Tito 2:11 - Nuevo Testamento Toba Maskoy

¹¹ Hengelvetaskeskangke lhta Eniapom Neten aktaqmanma nkek hengellanei'o neksa hengellaikamok nengelvongkasemmalhka tep anak nenlhamakho lhmankek ham,

Tito 2:11 Iomraidhean Croise

Marcos 16:15

Netamen lhna aptemak Jesús apkellanemo apkeltamesaikamok: —Enmamok hata ketlhengkap lhmankek ham, eleltennasamok hata ania'a aktaqmanma m'a.

Lucas 24:47

Nkolhek hata aleltennasengka apvesai'a lhamakho apkellavakha halhmankek ham, hata ellempak hengke'e Jerusalen kakpota eliaqmongkasekhak na mo'ok apvalho'ok enenlhet'avok kakpota Eniapom Neten etneskesama apankek meleliehekho nak apkellaskamakha, lhna ntemak na ania'a m'a.

Lucas 3:6

Netamen hata m'a nkotalhkak hata nenvongkasemmalhka tep aniem'o m'a Eniapom Neten», lhnak na nek aptemak.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 1:9

Lhna nkeniemai'ak ma'a anketaiakmo akvai'akha nalhepop apommatema nak akto have niapak ankek atsaskeskama lhma ta aplhamakho enenlhet'avok.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 13:43

Man nantek judios kakpota nhan metnangko judios apkellelto apalhakvaiam apkelvanekamok aptaiangkelha judios, apkelieplekho lhnak Pablo m'a kanhan Bernabe. Koka apkelleltemo lhnak melieniekhek aptaikamok meliaskeiam Eniapom Neten kanhan apkellamelaiam ma'a.

Hechos 13:47

Apveske lhnak nanek apkeltemo antehek ma'a, lhna aptemak: «Askapaskek lheiap kakpota etnek malha apkapommatema lhmankek ham, etso'ok hata ania'a m'a askelvongkeskama ta tep aplhamakho enenlhet'avok akvakmo nnelha lhepop lhma nkek ham», lhnak nanek aptemak.

Hechos 17:30

Malha metka apqatko'ok enenlhet'avok lhennenga, meliekpelkemak na Eniapom Neten, mang koka eliaqmongkaskesekhak aptaiangkolha meliamolhma m'a. Kolhva koka apkeltavek Eniapom Neten lhamakho enenlhet eliaqmongkasekhak mo'ok apvalho'ok ma'a.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Romanos 10:18

¿Ma nlho ellengai'a niekhe ania'a, he? Mma', apkellengai'a niekhe have niapak ankek aplhamakho apankavek ania'a, ka aktemo nak aktalhesammalhka Vakkahak Eniapom Neten apaivoma hengke'e: «Ka apkelpaqmetekama nak apkelleltennasemmap ania'a ntepkek lhamakho eiempek, kanhan aktakha nnelha nkek lhepop ngvakmek ania'a m'a»

Romanos 5:15

Akvai'o akientalhnema nak aniemai'o Adan, koka mo'ok aktema Eniapom Neten hengellaiangko metka akianmoma. Akvai'o nak apkeletsepma lhamakho enenlhet lhmankek ham aniem'o meliehekho lhema aphapak enenlhet, Adan apvesai'a m'a. Koka Eniapom Neten na hengellaiangko qaselha metka akianmoma altakmelkeskamo nak nengellaniemhaikama nenlhamakho aniem'o koka nhan lhema enenlhet apvesai'a Jesucristo.

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Galatas 2:21

Momahai'ak ataqheso qaselha aktaqmelo metka akianmoma heiaikamo lhta Eniapom Neten, hetneskeskamo nak aspeivomo aniem'o m'a Cristo, have aniem'o nhan ma'a ley apanko'ok anak judios, lhta akto la hetneskeskama aspeivomo aniem'o m'a ley anak, malha akhemo lhta ngkotnek apketsepma Cristo.

Efesios 2:5

Niekhe lhta malha nengeletsepma' aniem'o nellanekamok ngkollatsekama, hengellaiangkek koka nentaikamok enhalhnanko'ok ka aptemo lhta nhan apkelanei'o Cristo. Hengelvongkeskangkek na tep Eniapom Neten aniem'o aktaqmanma nkek hengellanei'o.

Efesios 2:8

Aktaqmanma nkek apkellanei'o Eniapom Neten ka nkeniemai'ak apkelvongkeskamo tep, meliaskeiakmo songke ketlhengkap ma'a. Metka akianmoma nhan ma'a, have apteniaiangko apiempeiok apteniaikamok ma'a.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

1 Timoteo 1:14

Nkaqhok koka avanhe kanke lhta aktaqmanma helanei'o Apveske engankok, heiaiangko lhta nhan moi'askeiam, nengasekhai'o aniem'o m'a Cristo Jesús.

1 Timoteo 2:4

apkeltemo nhan angelvongkasalhkak tep nenlhamakho, angeliangvomhok na akto have niapak anke'.

2 Timoteo 1:10

Kolhva koka nelvetai'o nhan apiamolhma apankek Eniapom Neten aniem'o apvai'o m'a Cristo Jesús apto hengelvonkeskama tep, aptevaskamo nhan akmovana nengetsepma nak, hengellaiangko m'a aliennaktema ennenio'ok nkotnengvaianlha nnelha aniem'o nhan ania'a aktaqmanma nak nellengai'a.

2 Timoteo 4:17

Apveske lhtoka hepasmoma, heiaiangko nhan asiennaktema kakpota apaiaksek aklhamakho nkek ania'a aktaqmanma napaqtavek na aplhamakho metnangko nak judios, hevongkeskanke lhta nhan tep malha lhta ntemak iama akmeiva nak akmahai'a heiaqhek ma'a.

Hebreos 12:15

Elienlhanmamok hata nhan apkenmaikamok qaselha altaqmanma nke' metka akianmoma aniem'o Eniapom Neten kakpota metnangkek ma'a malha aktonak panaktema aikapmen'ok anak akmaska aktevaskama nak enenlhet, akmovana nhan nkovak ma'a.

Hebreos 2:9

Nne lhta nhan aktepkeso Jesús hengke'e ketse lhtoka nhan koneng apientalhnemo melhnemok ángeles, iakvatakho lhtoka m'a. Kolhva koka neliavek ma'a nlanei'avek apientalhnemo kanhan nemo ai'o aniem'o lhta apketsepma. Hai, apkeliekieskek Eniapom Neten kakpota enietsepok ennengko'o hengeliaqmoiekha aniem'o aktaqmanma nkek hengellanei'o.