1 Yɔn 3:1 - Ȧŋlemrȧnɛ Ȧfu

¹ Kəla, ko məbɔthər məbana ɔKas ɔ ba ta ȧtȧ su, kəpa a tela su awuth ŋa Kuru; ɔwa ya sə yi mən. Tȧsom ȧdȧru rə te su tȧrȧ, pəkasifɛ rə tɛ hɛ kɔ.

1 Yɔn 3:1 Iomraidhean Croise

Luk 20:36

ȧtesoma-e aŋ gbəli hɛ sɔ fi, aŋ yi mɔ aŋmȧleka; aŋ yi awuth ŋa Kuru, maŋ yi aŋwuth ŋa kȧyokanɛ ka rafi.

Yɔn 1:12

Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:

Yɔn 11:52

ɔwa pə yi hɛ ta ȧŋbona ŋati son, kɛrɛ kȧmȧ ɔ thoŋkla dɛr ɔkin aŋwuth ŋa Kuru sɔ aŋa po sakanɛ.

Yɔn 15:21

Kɛrɛ mȧtȧy ame bɛ aŋ tə yɔ nu salata ȧŋes a mi, pəkasifɛ aŋ tɛ hɛ ɔwe som mi.

Yɔn 16:3

Mȧtȧy ame aŋ tə yɔ nu, pəkasifɛ aŋ tɛ hɛ ɔKas, thalɔm minɛŋ.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

AŋRomans 5:8

Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

AŋRomans 8:19

kotȧy-e ɛyɛt ɛbɛmpa bɛ ɛ tə kar rə kəbosinɛ kəbaŋ ta kaŋȧybɛ ka aŋwuth ŋa Kuru.

AŋRomans 8:21

Kɛrɛ kəgbak ȧmerȧ kə yi kəpa yi ka ɔləpsɔ ɛyɛt ɛbɛmpa bɛ a tə səli yi kəwur ka ratar ra mayi məthei tə kəsɔthɔ rȧwankom rəgbenthis ra aŋwuth ŋa Kuru.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

2 AŋKɔrenth 6:18

I ti yi uKas do rɔnu, dɛ yi naŋ nə tə yi aŋwuth a mi aruni yi aŋwuth a mi abɛra, ƆKuru ka aŋfɔsɔ bɛ ɔ pa.

AŋKȧletia 3:26

Ȧtesoma-e naŋ bɛ nə yi awuth ŋa Kuru, asabu ŋa kȧlanɛ ka Yisɔs Kraystȧŋ.

AŋKȧletia 3:29

Ɔwa bepi Krayst ɔ ba nu-e, nə yi aŋwuth ŋa Ebraham, yi asɔthɔ kɛŋ kətȧŋȧnɛ ka aŋlahiri.

AŋKɔlɔsi 3:3

kotȧy-e naŋ nə po thɔŋ fi, ka ɛŋesəm ɛ nu ɛ po maŋknɛ rokor ka Krayst ka Kurɔŋ.

1 Yɔn 3:10

Ka ȧte sə gbəli tȧrȧ awuth ŋa Kuru, yi awuth ŋa Sethani: wuni o wuni ɔwe te yɔ ɔlompi ɔ yi hɛ ka Kuru, thalɔm ɔwe te bɔthər ɔwɔnt kɔŋ.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

1 Yɔn 4:17

Mabɔthər ma su mə tə gbenthis ka ȧte, kȧmȧ sə ba kəmintha ka ȧŋrey ŋa kathoŋkas: pəkasifɛ mɔ kɔnɔ ɔ yi, ya saŋ sə yi sɔ ka ȧdȧru are.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.