1 Yɔn 1:7 - Ȧŋlemrȧnɛ Ȧfu

⁷ kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 1:7 Iomraidhean Croise

Mathiu 6:12

Tera su mȧtȧy ma su mǝlǝs, mɔ saŋ mǝ sǝ tera ŋaŋ aŋa yɔ su ɔlǝs.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 12:35

Yisɔsȧŋ ɔ pa ro ŋaŋ, Alɔkɔ agbut gbo thɔŋ ta ȧŋmothȧ kəyi ro nu. Kɔth nu ka ȧŋlɔkɔ nə ba ȧŋmothȧ, kȧmȧ ȧŋsum aŋ te nu wop: kotȧy-e ɔwe mə kɔth ka ȧŋsum-e, ɔ tɛ hɛ ro mɔ kɔ-e.

Yɔn 5:4

kotȧy-e alɔkɔ alɔm wurɔ ɔ tə thor ka ȧŋbunth ɔ bora bora ȧmȧnt: ɔwa wuni o wuni ɔwe mə mɔtha wɔŋ ka ȧmȧnt-e kədarəŋ ka a po bora bora ma-e, ɔ sɔthɔ kəyeŋk mədɛr.

AŋRomans 13:12

Ratatak rə yema poŋ, rasɔk rə bek. Maŋ busnɛ nu mȧyɔs ma ȧŋsum, maŋ wɔŋ ɛyɛt ɛtima ya ɔwaŋ.

1 AŋKɔrenth 6:11

Ɔwa yaŋ alɔm kətɔŋ ka nu nə la yi thəpaŋ, kɛrɛ a po fethər nu, a po səməs nu, ɔwa a po sɔŋ nu məmari ka ȧŋes ŋa ɔMarki Yisɔs Kraystȧŋ dɛ yi ka ɔYina ka ɔKuru kȧsu.

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

AŋƐfisɔs 5:8

kotȧy-e nə yi thəpaŋ ka asum, kɛrɛ ka-ake nə yi ɔwaŋ ka ɔMarki. Kɔth nu mɔ awuth ŋa ɔwaŋ;

1 Timɔthi 6:16

ɔwe pə yi kɔn son ɔ ba aŋesəm thəbana ka aŋyɛthɛ ŋɔŋ, rə kəyira ka ȧŋmothȧ aŋa wuni o wuni ɔ gbəli hɛ fatər; ɔwe wuni o wuni ɔ te tha nənk, ta a pa ras ɔ gbəli hɛ nənk; ɔwe ba yiki yi afɔsɔ thȧnkȧŋ thəbana, Amina.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

Yeməs 1:17

Aboya o boya afinɔ, yi aboya o boya agbenthis aŋ wur rokɔm, aŋ thor kəwur ka ɔKas ka ȧŋmothȧ, ɔwe te ba məfəlɛ fəlɛ, thalɔm amumpəl ŋa kəsiŋkar.

1 Pitar 1:19

kɛrɛ salata mȧtir məkɛŋ ma Kraystȧŋ, mɔ kəlɔmɛ kəfɛth ɔwe te ba apora bɛ.

1 Yɔn 1:3

ɔwa saŋ sə tɔri nu ara sə po nənk, yi ara sə po təl, kȧmȧ naŋ nə gbəli ba məmanɛ yi saŋ; ɔwa tɛntɛnɛ mamanɛ ma su mə yi yi ɔKas, dɛ yi ɔWan kɔŋ Yisɔs Kraystȧŋ.

1 Yɔn 1:5

Ɔwa ȧkɛra ȧke sə po təl ro ŋɔŋ sə tɔri nu kəpa Kuru ɔ yi amotha, ɔwa hali asum aŋ yi hɛ ro ŋɔŋ.

1 Yɔn 5:6

Ɔwa Yisɔs Kraystȧŋ kɔnɔ der rə mȧnt yi mətir; pə yi hɛ rə mȧnt gbo son, kɛrɛ rə mȧnt yi mətir.

1 Yɔn 5:8

kotȧy-e asas aŋ yi aŋa mə sɔŋ məseri, ɔYina-o, ȧmȧnt-o, yi mȧtir-əŋ, ŋa asas aŋ yi dim din.

2 Yɔn 1:4

I ba məbɔnɛ məbana ma i fir kəpa awuth a mu alɔm aŋ kɔth ka tȧteŋ, mɔ mə sə po sɔthɔ ayamari kəwur ka ɔKas.

3 Yɔn 1:4

I ba hɛ məbɔnɛ ama mə thas ame tə kətəl kəpa aŋwuth a mi aŋ kɔth ka tȧteŋ.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 12:11

Kɛrɛ aŋ tham kɔ ka mȧtir ma kaLɔmɛ kəfɛth, yi ka ȧrim ra maseri maŋ; ɔwa aŋ sɔnd ɛŋesəm yaŋ haŋ ka rəfi.

Kȧŋȧibinɛ 7:14

Ka i pa do rɔŋɔŋ, “Pa, munɔ tȧrȧ.” Kɔ kȧl kanɛ mi hɔ, “Aŋe-e, aŋ wur ka ansɔmpanɛ abana, kaŋ po yak ȧsuma taŋ, ɔwa aŋ po fethər ti ka mȧtir ma kaLɔmɛ kəfɛth.