŋIsrɛl tiyȧŋ minɛŋ i der tə kəbaptays yi mȧntȧŋ.

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 8:46

Wuni reke kətɔŋ ka nu ɔ gbəli sɔŋ mi mətheri ta ahakɛ-e? Ɔwa bepi i kanɛ nu tȧteŋ, kɔyɛŋ nə te mi lanɛ-e?

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

1 Timɔthi 1:15

Ȧŋpa aŋe aŋ yi abɔthi malanɛ bɛ, ɔbeki ta afəm bɛ tə kəlanɛ, kəpa ye Krayst Yisɔs ɔ der ka ȧdȧru tə kəkisis afəm ŋa ahakɛ; ɔwa minɛ yi ɔbȧy ka ŋaŋ.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 4:15

pəkasifɛ sə ba hɛ ufode ubana ɔwe te gbəli təlnɛ mȧrȧnt ma su; kɛrɛ a la mɛmər kɔ yi ɛgbɔns rə roŋ o roŋ mɔlɔ min mɔ saŋ, kɛrɛ ɔ tha yɔ hɛ ahakɛ bɛ.

AŋHibru 7:26

kotȧy-e, ɔbeki su tə kəba ufode ubana mɔ ɔwe-e, ɔwe yi usəm-e, upaŋi yaŋfa-e, ugbəraŋ-e; ɔwe yi ugbaskɛ ka afəm ka ahakɛ, dɛ yi ɔwe a ŋata ɔbɔli rəkɔm pəthas kȧriyana.

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

1 Pitar 1:18

Ȧtesoma-e nə tȧrȧ kəpa a bani hɛ nu yi ɛyɛt ɛyɛ ba kələsȧ, mɔ akala ȧferȧ dɛ yi məbɔŋɔ, kəwur ka mayi ma nu məyay ama nə sɔthɔ kəwur ka aŋbemba-a nu;

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

1 Pitar 2:22

Ɔwe yɔhɛ ahakɛ bɛ, ta a pa ras, ɔ fɔf rəyem.

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Yɔn 1:2

a tɔri aŋesəm, ɔwa saŋ sə po nəŋka ŋi rəfɔr, ɔwa sə seri ta ŋi, ka sə tɔri nu aŋesəm thəbana aŋa yi ka ɔKas, yi aŋa a po tɔri su;

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 2:1

Awuth a mi alɔl, i gbalər nu mȧtȧy ame kȧmȧ nə te yɔ ahakɛ. Kɛrɛ bepi wuni o wuni ɔ yɔ ahakɛ, sə ba ukasa yi ɔKas, ɔ yi Yisɔs Krayst ɔlompi:

1 Yɔn 2:2

ɔwa kɔnɔ yi asathka tə kəsɔŋ anɛmthɛnɛ ta ɛhakɛ ɛ su: ɔwa pə yi hɛ gbo ta ɛyɛ su, kɛrɛ ta ɛhakɛ ya ȧdȧru bɛ.

1 Yɔn 2:29

Bepi nə tȧrȧ kəpa ɔ yi ulompi, tȧrȧ nu sɔ kəpa wuni o wuni ɔwe mə yɔ ɔlompi kɔnɔ kom kɔ.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,