Tito 2:5 - Nuevo Testamento Toba Maskoy

⁵ Nkollavanak na nkotlhenek av'alho'ok amanie anmahai'a la nkollanangkok qaselha m'a, kakpota nhan nkoltaqmelkasok atlhenaikama av'alho'ok, kanhan nkotnangkok aliamo nkoltaqmelkesek akhaiangkolha la'a, aliamolhma, alleliehekho nhan anakteiangka'a la'a kakpota m'a mangkolhek akiematkesangka ania'a aktaqmanma aniem'o Eniapom Neten.

Tito 2:5 Iomraidhean Croise

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

Hechos 9:39

Apkelieplekhek nak Pedro m'a, ka apkelvekho lhnak ma'a akietnakha apak ngkelvana. Mang na ntek lhentampak'ak aliepqalhemo m'a, ka alvetaskeskamo lhnak Pedro ietamopai'a kakpota nhan apkelvenaktema ngkelvana'ak allentalhnema allanai'a lhnak Tabita neksa aktema alhnankok ma'a.

Romanos 14:16

Netamen eliemetkasekhak hata ketlhengkap ma'a ngkanek apvanka'ak etavangkok lhamakho qaselha m'a.

Romanos 2:24

Lhnak nane ntemak lhennenga aktalhesammalhka Vakkahak Eniapom Neten apaivoma hengke'e: «Metnangko judios apnaqtevaskangke mota apvesai'a Eniapom Neten aniem'o ketlhengkap meliamolhma» lhna ntemak.

1 Corintios 11:3

Kolhva koka smak'ak alelpeiveskasekhak ketlhengkap, Cristo apto malha apqatek apkenno la'a, apkenno koka malha apqatek ngkelvana la'a, Eniapom Neten koka malha apqatek Cristo

1 Corintios 14:34

ngkelvana'ak nkaimelhkek nkolvanmak neksa nemaknekha la'a, have aleltammalhkelha nkotnangkok nkolpaqmetama m'a, ley Moises anak aklheianma ntasek nkoleliehekho mota anakteiangka'a.

Efesios 5:33

Hai, ka m'a, ntase anke mota ketlhengkap ellamelemma mota apnaqteiangka'a, ka kto nak apkellamelammakpo apankave'. Ketlhengka' nhan apnema nak anakteiangka'a ntasek na nkollaho mota anakteiangka'a.

Colosenses 3:18

Ketlhengka nema nak anakteiangka'a, koleliehekho ta mota anakteiangka'a, ngkanek allanemmalhkelha mota nkotnangkok allelto nak nkoliaskeiam Apveske.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

1 Timoteo 6:1

Ketlhengkap elialheng'a apkellelto nak nema allasennaikama nema apkelianmoma, ntasek ellaho mota apveske apanko'ok kakpota menaqtevaksek enenlhet apvesai'a Eniapom Neten ma'a kanhan hengetlhekmoskama nak ennengko'o.

Tito 2:4

nkotlhekmosangkok na ngkelvana tko'ok anak kolhva akteniaikamok anakteiangka'a kakpota nkollavanak nkollamelemmak anakteiangka'a, atkak nahan.