Tito 2:10 - Nuevo Testamento Toba Maskoy

¹⁰ Eleltennasamok hata nhan menmenielhe, etnangkok na nengaqtave mota apkelveskai'e apanko'ok kakpota elvetak aktaqmanma nema atlhekmoskama apketlhevai'a aniem'o Eniapom Neten apto nhan hengelvonkeskama tep ma'a.

Tito 2:10 Iomraidhean Croise

Lucas 1:47

Mpaihakhek evalhok aniem'o Eniapom Neten apto hevongkeskama tep.

Lucas 1:80

Apvanekaniek nak nematka nak, niennaqtenkek nak apvalhok ma'a. Aplomaka lhnak na m'a iokhalhma metkelha temma akvakmo aknem apvetaskesakpo enenlhet'avok ko Israel.

Lucas 16:10

Enenlhet apmopvana la eltaqmelkesek ketsek la qaselha nema akpekkenkasekha, apvankek na eltaqmelkesek akiavai'a la qaselha. Koka enenlhet mankomopvana nak eltaqmelkesek ketsek la qaselha nema akpekkenkasekha, mankapvankek na eltaqmelkesek akiavai'a la qaselha.

Juan 12:6

Koka apmopvana ania'a lhta Judas aptakha apaivoma aplheianma m'a, ma lhta ellanei'ok metka apkelletsekama m'a. Apmenielhmek na lhta mota nekha atkok patakkom ma'a, apmakmekama lhta nhan apkellanekama patakkom Judas ma'a.

1 Corintios 4:2

Envanka'ak na angelvetaskesek enenlhet'avok nentaiangkolha nengeltaqmelkasemmalhko neksa nenmakmekama nenlhevai'a.

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 4:8

Ketlhengkap elialheng'a, asmak'ak aleltennaksek mokhom aktakha nnelha, kotlhen hata apkelvalho'ok lhamakho qaselha akto nak have niapak anke, nentemakha nhan akto akietemo nkek nengai'o emmo'ok anak, qaselha akpeivomo, qaselha alhnai'o nkek, qaselha akleklema engvalhok, kanhan aklhenammalhka nak qaselha altaqmelo. Hai, lhamakho qaselha lhkek altaqmanma alheianma, qaselha aklhenammalhkak altaqmelo, ntasek nkotnangkok hata mota atlhenaikama apvalho'ok ma'a.

1 Timoteo 1:1

Ko'o Pablo asto heiapaskama Cristo Jesús apto niapom al·halhnekama engvalho'ok angvetak aktaqmanma. Hellapaskama koka m'a Eniapom Neten apto hengelvongkeskamo tep kanhan Cristo Jesús kakpota apaiaksek ania'a aktaqmanma.

1 Timoteo 5:17

Nietavek etlhevangkok akianmoma akietemo nkoie aniem'o nhan apkellai'o metno apketko'ok anak apkellelto apkenmakmekama akientalhnema apieseksek anak ham, apkellelto nak apkeleltennaikama, apketlhekmosekamok nahan.

1 Timoteo 6:1

Ketlhengkap elialheng'a apkellelto nak nema allasennaikama nema apkelianmoma, ntasek ellaho mota apveske apanko'ok kakpota menaqtevaksek enenlhet apvesai'a Eniapom Neten ma'a kanhan hengetlhekmoskama nak ennengko'o.

1 Timoteo 6:3

apto la lhema enenlhet apsoiam mok aktema hengetlhekmoskama mankolhnemo m'a hengetlhekmoskama apveske engankok Jesucristo, ammelhma m'a hengetlhekmoskama enganko'ok anak aktemakha mongiaskeiam anak,

Tito 1:3

Nietemavek nenvanlha nak heiapaskamo Eniapom Neten apto hengelvongkeskama tep kakpota aliangveskeskamhok ania'a apankok askeltennaiangka nak.

Tito 3:4

Koka nkaqhok Eniapom Neten apto hengelvonkeskama tep hengelvetaskeskangke lhta pankek aptema apiamolhma apanke, apkellamelaiam na aplhamakho enenlhet'avok lhmankek ham,

1 Pedro 2:12

Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

1 Pedro 3:16

Eltaqmelkasakpo ta nhan kakpota nkoltaqmelkasok na alietnaikama apaqto'ok ketlhengkap, kakpota enmankangvomok apkellelto nak apkeliematkesaikama ketlhengkap neksa apkellanekamok qaselha altaqmelo.

2 Juan 1:9

Enenlhet apto la apmahai'a eiaqmongkasekhak mo'ok hengetlhekmoskama lhta Cristo, have nhan nengaqtek Eniapom Neten ma'a. Koka apto la aptaqmelkeskama hengetlhekmoskama Cristo, koka apto apnemo lhemek Eniapom kanhan Apketka.