Tito 1:5 - Nuevo Testamento Toba Maskoy

⁵ Asiamasangvakhe lhta lheiap ham Creta kakpota esavhok apmakmekama lhta, aspekkenkasakhe lhta nhan askaikamok lhema aspaioma nentemakha angeliekieksek apkeliamo la lhma metno apketko'ok kakpota etnangkok apkelemhama apmaniaie moklhem'a la apkaqnekhelha Jesucristo apkennemolhema m'a.

Tito 1:5 Iomraidhean Croise

Hechos 11:30

Ka apkellangkongvekho lhnak patakkom Bernabe kakpota nhan Saulo kakpota elletsakhak ellangkongvakhak metno apketko'ok akieto Judea kakpota ennaskangkok apankavek ma'a.

Hechos 14:23

Apkelteskesaiangko lhnak na metno apketko'ok takhaplhet'ok moklhem'a apkaqnekhelha iglesia m'a, apkelelmalhneiangko lhnak nahan, apkellaqhaskesammakpo lhnak na mek kakpota elpokkenek ellasennama Apveske aniem'o meliaskeiam ma'a.

Hechos 2:11

moklhem'a apkellelto judios apankavek, kakpota nhan po'ok aptaikamok kolhva judios. Apkakhangkek na hengke'e enenlhet apkelleniem'o Creta kakpota nhan ko Arabia. Nenlhamakho nenleng'ak apkelpaqmetengka nempaivoma ennengko'o aktakha nak qaselha hempelapkeskama aniem'o m'a Eniapom Neten —lhnak aptaiangkok enenlhet ma'a.

Hechos 27:13

Ka apkelhkakmo lhta apketketsek pieiam, atlheno lhta nhan apvalho'ok ntasek etlhong mokhom, ka netlhengo lhta neiava alvata.

Hechos 27:21

Aholhe lhta aknem montaveikokhak nentekamok ma'a, ka apkenmakho lhta neten Pablo, lhta aptak apkellano aplhamakho: —Ntase lhta niekhe hellasekhok ketlhengkap askelto lhta angaqhangkok sekhek ma'a Creta, mangkolhek lhek aktakha loma nemmen kakpota nhan ennengko'o m'a.

Hechos 27:7

Netlhengo lhta metka akpekhai'a aklhamakho aknem ma'a, alhkaiam alhta asongke'. Neksa akientalhnema lhta netlhengama nelvakmo lhta apkammelhakha temma Cnido. Nellempokhe lhta mokhom netlhengama, nelammelhke lhta mokhom alhkaiam m'a, ka nelteteskakho lhta neiava alvata akieto Creta apkammelhakha temma Salmón aniem'o nenteniaikamok metkelha alhkaiam.

1 Corintios 11:34

Koka annapo la mek amanie la apkenmahai'a enmeiakhak nemaknekhelha, ntasek etavokha ma'a apkakhaiangkolha apankave nak kakpota mellanie qaselha ngkolatsekama m'a akieto nak nemaknekhelha, metlhokiek na nema akiaqmongkasekha la'a apkeltemakha. Hai', vanlha m'a, hata asvaktamo ta mokhom astaikama la amaika'a ham, anmaskeskatak hata lhamakho aktemakha akientalhnema apkakhaikamok ham.

1 Corintios 14:40

koka ntasek etnangkok aktaqmanma nak, nema apkelanmakha nhan neksa nemaknekhelha la'a.

1 Corintios 4:17

Ka ngkanek na askapaskamo lhta Timoteo ham, apto malha eietka ehenke askamelaiam meietnekho nhan netamen ko'o, etlhenkeskeskakhok apvalho'ok astemakha na mota ko'o aniem'o moi'askeiam Cristo, ka astemakha na mota asketlhekmoskamok aplhamakho iglesias.

Colosenses 2:5

Kolhva koka molhnemak apieseksek ketlhengkap ham, evalhok koka malha ntemak aknema ham, avanhek akpaihekha evalhok ngkanek avanhek apkeltakmelkeskamo apankavek apkakhaikamok ham, apketlhengkeskangkek na aliennaktema nkek meliaskeiam Cristo.

1 Timoteo 1:3

Askeltavek mokhom altakhengveskakhak astakha lhta askano lheiap ma'a akieto ham Efeso neksa asmahai'a aniakha lhta m'a Macedonia, lheiap hato ka ntasek elhek kakpota ennavaksek mankolietemo nak apketlhekmosekamok, lhta stahak.

2 Timoteo 2:2

Aplengai'a mota lheiap asketlhekmoskamo napaqtavek enenlhet'avok apentalhnema, etlhekmosa ta nha mota lheiap ma'a moklhem'a enenlhet apkellelto la apkeltakmelkasemmakpo kakpota nhan ma'a etlhekmosangkok na po'ok.

Tito 1:12

Malha aktonak enenlhet'avok anak apkelloma nak Creta, apkenmopvanka ania'a lhnak ma'a aplheianma koka apaivomo lhema apankek apkeltennasemmap ania'a apieseksek anak ma'a, malha lhnak kaselha nevhak la akloma, melleskama lhnak na etavangkok aptekamok, mankonmahai'a lhnak na enmakmama m'a, lhna aptemak apkeltennasemmap ania'a apketlheianmo m'a.