1 Yɔn 3:2 - Ȧŋlemrȧnɛ Ȧfu

² Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

1 Yɔn 3:2 Iomraidhean Croise

Mathiu 5:8

Aruba ŋaŋ aŋa ba ɛmerȧ ɛfera, kotȧy-e aŋ ba kǝnǝŋk Kuru.

Luk 17:30

Ya pə tə yi sɔ ka ȧŋrey aŋa ɔWan ka wuni ɔ tɔrinɛ.

Luk 20:36

ȧtesoma-e aŋ gbəli hɛ sɔ fi, aŋ yi mɔ aŋmȧleka; aŋ yi awuth ŋa Kuru, maŋ yi aŋwuth ŋa kȧyokanɛ ka rafi.

Yɔn 1:12

Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:

Yɔn 11:52

ɔwa pə yi hɛ ta ȧŋbona ŋati son, kɛrɛ kȧmȧ ɔ thoŋkla dɛr ɔkin aŋwuth ŋa Kuru sɔ aŋa po sakanɛ.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

AŋRomans 8:16

ƆYina kɔn kɔnɔnɛ ɔ sɔŋ məseri dɛ yi ɛmerȧ ɛ su, kəpa sə yi aŋwuth ŋa Kuru.

AŋRomans 8:18

kotȧy-e, i botər ti rə ȧmerȧ kəpa kanakasi ka ȧŋlɔkɔ aŋe kə bek hɛ tə kəthunthanɛ dɛ yi aŋyiki aŋa yi tə kətɔrinɛ do rɔsu.

AŋRomans 8:19

kotȧy-e ɛyɛt ɛbɛmpa bɛ ɛ tə kar rə kəbosinɛ kəbaŋ ta kaŋȧybɛ ka aŋwuth ŋa Kuru.

AŋRomans 8:29

kotȧy-e ŋaŋ aŋa Kuru ɔ po thith thəpaŋ, ɔ ba mabotəs mati kȧmȧ aŋ taŋanɛ ka mȧbȧlȧnɛ ma ɔWan kɔŋ, kȧmȧ ɔWan kɔŋ ɔ yi ɔbaki kətɔŋ ka awɔnt agbȧthi.

1 AŋKɔrenth 13:12

Ka-ake sə nənk rə amɛmnɛ pəfəri; kɛrɛ ka ȧŋlɔkɔ ŋati si nəŋkanɛ der yi derȧŋ. Ka-ake i tȧrȧ gbo ɔthan, kɛrɛ ka ȧŋlɔkɔ ŋati i ti tȧrȧ ɔlasər mɔ mȧ a la tȧrȧ mi ɔlolok-e.

1 AŋKɔrenth 15:49

Mɔ mə saŋ sə po ba mȧbȧlȧnɛ ma ɔwuni ka kȧbof-e, mɔlɔ min sɔ sə tə ba mȧbȧlȧnɛ ma ɔwuni ka riyana.

1 AŋKɔrenth 2:9

Kɛrɛ mɔ mȧgbal mə pa hɔ, Rafɔr rə te tha nənk, aŋləns aŋ te tha təl, Thalɔm ȧŋmerȧ ŋa wuni aŋ te tha nanɛ Mȧtȧy ama Kuru ɔ po bɛnɛnɛ ta ȧtȧ ŋaŋ aŋa bɔthər kɔ.

2 AŋKɔrenth 3:18

Kɛrɛ saŋ bɛ, rə aser ta su təgbəpəri-e, sə tɔri aŋyiki ŋa ɔMarki mɔ ɛmɛmnɛ, ɔwa a səki su ka mȧbȧlȧnɛ mɔŋ gbeŋ, rɛ ayiki rokɔm ka ayiki, hali mɔ mə kəwur ka ɔMarki ɔYina.

2 AŋKɔrenth 4:17

kotȧy-e kasɔmpanɛ kȧsu kəfəŋf, ȧke yi gbo ta alɔkɔ agbut, kə mə bȧr yɔna su ayiki alel ɔthasər ta thəbana;

AŋKȧletia 3:26

Ȧtesoma-e naŋ bɛ nə yi awuth ŋa Kuru, asabu ŋa kȧlanɛ ka Yisɔs Kraystȧŋ.

AŋKȧletia 4:6

Ɔwa ma pə yi nə yi awuth-e, Kuru ɔ som ɔYina ka ɔWan kɔŋ ka ɛmerȧ ɛ nu, kɔ pa, Aba ɔKas.

AŋFilipai 3:21

ɔwe yi tə kəsiŋkar mȧdɛr ma su ma mȧlap kȧmȧ mə səkɛ mɔ ȧŋdɛr ŋa aŋyiki ŋɔŋ, kətȧŋȧnɛ ka ȧŋfɔsɔ aŋa mə yɔ mȧtȧy bɛ məyi ro ratha kɔŋ.

AŋKɔlɔsi 3:4

Ma Krayst ɔwe yi aŋesəm a su ɔ tɔrinɛ, ka ȧŋlɔkɔ ŋati naŋ sɔ nə tə tɔrinɛ dɛ yi kɔn ka ayiki.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

2 Pitar 1:4

Ta ȧte ɔ po sɔŋ su ɛlahiri yɔŋ ɛbana ɛkɛŋ, kȧmȧ pə yi di kati nə gbəli ba ani ka mayi ma Kuru, ma nə po fisɔsnɛ kəwur ka mȧnɔkɔ ma ȧdȧru salata ɛmilɛ ɛləs.

1 Yɔn 2:28

Ɔwa, awuth alɔl tiyȧ nu ro ŋɔŋ: kȧmȧ ma ɔ tɔrinɛ, sə tə ba kəmintha, kȧmȧ sə te lap tə kəbəp kɔ ma ɔ der-e.

1 Yɔn 2:7

Awɔnt a mi, i gbalər hɛ nu ayamari afu, kɛrɛ ayamari akur aŋa nə la ba kȧbi ka ɔtəpɛr. Aŋyamari akur ŋa yi ȧrim ara nə po təl kȧbi ka ɔtəpɛr.

1 Yɔn 3:1

Kəla, ko məbɔthər məbana ɔKas ɔ ba ta ȧtȧ su, kəpa a tela su awuth ŋa Kuru; ɔwa ya sə yi mən. Tȧsom ȧdȧru rə te su tȧrȧ, pəkasifɛ rə tɛ hɛ kɔ.

1 Yɔn 3:10

Ka ȧte sə gbəli tȧrȧ awuth ŋa Kuru, yi awuth ŋa Sethani: wuni o wuni ɔwe te yɔ ɔlompi ɔ yi hɛ ka Kuru, thalɔm ɔwe te bɔthər ɔwɔnt kɔŋ.

1 Yɔn 3:21

Abɔthər, bepi ɛmerȧ ɛ su ɛ thɛkɛ hɛ su, sə ba kəsɛlinɛ ka Kuru.

1 Yɔn 5:1

Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.

Kȧŋȧibinɛ 2:28

Ɔwa i ti sɔŋ kɔ akɔs ka rəbəth.

Kȧŋȧibinɛ 22:4

Ɔwa aŋ tə nənk ader rɔŋ, dɛ yi ȧŋes ŋɔŋ aŋ tə yi ka mabuŋ maŋ.