Tito 2:12 - Nuevo Testamento Toba Maskoy

¹² ka nkeniemai'ak ntasek angelvatesangkok nentaikamok mongeliamolhma, kanhan alletsepmakha ennenio'ok anak, kolhva koka ntasek angelloka atlhenaikama mota engelvalho'ok aktaqmanma qaselha nak, angellanangkok na akpeivomo, angellamelemmak na emmo'ok,

Tito 2:12 Iomraidhean Croise

Lucas 1:6

Alpeivomo lhnak napaqtek Eniapom Neten, alleliehekho lhnak na lhamakho apkellanemakha nkotnangkok kanhan henganemakha Apveske.

Lucas 1:75

Angellanangkok na lhta nhan qaselha altaqmelo, akpeivomo nhan lhamakho aknem.

Juan 14:30

Ketse nkaimelhkak aknem akmaskemakha askelpaqmetkeskama ketlhengkap, ngkanek nkanketva'ak aveske lhma nkek ham, koka mamma akmovana hetneskasentak koneng ma'a.

Juan 6:25

Ka apkelvakmo lhta enenlhet'avok mo'ok nekha alvata, apkelvetakho lhta Jesús ma'a, apkelelmalhnengka lhta, lhta aptangkok: —Hengetlhekmoskama, ¿se lha akto aknem apvai'a lheiap hengkaie, he? —lhta aptangkok ma'a.

Hechos 24:16

Vanlha ko mota askelienlhaneiakmo alanak qaselha altaqmelo napaqtek Eniapom Neten, napaqtavek na enenlhet'avok kakpota mangkoitek malha henavesaikama evalhok alketamekama helhenkeskekha askelanai'a la ngkolatsekama.

Hechos 24:25

Apkeleltennaseiangka lhna lhta nentemakha antek nempeivomo, aktemakha nhan metka nellanai'a nenmak'akha antehek, ka aplheno nhan nkovak hata aknem apkeliekpelkemo Eniapom Neten apkeltemakha enenlhet'avok lhmankek ham. Ka aknelhtengkeskamo lhna lhta neten apvalhok Felix neksa aplengai'a m'a, lhna lhta aptemak apkanemo Pablo: —Vanlha, mo'ok aknem hata angvavama mokhom lheiap kakpota apaqmetkeskata —lhna lhta aptemak Felix.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Romanos 6:12

Ka ngkanek na ketlhengkap mellankek nkonmama mokhom ngkollatsekama, aliatekamok anak apvalho'ok ellanangkok ngkolatsekama.

Romanos 6:19

Koka nientelhek eliangvomhok asketlhekmoskama lhkaiek, ka nkeniemai'ak na atlhekmoksek asietkeskama aspaioma m'a. Lhennenga lhta ketlhengkap anmaikama maniamolhma nak, aliateiangko lhta nhan ellanangkok qaselha akpaiseiam, qaselha ngkolatsekama metka apkel·halhiongveianlha. Kolhva koka ntase ellangkok enmama Eniapom Neten kakpota apvanka'ak elvatesangkok ngolatsekama nak, ellanangko mota qaselha altaqmelo.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 7:1

Elialheng'a askellamelaiam, ka nkeniemai'ak ma'a apneskamo aplheianma hengellangkok hata Eniapom Neten, ntasek hengellalhnaskesek neliokha kanhan engvalho'ok aniem'o altamekha ngkollatsekama, antangkok neliokho engankavek nelalhnai'o aniem'o nellai'o Eniapom Neten.

Galatas 1:4

Apkaiangkave lhta m'a Jesucristo apmatnama aniem'o mongeleliehekho hengaskamakha Eniapom Neten. Hengelpaqnengkasekho nhan ngkolatsekama hengenmaikamok nenvanlha nak aniem'o nhan Eniapom Neten apkeltema m'a.

Galatas 5:24

Nenlhamakho nengelelto nelpasmekha Cristo Jesús malha ntemak neliaqhapkeskekha la neten iamet aktenneskama akiaspongkomakha nak engelvalho'ok akteniai'a na mota nkolanak ngkollatsekama.

Efesios 1:4

Amanie lhnak nanek apkelanai'a lhamakho qaselha lhma nkek ham, hengeliekieskangkek nak nanek na Eniapom Neten ennengko'o aniem'o nhan Cristo kakpota hengeltemeskesek na hengelpokkanma, angelloka metka neltemengveiakmo lhma' napaqtek ma'a. Avanhek ankek hengellamelaiam Eniapom Neten,

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

Colosenses 1:22

Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

1 Tesalonicenses 4:7

Hengellavema ennengko'o Eniapom Neten kakpota angellanak qaselha altaqmelo, have qaselha alpaiseiam anak.

1 Tesalonicenses 4:9

Mankaimelhkak annaktalheskasangkok mokhom aktemakha apkellasekhammakpo apieseksek anak ketlhengkap ham, ngkanek apketlhekmosekamok apanke Eniapom Neten ketlhengkap,

1 Timoteo 4:12

Meniangko nkek na ngkolhek aktemeskesantamo koneng lheiap aniem'o apketkok mokhom lheiap, eliatama toka akietemo nkek aplheianma, eltaqmelkasakpo ta nhan, elto ta nhan nkalhnok apvalhok anak, koiet hata nhan mei'askeiam kanhan apkasekhai'o po'ok kakpota aplhamakho enenlhet'avok elvanangkok aptemakha lheiap.

1 Timoteo 6:17

Elelto ta nhan lheiap menianek ellakpok apkellelto nak nema apkelletsekama nenvanlha nak, mellanek na nkolhnangkok alel·halhnekama apvalho'ok aniem'o nkeskama apkelletsekama ngkanek nkomaskengvomok hata m'a. Koka ntasek ma'a nkolhnangkok alel·halhnekama apvalho'ok aniem'o Eniapom Neten, hengellaiangko nhan nkeskama qaselha aimommalhkelha la m'a kakpota nkoltaqmelek nellaniemhaikama m'a.

1 Timoteo 6:9

Koka apkellelto la aptengiaikamo mota nkeskama patakkom apanko'ok, nkovak na aklheianma apvalho'ok eltok eniankesangkok qaselha apanko'ok la'a, koka nkovak na aktevasekha nkek ma'a, malha ta nhan ngkotnek anmama al·hanemmalhka m'a nkonnaqtevaksek hata nhan aplhamakho akvakmo apsavhekpo m'a.

2 Timoteo 3:12

Have niapak ankek ellengangkok hata nema akmenlhenaikama aplhamakho apkellelto la apkenmahai'a ellanangkok qaselha altaqmelo aniem'o nhan apkelleliehekho Cristo Jesús,

2 Timoteo 4:10

ngkanek Demas heieniakhehe', apmeiakhe lhta ma'a akieto Tesalonica apteniai'a qaselha meiaspongkomakha nak Eniapom Neten. Crescente lhtoka apmeiakhak ma'a akieto iokhalhma Galacia, Tito koka m'a iokhalhma Dalmacia,

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

Hebreos 8:11

Meniaimakpek hata enenlhet la apketlhekmoskama apaivoma lhema apanke nlho ka la nhan apnemolhema apanke aktemakha asvesai'a nak ko'o, ngkanek eliangvomhok hata asvesai'a aplhamakho pankek, akvakho apketkeietse panke kanhan akvakho metno apketkok.

Santiago 1:27

Koka akto aktaqmelo nentaqmelkasemmalhko engankek napaqtek Eniapom Neten nentaikama mota amaika'a apkelieihekama kanhan lhentampak'a neksa alvetai'a akientalhnema, kanhan mongellankehe na hengellekhoho ngkolatsekama la enenlhet meliamolhma.

2 Pedro 2:9

Hai, apvankek Apveske elvongkesek tep neksa aliepkonma apkellelto la apkellanekamok qaselha altaqmelo, apvankek na elpokkenek apkellelto la meliamolhma kakpota eliaqmongkaskesekhak hata apkeltemakha ngkollatsekama akvo'o ta aknem neniekpelkammalhkelha m'a,

2 Pedro 3:11

Hai', lhamakho qaselha ta nkonaqtevasalhkak ma'a, ka ngkanek na ketlhengkap ntasek eltaqmelkasakpo mota, eleliehekhok na Eniapom Neten.

1 Juan 2:27

Koka mankaimommalhkak etlhekmoskak ma'a ngkanek Jesucristo malha apkeltemeskeskama apkeliangkanma apietsekso'ok ketlhengkap Espíritu Santo m'a, apkelloka nhan lhemek ketlhengkap ma'a. Hata etlhekmosangkok lhamakho aktemakha qaselha m'a, akto haveniapak ankek, metka akmovana ania'a nhan, apketlhekmoskamo lhta nhan ma'a etlhengkesek na apkelpasmekha Cristo.

1 Juan 2:6

Enenlhet apto la aplhenammakpo pankek apto apasmekha m'a, nkaimelhkek na etnek aptemakha lhta mota m'a.

1 Juan 5:19

Nengeliavek na ennengko'o nelleniem'o Eniapom Neten, koka apkellelto nak meleliehekhok malha aknaktetema m'a maniamolhma ngken anak.

Judas 1:18

Neksa akmahai'a lhna lhta nkovak ma'a aptemongvanlha ta nnelha aknem, elvak hata enenlhet'avok apkeliematkesaikama mota, nkonmama ta nhan aliaspongkomakha nak apvalho'ok ma'a.

Apocalipsis 14:12

Hata akvo'o ta aknem anak ma'a akientalhnema, elvetakpok hata apkelvaskapma apkellelto nak apkelpokkenammap, apkeleliehekho nhan henganemakha apankok ma'a kanhan meliaskeiam Jesús.