1 Yɔn 2:16 - Ȧŋlemrȧnɛ Ȧfu

¹⁶ kotȧy-e ɛyɛt bɛ ya ȧdȧru, mafela ma mȧdɛr-o, mafela ma ɛfɔr-o, yi kabonɛ tȧy ka aŋesəm, ɛ yi hɛ ka ɔKas, kɛrɛ ɛ yi ka ȧdȧru.

1 Yɔn 2:16 Iomraidhean Croise

Mathiu 4:8

Ka Sethaniȧŋ ɔ kera kɔ sɔ ka kǝteŋ kǝbɔli rǝkɔm, kɔ tɔri kɔ tabȧy bɛ ta ȧdȧru, yi ɛyiki yati.

Mathiu 5:28

Kɛrɛ minɛȧŋ i pa ro rɔnu, Wuni o wuni ɔwe mǝ kǝli wuni bom tǝ kǝfela kɔ-e, ɔ po yɔ kǝrǝp ka ȧŋmerȧ ŋɔŋ.

Luk 4:5

Ka Sethani ɔ gbepa kɔ ka kəteŋ kəbɔli rəkɔm, ɔ tɔri kɔ tabȧy bɛ ta ȧdȧru rə kəgbȧləp win.

AŋRomans 13:14

Kɛrɛ wɔnsənɛ nu ɔMarki Yisɔs Krayst, ɔwa te botərnɛ ti rə ȧmerȧ tə kəlasər mafela ma madɛr.

1 AŋKɔrenth 10:6

Ɔwa mȧtȧy ame mə yi ɛmɔl ta ȧtȧ su kȧmȧ sə te milɛ mȧtȧy mələs, mɔ mə ŋaŋ aŋ milɛ.

AŋKȧletia 5:17

Ȧtesoma-e madɛr mə tim ɔYina, dɛ yi ɔYina ɔ tim madɛr; pəkasifɛ aŋ manɛ hɛ hali; tiyȧŋ nə gbəli hɛ yɔ ȧtȧ nə yema yɔ.

AŋKȧletia 5:24

Ɔwa afəm aŋa yi ka Krayst aŋ po tȧŋ madɛr yi ɛnanɛ ya ɛfela ɛləs yati ka akənt kəpəŋkinɛ.

AŋƐfisɔs 2:3

Saŋ sɔ sə la yirȧ kətɔŋ ka ŋaŋ ka maləs ma madɛr ma su, rə kətaŋ gbo mafela ma madɛr dɛ yi ɛnanɛ yati; pəkasifɛ kətȧŋȧnɛ ka kakom kȧsu sə yi saŋ aŋwuth ŋa rəbaŋ, mɔ afəm alɔm bɛ.

Taytɔs 2:12

aŋa rusəm su tə kəpɛnsa tȧy o tȧy ȧtȧ ŋamnɛ Kuru-e, dɛ yi mafela ma ȧdȧru, kȧmȧ sə yi atempi, alompi dɛ yi asəm ka ȧdȧru are;

Taytɔs 3:3

kotȧy-e alɔkɔ alɔm saŋ sɔ sə sa yi apənk, ȧthȧnthonɛ, atɔns, atar ŋa məfela o məfela mələs-e; sə sa yirȧ gbo ka mȧbaŋ dɛ yi kȧtut. Sə gbɛŋa afəm, ɔwa sə kȧl gbɛŋanɛ.

Yeməs 3:15

Kɛrɛ kȧtemp ake kə yi hɛ kȧtemp ka rəbaki ȧke wur rokɔm, kə yi gbo ȧka ȧdȧru, kə taŋanɛ ɔləs, kə yi ka Sethani.

Yeməs 4:16

Kɛrɛ ka-ake, nə ba məbɔnɛ ka kagbək ka nu ɛyoŋka; kəyasanɛ kəwunɔŋ kə yi kələs.

1 Pitar 1:14

Mɔ awuth arusəma, te nu taŋanɛ mafela ma nu məbaŋ ama nə la taŋanɛ ka ȧŋlɔkɔ ŋa kate tȧrȧ ka nu thəpaŋ.

1 Pitar 2:11

Na abɔthər, i nɛmthɛnɛ nu-e, mɔ atik dɛ yi mɔ afəm ŋa ȧbiyas, gbapɛ nu ɛmilɛ ya madɛr ɛyɛ mə tim kəŋamnɛ rafəm.

2 Pitar 2:10

Kɛrɛ pə tha gbethi thaŋka ŋaŋ aŋa kɔth ka mafela ma mȧdɛr yi mȧnɔkɔ mati, ɔwa aŋ farki təbȧy. Ŋa mə yi abȧki rəfɔr-e, aŋ nesa hɛ tə kəfofiya aŋyiki ŋa rȧbȧy ra Kuru.

2 Pitar 2:18

kotȧy-e ka kafɔf kəkolonɛ ka ŋaŋ aŋ gbɔns ka mafela ma madɛr, yi ka maləs maŋ tə kəsapəranɛ ŋaŋ aŋa yema po wur ka aŋfɔsɔ ŋa afəm ayɛthȧ.