Tito 3:10 - Nuevo Testamento Toba Maskoy

¹⁰ Ka apvet'o la lheiap lhema enenlhet apkelhpankeskama apieseksek anak Jesucristo apkennemolhema ham, ennaves hata lhema nlho ka la hanet aptaiekho. Koka mankomak'o la eniailhok ma'a, meipetkangvakha nkek ma'a

Tito 3:10 Iomraidhean Croise

Romanos 16:17

Ketlhengkap elialheng'a, ellaho ta mota enenlhet'avok anak apkenmahai'a la elhpankesek, apkenmahai'o nak na eliepkonek ham, apkenmahai'a nhan ellammelhek nema atlhekmoskama lhta apketlhevai'a ketlhengkap. ¡Melpalhkama nkoie'!

1 Corintios 11:19

Neksa apkelhpankesammap amota alhnakho nkek nengvetai'a apkeltemakha la altaqmelo kanhan ngkollatsekama la'a.

2 Corintios 13:2

Askeleltennaske lhta sekhe lhta astaiento lhta amaika'a ham aktemo hanet asvekta ham, atnek hata akiennaktema aspaioma askellanei'o apkellelto apkellanekamok anak ngkollatsekama, alhenekhok hata mokhom kolhvave nak, atnek hata askeliennai'o askellanei'o asto ta amaika'a mokhom ham.

Galatas 5:12

¡Nkaimelhkek kelha ngkolhek aksavheso nema aliaqtemenkeskama apkammelhakha m'a apkellelto apkeliasekamo lhma ketlhengkap ham!

Galatas 5:20

Neniavenkeskamo akvesai'a qaselha alanemmalhka akiokha, kakpota nhan aknema engvalhok, nentaknongkoma emmo'ok, nennapommalhka emmo'ok, nennathaikama, nenloma, nenteniaikama mota emmo'ok angammelhek, nenmopvana angelhpankesek emmo'ok.

2 Tesalonicenses 3:14

Hata apkelvet'o ta po'ok meliehekho vakkahak nennaktalheskeskama nak, meliepetkamankek ma'a kakpota nhan enmankangvomok ma'a.

2 Tesalonicenses 3:6

Ketlhengkap elialheng'a, akieplomo apvesai'a apveske engankok Jesucristo mangeleltok eliepetkangvomok engelialheng'a nentemo lheme nak akhemo nak apkellangiemhaikama metka apkenmakmekama nak kanhan melieplavkeskama netlhekmosekamo lhta.

2 Timoteo 3:5

Nkovak hata nhan aknem apkeltaikama apankavek apkelleliehekho Eniapom Neten, koka eliekpelkakpo ta m'a apkellelto niekhe meleliehekho m'a. ¡Mepalhakvom ankek lheiap ma'a enenlhet'avok anak!

2 Pedro 2:1

Apkakhaiangkek nak nanek apkeleltennasemmap ania'a apkenmopvanka'a ania'a apieseksek israelitas, elvak hata nhan kolhvave nak apieseksek anak ketlhengkap ma'a, etlhekmosangkok hata apkelielhaskeskamo qaselha mankoietemo, akmovana hentevaksek nahan, nkolammelhek hata apkelpakmeiasma Apveske apto lhta apkel·hatsoskekha neksa anmaikama meliamolhma, nkotlapkesek hato ka nema apnaqtevaskama m'a.

2 Juan 1:10

Ka apvo'o ta lhema enenlhet ham apsoiam la mo'ok aktemakha hengetlhekmoskama, ¡menmamonkek takha m'a, metnamo nkek na aktaqmanma apvai'a m'a!