Tito 3:5 - Nuevo Testamento Toba Maskoy

⁵ niekhe lhta ennengko'o mongellaneiangko qaselha altaqmelo, nkaqhok koka eniosak'ak hengellanei'o m'a Eniapom Neten, hengelvongkeskamo nhan tep, hengellalhnaskeskamo nhan engelvalho'ok, malha nhan hengeltemeskeskamo nhan malha la kolhva nempalleiam, hengellaiangko alhnankok neniennaktema aniem'o Espíritu Santo.

Tito 3:5 Iomraidhean Croise

Lucas 1:50

Nietnek apkelietnai'o napaqta'ak apkellelto nak apkellai'o m'a,

Lucas 1:54

Apkelpasmek apkellanemmakpo israelitas apkellelto nak apkellennengkasekama, apkelietnave mota napaqta'ak ma'a.

Lucas 1:72

Apkelietnai'avek nak nanek na napaqta'a m'a nelieihengka, mang nak nanek na nkomahai'ak elvangkamok annemo mo'ok apvalho'ok apkenmahai'akha etnangkok ma'a.

Lucas 1:78

Avanhek ankek apkelietnai'o nengaqta'a Eniapom Neten, hengellangkek sekha akteiapma aknem

Romanos 11:14

Askeltavek ko'o aspaivomo lhema nak ennathama ketlhengkap, netamen hata nhan helketmok niekhe kakpota atlhekmoksek ankok apkelvonkasemmap tep ma'a.

Romanos 11:6

have aniem'o aptaiangkolha apankavek la'a. Ka apkeliekieso la Eniapom Neten enenlhet'avok aniem'o aptaiangkolha apankavek la'a, mmaskek ma'a apkeliekieso aniem'o aktaqmanma nkek apkellanei'o m'a.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Romanos 3:20

Mankollapvankek enenlhet etlhenakpo apankavek apkelpeivomo napaqtek Eniapom Neten aniem'o apieplavkeskama ley, ngkanek ley anak hengelvetaskaskek mongeliehekho hengellaskamakha Eniapom Neten.

Romanos 3:28

Eniapom Neten hengeltemeskeskama nengelpeivomo aniem'o mongeliaskeiam, have aniem'o m'a nengeliehekho nak ley.

Romanos 4:5

Koka Eniapom Neten mo'ok aktema, mankaimommalhka henmakmesama sekhek kakpota hentemeskesek nempeivomo, apmaskeskek na mangeliamolhma aniem'o moniaskeiam, have aniem'o nelanai'a aktemakha aklheianma ley.

Romanos 9:11

Amanie lhnak nanek apkenmahai'a epalemmak m'a, mamma mokhom apkellanekamok qaselha ngkolatsekama, nlho ka la aktaqmanma, koka Eniapom Neten apkeltennaskangkek nak nanek Rebeca apselhiek eniasennama ta metno apketkok. Ka ntemak na aktalhesammalhka Vakkahak Eniapom Neten apaivoma: «Avanhe skamelaiam Jacob aselhtek Esaú», lhna aptemak Eniapom Neten. Apvankek Eniapom Neten apmak'akha la eliekiaqsek enenlhet, nkaqhok meliamolhma la'a nlho ka la apiamolhma kakpota emakmesama apmak'akha la enmeksek apkellanei'oho.

Romanos 9:16

Apietnai'o pankek napa'at Eniapom Neten apmak'akha la etneskesek enenlhet, have aniem'o enenlhet apmak'akha la etne panke, have nhan aniem'o aptaqmelkasemmakpo la'a napaqtek ma'a.

Romanos 9:30

¿Ko la antemeskesek nenlheianma, he? Apkellelto nak metnangko nak judios meteniaiangkok etnangkok apkelpeivomo, nkaqhok koka Eniapom Neten apkeltemeskeskangke lhta apanke apkelpeivomo aniem'o meliaskeiam ma'a.

1 Corintios 6:11

Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

Galatas 2:16

Koka neliavek ennengko'o have hengeltemeskeskama nengelpeivomo m'a aniem'o nelieplavkeskama ley, vanlha koka aniem'o m'a mongeliaskeiam Jesucristo. Ennengko'o nhan mongeliaskakmok Jesucristo ka nkeniemai'ak nemo nak hengeltemeskeskamo nengelpeivomo m'a, have aniem'o m'a nelieplavkeskama ley ngkanek mamma enenlhet aktemeskeskama la apeivomo m'a aniem'o ley anak.

Efesios 2:4

Koka avanhek anke lhta apkelietnai'a nengaqta'a Eniapom Neten ma'a, avanhek ankek na hengellamelaiam.

Efesios 4:23

Eliaqmongkasekha ta nhan alhnanko'ok alietnaikama apaqtek.

Efesios 5:26

Kakpota etnek apokkanma apankek ma'a. Malha nhan apkalhnaskama aniem'o apaivoma malha aktonak iemmen akmovana nak nkalhnaksek ma'a.

Colosenses 3:10

Kolhva koka alhnankok apvalho'ok nlhenkek na akvanekamok lhamakho aknem akvaiakmo aknakho aptaiangkolha Eniapom Neten apto lhta apkelanai'a enenlhet, nlhenkek na akvakmo apkeliekpelkangvakmo ta apiokho nkek ma'a.

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

Tito 3:4

Koka nkaqhok Eniapom Neten apto hengelvonkeskama tep hengelvetaskeskangke lhta pankek aptema apiamolhma apanke, apkellamelaiam na aplhamakho enenlhet'avok lhmankek ham,

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 4:16

Ka ngkanek ntasek angelteteskakho mota ennengko'o m'a metka nengai'a napokha aptanema Eniapom Neten apto niapom hengamelaiam. Apiosek hata nhan hengellanhok ennengko'o m'a, hengelpasmok hata nhan akvo'o la aknem akientalhnema ngkanek apto apiamolhma apanko ie'.

Hebreos 6:6

Hai, apkeliepkonme lhta ketlhengkap ma'a lhamakho qaselha altaqmanma nak, koka apkelieniakho la'a mankollapvankek mokhom eliaqmongkasekhak mo'ok apvalho'ok, ngkotnekhak kelha malha mokhom apkeliaqlhaklhema neten iamet aktenneskama Eniapom Neten apketka kakpota eliemetkasama kelha enenlhet'avok ma'a.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke

1 Pedro 2:10

Lhennenga lhta ketlhengkap have lhta apkennemolhema Eniapom Neten, koka kolhvave nak aptangkek apkennemolhema m'a, ma lhta nhan elietnai'ok napaqta'a ketlhengkap ma'a, kolhva koka apkelietnai'avek napaqta'a ketlhengkap ma'a.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,