Tito 3:9 - Nuevo Testamento Toba Maskoy

⁹ Melvanenvomangkek lheiap apkellatemommap anak aktaikama nkek apketlhenaikama apkelieihengka'a aptepekamok neptamna'ak ma'a, mevhanengvom ankek na apkeliamenammap apketlheianma apkellatemommap aktemakha henganemakha Moises anak, koka akhemo m'a, mankotaqmelkesek nenganiemhaikama m'a.

Tito 3:9 Iomraidhean Croise

1 Corintios 13:2

Askapvanko la nhan alhenek aktakha la Eniapom Neten apaivoma, aihok na ania'a akielhammalhka akientalhnema nak aniangvomhok, ngkoitek na asiangveiakmo lhamakho qaselha. Akietno la nhan akiavai'a nkek moi'askeiam angvakteskesek akhaiam metaimong la akiavai'a, ¡aqhemo koka m'a, motnek ko'o asiaspommalhka m'a metko la m'a askasekhai'o emo'ok!

1 Corintios 8:1

Kolhva smak'ak aleltennaksek aktemakha apkennapekamo mota apnaqtoskama apkellaikamok anak qaselha akiokha alanemmalhka, apkelammakpe mota ketlhengkap apketlheianmo m'a apkellanemo eliohok ma'a. Koka nenianveiakmo nak nkeltemeskeskangkek aliephesekama apkenmahai'a elakpoho, koka nengasekhai'o nak nkeltaqmelkeskeskangkek apkellaniemhaikama.

1 Timoteo 4:7

Meniailho nkek ania'a lhennenga nema atlheianveiam alhma ammelhma nak Eniapom Neten, aniem'o koka enenlhet apanko'ok apankavek ma'a, lheiap koka elana mota qaselha akpeivomo malha nhan aptak apkeleivesammap la'a.

2 Timoteo 2:14

Etlhenkeskeskakho ta mota apvalho'ok enenlhet'avok lheiap hengke'e hengetlhekmoskama nak, eleltennasamok hata apkellanemakha etnangkok napaqtek Eniapom Neten metka apkellatemommap apieseksek anak ma'a, koka aqhemo m'a, vanlha koka akmovana nkoveskak aknaqtevaskama apkellelto la apkellailhemo.

2 Timoteo 2:16

Melhen koka ania'a ngkolatsekama la'a mankoleklemelha nak apvalhok Eniapom Neten, ngkanek apto la aplheianma m'a nkoiavangkok hata m'a meihamolhma.

2 Timoteo 2:23

Meniailho nkek nema aliamenammalhka la'a, koka aqhemo m'a, vanlha koka mota aktepkeskama nennapommalhka m'a.

Tito 1:14

mellanko nkek na ellailhok ania'a nema altennaikama akmovana ania'a la'a koka aniem'o m'a apkelentepkeskama apankavek alietnaikama apaqto'ok. Eliennaho ta nhan kakpota mellailhek henganemakha aniem'o enenlhet apanke' apkellelto nak apkeliamasangveiam hengetlhekmoskama akto nak have niapak ankek.

Santiago 4:1

¿Ko la aniem'akha apkennapommap anak ma'a kakpota nhan apkellatemommap apieseksek anak ketlhengkap elialheng'a, he? Koka nkeniemai'ak ma'a annapommalhka aliaspongkomakha na mota apvalho'ok apankavek ellanangkok ngkollatsekama.