Lucas 9:39 - Nuevo Testamento Toba Maskoy

³⁹ Mpelapkeskanke mota aktaiekho aniem'o kasekapok av'alhok, mpesama mota apatong, nkelpelhiennengkaskek nahan, niakmopeskek na apatong ma'a, mangkomak'a nkoieniekha mota kasekapok anak ma'a.

Lucas 9:39 Iomraidhean Croise

Marcos 9:18

Neksa akvekta kasekapok av'alhok, nieplavave mota akiamasma nalhepop, ntepke mota nhan akiaqmopai'a apatong, apkeltaklhek na apmo'ok, ngkeliennaktesema mota nhan apiempehek. Askeltavek lhe niekhe elentepkesek apkeltamesaikamok anak lheiap, koka man lhe nkollapvanka'ak ma'a —lhna aptemak.

Marcos 9:20

Ka apkeliantementamo lhnak apnakha Jesús apketkok nak ma'a, akvetai'o lhnak na kasekapok av'alhok m'a. Kolhvavek ankek nak ntemeskasekha' apketsepaikama, apiaqnanmo lhnak nalhepop apkellelhpokhaiangka lhnak ma'a, aktepkeskamo lhnak na akiaqmopai'a apatong.

Marcos 9:26

Mpaihekama lhnak atong keliaqhameio', ka aktemeskasekho lhnak mokhom apketsepaikama, akteiapmo lhnak na m'a. Malha apketsepma lhna ntemeskeskamak apketkok nak ma'a. —¡Apketsepke, apketsepke! —lhna aptaiangkok enenlhet'avok ma'a.

Lucas 4:35

Koka lhna aptemak Jesús apkelpalhengkaseiangka m'a: —¡Kovanma', kotiep ham enenlhet anak! —lhna aptemak. Apkelelhpokhaikama lhnak nalhepop enenlhet nak ma'a aniem'o kasekapok av'alhok, ka akteiapmo lhnak na metka aktevasekha mokhom ma'a.

Lucas 8:29

Lhna ntemak ma'a akveneiangka m'a ngkanek apiamenaiangka lhnak Jesús kasekapok av'alhok akpaiseiam apmahai'a elentepkesek ma'a ngkanek nnaqtevaskankek na mota metka nnelha enenlhet anak. Apnakteteiangkek na niekhe' enenlhet knonemaie cadena apmeiok kakpota nhan apmanko'ok. Koka nkaqhemavek nak ma'a, apkelietepkeskangkek na mota kakpota enieniekhak akieto metkelha temma.

Lucas 9:38

lhema enenlhet nak apteteskai'ak Jesús ma'a apkapiosekama lhnak apiennakteskamo nhan apaivoma, lhna ptemak: —¡Hengetlhekmoskama epasem no eietka nak lhema phapak apanke!

Lucas 9:40

Askeltavek lhe niekhe apkeltamesaikamok anak lheiap elienieskasekha kasekapok av'alhok anak, man lhe nkollapvanka'ak ma'a —lhna aptemak apiapom.

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

Apocalipsis 9:11

Apne lhta nhan apiav'akha apveske apankok seva lhema ángel aplomakha lhtoka mota akieto malhek konne kanke, nema altema koka Hebreo apaivoma Abadón, kakpota nhan Griego apaivoma Apolion.